يوم عجيب

بقالى حوالى اسبوعين بتفرج ع المنتدى من بعيد بس يوم الاربعاء اللى فات انا شفت الويل انا واصحابى واحنا راجعين من المعهد علشان كدا حبيت انقل لكم اللى حصل لنا
الحكايه بدات من واحنا رايحين المعهد الصبح طبعا اغلب الاعضاء اللى يعرفونى يعرفو ان من كفرالزيات يعنى بروح المعهد بالقطر القطر اتاخر الصبح وكان زحما موت لدرجه اننا مش كنا لقيين مكان نقف فيه وف ناس كانت واقفه جوا حمامات القطر تخيلة انتو المنظر بقى واحنا نازلين من القطر بقو يزقونا وشفنا بهدله صعبه ودى اول مره تحصل بس الحمد لله عدت ع خير ورحنا المعهد وتمام
واحنا راجعين رحنا المحطه علشان نركب القطر لقينا المحطه شبه فاضيه ودا مش من العاده وف طالبه بنات بيعيطو مش عارفين هيروحو بيوتهم ازاى بنسال قالو القطر اللى بيتحرك من دمنهور اخره ايتاى ومش بيتحرك بعد كدا طيب الناس اللى كفرالزيات ومن طنطا والاماكن اللى بعد ايتاى مش لينا دعوه قلنا مش مهم هنروح موصلات رجعنا الموقف علشان نركب مواصلات المفروض اننا بنركب ايتاى البارود ومن ايتاى البارود بنركب كفرالزيات رحنا الموقف وف الموقف مش لقينا السوقين بيقولولنا ان مفيش عربيات ف ايتاى بتوصل كفرالزيات اركبو كوم حماده ومن كوم حماده اركبو كفرالزيات ركبا كوم حماده ونزلنا احنا كنا خمس بنات رحنا كوم حماده ولاول مره نروحها المهم السواقين ف الموقف ركبونى توك توك علشان نروح الموقف اللى فيه عربيات كفرالزيات رحنا الموقف ده بنسال قالو مفيش عربيات لكفرالزيات طبعا كل واحده اهلها كانو معاها ع التليفون قالولنا اركبو بلد اسمها النجيله وبعد كدا كفرالزيات بنسال السواقين ف الموقف احنا لو ركبنا للمجيله نعرف نركب كفرالزيات قالو لا الطريق واقف ومفيش عربيات بتوصل كفرالزيات طيب نعمل ايه كان معانا واحده صاحبتنا من بلد اسمها شابور اتصلت بباها قالها اركبو التوفيقيه وانزلو ف مكان اسمه المنشيه واركبو المعديه اللى ف النيل وعدو الشط التانى وانا هاجى اخدكم بالعربيه من هناك (انا عارفه ان اسماء البلاد دى غريبه عليكم بس هى كمان غريبه عليا انا كمان ) المهم عملنا زى ما قلنا ونزلنا من حظنا الحلو لقينا المعديه دى بايظه سألنا راجل هناك فاتح محل كاوتش وقف لنا قارب وعدينا والحمد لله وصلنا لابو صاحبتنا دى ووصلنا بالعربيه لبيت صاحبتنا طيب هنعمل ايه بعد كدا بيت صاحبتنا دى ع الطريق والطريق واقف واحنا لازم نوصل كفرالزيات طلعنا وقفنا ع الطريق برا من ستر ربنا علينا اننا لقينا توك توك وعرف يوصلنا كفرالزيات
والحمد لله من كفرالزيات كل واحده فينا ركبت ووصلت بيتها بس امتى الساعه سته بعد المغرب واحنا خارجين من المعهد الساعه واحده ونص
تعرفو كل ده ليه لان المازوت ثمنه غلى زى كل حاجه ف البلد ومصانع الطوب عاملين اضراب ع الطريق

ماهو انتى لو كنت وقفتى شويه تحت الكوبرى في ايتاى كنتى هتلاقى ميكروباص رايح كفر الزيات
ولو كنتى وقفتى على مطلع الكوبرى كنتى هتلاقى عربياااااااات رايحه كفر الزيات
ولو كنتى وقفتى قدام المعهد على السريع كنتى هتلاقى علابياااات جايه من اسكندريه رايحه طنطا
على العموم
خيير انكو وصلتوا بالسلامه
وتحيه خاصه بكفر الزيات
ورجاله كفرالزيات
وبنات كفر الزيات
((بلشاى _ دلجمون_ ابيار_ابو الغر _ادشاى_كفر اخشا_كفر الاشقر _الطالبيه)
مع ارق تحياااااتى
عمو الفارس

ياايمو كل دا حصل يلا الحمدلله انكم وصلتو بالسلامه ويوم الخميس انا مش شقتك فى المعهد انا جيت متاخر اصلا المهم خلينى اشوفك الاسبوع الجاى

الفارس الملثم كتب:

ماهو انتى لو كنت وقفتى شويه تحت الكوبرى في ايتاى كنتى هتلاقى ميكروباص رايح كفر الزيات
ولو كنتى وقفتى على مطلع الكوبرى كنتى هتلاقى عربياااااااات رايحه كفر الزيات
ولو كنتى وقفتى قدام المعهد على السريع كنتى هتلاقى علابياااات جايه من اسكندريه رايحه طنطا
على العموم
خيير انكو وصلتوا بالسلامه
وتحيه خاصه بكفر الزيات
ورجاله كفرالزيات
وبنات كفر الزيات
((بلشاى _ دلجمون_ ابيار_ابو الغر _ادشاى_كفر اخشا_كفر الاشقر _الطالبيه)
مع ارق تحياااااتى
عمو الفارس

المشكله اصلا مش اننا نلاقى ميكروباصات المشكله ان الطريق كان واقف علشان مصانع الطوب عاملين اضراب يعنى مفيش عربيات بتوصل كفرالزيات اصلا
بس قولى انت عرفت كل البلاد دى منين
وشكرا لمرورك

mero كتب:

حمد الله على سلامتكوا يا مونى
المهم انكم بخير يا قمر

نفس الحال عندنا و الله يا قمر التاكسيات واقفه ومش كل الناس شغاله
و البلد كانت واقفه يوم الاتنين و محدش عارف يركب و كنا بنمشى ده غير المظاهرات
و الاعتصامات بقى

حسبى الله و نعم الوكيل بيغلوا كل حاجه و فيش اى بديل و لا تعويض للناس
ناس هتقتل فى بعض بعد كده على لقمع العيش والله
هنبقى مجاعه و من اكتر الشعوب اجرام بسبب اللى منهم لله دول

عندك حق والله يا ميرو حسبى الله ونعم الوكيل ف كل شخص ليه يد ف اللى بيحصل

اسوو كتب:

ياايمو كل دا حصل يلا الحمدلله انكم وصلتو بالسلامه ويوم الخميس انا مش شقتك فى المعهد انا جيت متاخر اصلا المهم خلينى اشوفك الاسبوع الجاى

الحمد لله وصلنا بالسلامه يا ساسو وع فكره انا مش رحت المعهد يوم الخميس محدش ف البيت وافق ان اروح وربنا يستر ويوافقو اروح الاسبوع الجاى وان شاء الله اشوفك

هو اللى عرفته ف الموضوه دا كله يا ايمو


ان ورش الطوب وقفه علشان المازوت غلى

G a z a g a كتب:

هو اللى عرفته ف الموضوه دا كله يا ايمو


ان ورش الطوب وقفه علشان المازوت غلى

كفايه عليك يا احمد

هههههههههههههههههههههههههههههه

فعلا كفايه عليه

كفايا عليا

تستخسرو فيا الحاجات دى

هههههههههههههههههههههههههههههههههههه

انا من ايتاى يا ايمان
وبعدين
ايه اللى بين ايتاى وكفر الزيات
دا احنا جيران
بين ايتاى وكفر الزيات ايه
كام مفرز بطاطس وكام محل جزاره على الطريق في التوفيقيه
و كوبرى القطر
مش بقولك جيران
الفارس اللى طلع سلطان

ونعم الجيره يا فارس وفعلا مفيش بين ايتاى وكفرالزيات حاجه