متمشيش وراهم
متمشيش ورا صحابك البنات في طريقه لبسهم و تقلدي طريقه كلامهم
لمجرد ان الناس بتحبهم و تنسي نفسك علشان الناس تحبك
...
...
لو هما كويسين حاولي تطوري من نفسك من شخصيتك من طريقه لبسك بس بصورة تربيتك ترضي عنها
اوعي تتخدعي بفكرة ان فيه ناس كتير حواليهم و بتحبهم
و تقرري تلبسي حاجة ملهاش علاقه بشخصيتك ولا تربيتك علشان تبقي محبوبه زيهم
اعرفي كويس ان كل اللي بيقولهم انهم قد ايه لبسهم حلو من الاولاد بيقولوا عليهم من وراهم كلام عمرك ما تتخيلي انه بيتقال
متفكريش ان لو هما وحشين محدش هيتعامل معاهم
للاسف مش كل الولاد بتفكر كدة فيه نوعيه بترضي علشان الهزار و الضحك و الخروجات
المظاهر خداعه و في الاخر هتوصلي لمرحله مكنتيش تحبي انك تتحطي فيها
هتخسري ناس فعلا تستاهلي انك تعرفيهم
و هتتصنفي بصورة متشبهكيش
متقلديش حد علشان تبقي محبوبه او في نظر الناس جميله
خليكي انتي زي ما اتعودتي و طوري نفسك بأسلوب تبقي من خلاله مبسوطه من نفسك
اوعي في يوم تكسري نفسك قدامك هتهون عليكي و هتعملي بعد كدة حاجات كتير انتي مش راضيه عنها من مبدأ انك تستاهلي اللي بتعمليه في نفسك
حافظي علي نفسك