ما هوا أصعب حب؟ للنقاش

ما هوا أصعب حب من وجهة نظرك؟

الحب من طرف واحد :

الحب من الطرفين الذى انتهى بالفراق لأى سبب من الأسباب:

الحب لما ما تقدرش تقول لحبيبك ( بحبك ):

للنقاش

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

والله يا ابو حميد مش خلفية عندى
لانى مش بشغل دماغى بالحاجات دى
مستنى الانسانة اللى مكتوبلها تكون مراتى وهى دة هتكون كل حاجة بالنسبة لى
بس تقريبا اصعب هو
هو لما تلاقى اللى انت تحبوا مابيحبكش
زى ما خالد عجاج

اقتباس :

الحب من الطرفين الذى انتهى بالفراق لأى سبب من الأسباب

عارفين ايه هو اصعب حب

لما تقدم كل حاجه لحبيبك
حياتك روحك حتى احلامك
بتبقى ليه
لما تحس ان هو النفس الى بتتنفسه
لما تلاقى الامان معاه وبس
لما روحك تبقى موجوده معاه
وانك مش تقدر تعيش غير بوجوده
لما تشيل عنه كل همومه
حتى تقف جمبه وتساعده
لما تسهر ليالى ومش تنام علشان تصحيه لمعاد
لما تستحمل كل حاجه علشانه
لما تغضب اهلك منك علشانه
وفى الاخر انت عنده ولا حاجه
وفى ثانيه قدر ينساك


اسفه انى طولت عليكم

صح يا دموع

انتى كده عملتى اللى عليكى و اكتر كمان

بس لو انتى حطيتى نفسك ف مكانه

و شوفتى هو عايز ايه اكتر

او يمكن كل اللى انتى عملتيه دا مش هو دا اللى عايزه

يمكن هو عايز حاجه تانيه ممكن تكون بالنسبالك هبله بس عنده هو حاجه مهمه

حطى نفسك ف مكانه يعنى انتى تقومى بشخصيتين ف الفلم

دموع الروح كتب:

عارفين ايه هو اصعب حب

لما تقدم كل حاجه لحبيبك
حياتك روحك حتى احلامك
بتبقى ليه
لما تحس ان هو النفس الى بتتنفسه
لما تلاقى الامان معاه وبس
لما روحك تبقى موجوده معاه
وانك مش تقدر تعيش غير بوجوده
لما تشيل عنه كل همومه
حتى تقف جمبه وتساعده
لما تسهر ليالى ومش تنام علشان تصحيه لمعاد
لما تستحمل كل حاجه علشانه
لما تغضب اهلك منك علشانه
وفى الاخر انت عنده ولا حاجه
وفى ثانيه قدر ينساك


اسفه انى طولت عليكم

عندك حق فعلا ده اصعب حب لما تفتكر ان حد يستاهل وف الاخريطلع ميستهلش ويبقا ضيعت سنين من عمرك ع الفاضي

انت عنده ولا حاجه
بس هو عندك كل حاجه
ربنا يسعده ويحقق له احلامه

اسفه بجد انى بطول عليكم

mero

شكرا على نقل الموضوع فى الركن الخاص به

وأحترم وجهة نظرك طبعا

هعلق بس على حاجه
انتى قولتى انك كرهتى الكلام فى الحب من اللى شوفتيه
عندك حق طبعا
بس على فكره انا اولا مش عارف اللى شوفتيه
لكن اللى اعرفه ان اكيد اتعلمتى واستفدتى ودا هيفيدك كتير فى حياتك المستقبليه

وربنا يوفقك ياااااااااااااااااااارب
واسف لو الموضوع كان مش مناسب

نم نم
أحلى قرار وأحلى كلمه قولتها
النصيب اللى ربنا كاتبه
بس أحيانا القدر يرغمك ان تعيش قصة حب من احداهم
فكان اختيارك كما قال خالد عجاج
تسلم يا زعيم

المديرالعام

دموع الروح

انتى ما طولتيش ولا حاجه على فكره

وكلامك جميل جدا

هذا هوا الحب من طرف واحد
هوا الحب لمن لا يستحق عندما لا يهتم بمن يحبه ولكنه يعتبرها تسليه وضياع للوقت
أو لأنه لا يعرف ما معنى حب وليس عنده احاسيس صادقه ولا يقدر من احبه
والحل هناغ هوا النسيان لأنه لا يستحق التفكير فيه لحظه

ولكن الحب من طرف واحد احيانا يكون لأنسان يستحق هذا الحب ولكن هوا لم يرغمك على ان تحبه
فليس من حقك هنا العتاب عليه ولم يضحك عليك يوما ولم يفرض عليك حبك هذا
وهنا الحل يختلف اختلاف بسيط عن الحاله الأولى
هوا النسيان ايضا مع تمنياتى له بالتوفيق وكل التقدير له والأحترام
لأنه لم يضحك عليا يوما بل صارحنى من البدايه

انا بقا اللى طولت عليكى

هنتظر لو فيه اراء تانيه ولا حاجه
وهقول وجهة نظرى بعد الجميع

يعنى هغش منكم
حتى علشان افتكر ايام زمان لما كنت فى الأمتحانات

ربنا يوفقكم ياااااااااااارب

بالعكس يا احمد انت مش طولت ولا حاجه
بس انا حبيت شخص كانت حياتنا هتبقى سوى طول العمر
(خطيبى)
بس الحمد لله اكيد ربنا شايل لينا الاحسن
وانا فى بدايه الموضوع دعيت ان لو لينا الخير فى بعض نكمل سوى
وان لو فينا الشر لبعض ربنا يبعدنا
والحمد لله على كل شى
ربنا يسعده ويحقق له احلامه
لان بجد الى حب عمره ما يقدر يكره

دموع الروح
أنا فاهم احساسك كويس ومقدر ذلك
بس عاوز اقولك حاجه بعد إذنك طبعا
دموع اللى انا فهمته من كلامك
ان كان هناك حب وهذا الحب ذاد فى قلبك لأنى متأكد انه اول حب واول تجربه فى حياتك
وبالطبع اول تجربه مع صغر السن دليل أول على عدم الأختيار الصحيح وعدم تحكيم العقل
دموع اول حب يكون هوا اول اختبار حقيقى للغة الحوار بين العقل والقلب ولكن أنتى كان الأنتصار للقلب
وهذا خطا حدث وعندى إحساس أنكى مازلتى على الخطأ
الخطأ هنا انكى مازلتى تفكرين ومازلتى تتأثرين عندما تتذكرى
لا لا وألف لا
هنا النسيان لابد منه هنا لابد من سيطره على العقل حتى لا يفكر فيما يجرح القلب
وتعلمى من التجربه لا يستحق احد ان تفكرى فيه وانتى لا تشغلى عقله وقلبه لحظه
التحدى لا بد من تحدى مع النفس
وتأكدى أن بعد فترة طويله عندما يرزقك الله بشاب صالح تحبينه ويحبك ويكون هوا نصيبك
سوف تتذكرين هذه الأيام وتندمين عليها وتقولين كنت لسه صغيره
الحب الحقيقى سوف ياتى إن شاء الله
اما ما حدث من قبل هوا معكى فهوا حب ولكن كاذب احاسيس ليست كامله

دموع الموضوع طويل والحديث طويل
وانا لا اريد التحدث كثيرا ولكن انا علقت على ما أحسست به فى المشكله التى طرحتيها
وايضا اسف لو كنت تدخلت فيما لا يعنينى

والله ابدا يا احمد
مفيش بنا اكيد اسف
دا انا بشكرك على كلامك
يارب اقدر انسى
بجد الف شكر على النصائح الغاليه دى
تسلم

دموع الروح كتب:

والله ابدا يا احمد
مفيش بنا اكيد اسف
دا انا بشكرك على كلامك
يارب اقدر انسى
بجد الف شكر على النصائح الغاليه دى
تسلم

يارب أقدر أنسى !!!!!!!

دموع ـــــــــــــــــــــــــــــــ
النسيان هوا الأختيار الوحيد أمامك وهوا القرار الصائب لكى
غير ذلك وبكل صراحه وصدق فأنا أعتبر هذا ضعف
نعم عندما احب احد ويحدث فراق سواء كان حب من طرف واحد ام غير ذلك
وبدون نقاش لابد من النسيان
لو كان التفكير يفيدك فكرى براحتك
لكن التفكير وعدم النسيان سوف يؤدى بكى الى طرق مجهول سوف تندمين أشد الندم على كل لحظه تفكرى فيها فى شخص انتهت العلاقه به تماما فلا داعى للتفكير

اقولك حاجه احسن
دا توقيعى للشاعر الكبير أحمد شوقى
اقريه كويس وافهمى ماذا يقصد فى هذا الشعر ثم طبقيه


هجرت بعض أحبتى طوعا لأننى رأيت قلوبهم تهوى فراقى
نعم أشتاق .. ولكن وضعت كرامتى فوق إشتياقى
أرغب فى وصلهم دوما ولكن ! طريق الذل لا تهواه ساقى


فيه نصيحه صغيره كمان دا بعد اذنك طبعا
غيرى توقيعك وانتى عارفه طبعا ليه

حاضر يا احمد
بجد الف شكر على كلامك
وفهمت توقيعك كويس
وهعمل بيه
ان شاء الله
واول حاجه عملتها غيرت توقيعى

ربنا يوفقك إن شاء الله ( دموع الروح )
وأتمنى لكى التوفيق فى حياتك الخاصه وحياتك العلميه
وأنا متأكد انك أقوى من اى تجربه وبقوة الأراده والشخصيه هتكونى أفضل بكتير
وشكرا على ذوقك

ربنا يخليك يا احمد
ويارب يستجب منك دعائك

تسلم

كده جه دورى يا جماعه أقول رأيى

أصعب حب هوا الحب الأول وهوا الحب من طرف واحد
فهوا الأصعب لأنك أحببت انسان وأحببته بصدق
وهذا الصدق يكون فى كل شىء هوا صدق المشاعر هوا صدق العطاء وصدق الصراحه و.......
وفجأء الشخص الذى اعطيته كل الحب تركك وقال لا
لا تعنى لست احبك تعنى لست الشخص الذى اتمناء تعنى الكثير من هزيمة الحب
نعم هوا الأحساس بالهزيمه والأنكسار فى بعض الأحيان وهزيمه من طرف واحد انت فقط الخاسر الوحيد فى هذا الحب
خساره لجرح فى القلب
وهنا ما عليك الا النسيان
لا تجعل نفسك تفكر فى شخص ضائع شخص ليس معك فى الواقع المرير شخص هوا لا يحبك
فكيف تذل قلبك بالتفكير
عليك بالنسيان وتعلم جيدا أن هذا نصيب والله سبحانه وتعالى هوا المتحكم الوحيد فى نصيبك وقدرك
فدع الأمر لله وفكر فى حياتك وابحث عن نصيبك الذى كتبه الله لك



نيجى للحب الذى ينتهى بعد حب من الطرفين
نعم أحلام قد ضاعت وخيال لم يتحقق وأصبح الحلم كابوثا
ولكن تكون النهايه هزيمة الطرفين فهنا الألم والجرح إنقسم على إثنين فيكون الألم وصعوبة النسيان هنا أقل بسيطا من الحب السابق
ونفس الحل هوا الأقتناع بأن هذا نصيب وعليك وضع قلبك فى زنزانه وتكتب على بابها زنزانة النسيان
وأجعلها اختبار مع قوة النفس والسيطره على النسيان ومن الأقوى
قوة شخصيتك أم قصه جميله وإنتهت



أما الحب الثالث فهوا حب اعتبره ضعف
هوا أضعف حب أن تحب احد وأنت لست قادر وليست الجراءة عندك تجعلك تقول أحبك
شخص ضعيف يخاف من التجربه ولكن هزيمته دا ئما يأتى بعدها ندم إما ندم على حزنك لضياعها منك اما فرحا لأنك علمت ان هناك أفضل منها وضيعت وقتا كثيرا
ولكن هنا هزيمه بلا جرح لأن لم يجرحك احد


وفى كل الحالات السابقه وبعد وجهة نظرى فى ان أصعب حب هوا الحب من طرف واحد
فليس حل هنا إلا الأتجاه إلى النسيان والتفكير فى مستقبل أفضل
وأن تترك النصيب لرب العالمين ولا تفكر ابدأ أن تتعجل فى الأرتباط بأى بنت حتى تنسى الماضى وتهدىء الجرح فهذا ليس صحيح لنه غالبا يكون خاطىء لأنك تعجلت وأنت فى هزيمه عاطفيه وليس العقل رزين فى التفكير فالتعجل يسبب خطأ فى الأختيار


أكيد طولت عليكوا
معلـــــــــــــــــــــــــــــــــــــــــش
إوعوا تنسوا ( النسيان )

كلامك جميل جدا يا احمد
تسلم اديك

أبو حميد موضوعك جميل جداً
تسلم إيدك على المُناقشة الحلوة دي

بس من وجهة نظري

إن أصعب حاجة في الحُب
هي الفُراق من الطرفين
بالنسبة للحُب من ناحية الطرفين اللي بينتهي بالفُراق
دا يعتبر أصعب حاجة
لإنك بتعيش حياتك وبتبني أحلامك مع الشخص اللي انت بتحبه
وبترسم لمُستقبلك مع الشخص دا
وكل يوم بتزيد سعادتك عن اليوم اللي قبله
ومع كل يوم الحُب بيزيد و السعادة كمان بتزيد أكتر
ونفسك اللي انت بتتنفسه بيكون عشان الروح اللي انت عايش علشانه
لما يتنهى الحال بالفُراق
الشخص ساعتها بيتمنى الموت لإن حياتك انتهت
وأحلامك انكسرت
بتبقى مش قادر تتنفس لإن الشخص اللي انت بتتنفسله مابقاش ليك
دا يعتبر أصعب حاجة

بالنسبة الحب من طرف واحد
بيهوّن على قلبك أكتر لو انت لقيت الشخص دا راح لشخص تاني
لإنك مارسمتش أحلامك مع الشخص دا
لإنك ماخططش لمُستقبلك معاه
ولإنك عارف إنه هيكون حُب من طرف واحد
عمره ماهيكون أقوى من الحُب اللي من طرفين
لإن الحُب اللي من طرفين أقوى وأصعب ف الجرح
الحب من طرف واحد ساعتها بتعرف مصيرك إن الشخص دا مابيحبكش وبتاخد خطوة إيجابية
إنما الحُب من طرفين بتحب سنين وسنين
فرق كبير أوي


وبالنسبة للحُب اللي اللي ماتقدرش تقول فيه لحبيبك إنك بتحبه
دا برضو زي الحُب اللي من طرف واحد
بس الفرق بينهم إنك بتقول بحبك ف الحب من طرف واحد
والتاني بتخبي حُبك بتكتمه ف قلبك وبتحس بالندم إنك ماقولتوش
يعني ف كلتا الحالتين يعتبروا حُب من طرف واحد

وتسلم إيدك مرة تانية على الموضوع دا ياغالي

AhMeD ElRaKaiBy
كلامك جميل طبعا يا أحمد
وأحترم وجهة نظرك جدا
وربنا يوفق الجميع
وأدعوا الله أن يرزقنا بالزوجة الصالحة والذرية الصالحة
اللهم امين
وتسلم على المناقشه الجميله

اصعب حب فعلا هو ان اتنين بيحبو بعض جدا جدا بس هما عاااارفين انهم مش لبعض وانهم لازم يسيبوا بعض عشان ظروف هما اتحطوا فيها وقتها بس فلبك بيقى مقهور وتتمنى وقتها لو كنتوا اتقابلتم فى الوقت والمكان الصح

تسلم احمد ع التوبيك