وقفه احتجاجيه يوم الاربـع القادم 30/10/2013

بيان رقم (1) لإتحاد طلاب المعهد العالى للخدمة الإجتماعية بدمنهور

إيمانا منا نحن الطلاب وإعترافا بالمشاكل التى تواجه الطلاب بالمعهد ونظرا لتعنت إدارة المعهد فى التعامل مع أعضاء الإتحاد وتكبيل صلاحيتهم المشروعة وفى القلب منهم طلاب المعهد ،

ومما لا شك فيه أن هناك مشاكل عدة تواجه الطلاب جميعا داخل المعهد يعلمها الجميع ولم تحل هذه المشاكل والعقبات التى تواجه الطلاب حتى الآن من قبل إدارة المعهد ،
فلم نجد سوى أن نقف نحن الطلاب وقفة إحتجاجية للمطالبة بحقوق الطلاب المشروعة ، وقد تم بالفعل عمل وقفة داخل المعهد يوم الخميس قبل الماضى (10_10_2013) شارك فيها عدد من الطلبة والطالبات بالمعهد وهذه الفعاليات ستظل مستمرة لحين تحقيق هذه المطالب وهى :

- تحويل المعهد لكلية تابعة إداريا لجامعة دمنهور ،
- عمل كوبرى مشاة حفاظا على حياة الطلاب ، فقد لقى 6 طلاب مصرعهم نتيجة عدم وجود كوبرى مشاة منذ سنين ،
- تخفيض المصاريف والتى وصلت إلى 1000 جنيه سنويا يتحملها الطالب ،
- تدعيم الكتب الدراسية داخل المعهد ،
- توفير وسائل مواصلات آمنة تنقل الطلاب من أمام المعهد ،
- عدم تقيد صلاحيات الإتحاد فى التعامل مع الطلاب وإعطاه صلاحياته كاملة ،

ولذلك نعلن عن عمل وقفة إحتجاجية داخل المعهد يوم الأربعاء القادم فى تمام الساعة 11 صباحا للمطالبة بهذه المطالب وحقوق الطلاب داخل المعهد ،

اتحاد طلاب المعهد العالى للخدمة الإجتماعية بدمنهور

لمتابعتنا على الفيس بوك:
Page / [ندعوك للتسجيل في المنتدى أو التعريف بنفسك لمعاينة هذا الرابط]
Group / [ندعوك للتسجيل في المنتدى أو التعريف بنفسك لمعاينة هذا الرابط]


دا البيــآن يااريت كلنا نقف ايد واحده عشان المطالب تتحق

مكمليـــن ان شاء الله

ياااااااااااااااريت فعلا ياامونى دا يحصل انا اصلا مفقوعه من المعهد دا من ساعه التجاوزات اللى حصلت ايام الامتحانات وتلفيق محاضر الغش وتوتر اعصابنا بسبب كلمهم وتصرفات المراقفبين محسسنى اننا بنمتحن فى كليه طب

وبالذات بقا مفروض نطالب بالكوبرى دا وخصوصا بعد الحادثه اللى حصلت يوم الخميس اللى فات فى المجمع الجديد وراح ضحيته طالبه والباقى فى حالات حرجه حتى النهارده مفروض كان فى وقفه فى المجمع عشان يطالبوا بالكوبرى بس مش عارفه وصلت لفين

المشكله بتوع المجمع الجديد كانو جايبين سيره المعهد بتاعنا وكانو بيقلو انهم يعملو اعتصام مفتوح لحد مابيداو يعملو حاجه فى ارض الواقع مش يضحك عليهم

زى بتوع خدمه ضحكو عليهم بشويه مطبات عبيطه وبعدها بكام يوم حصلت حادثه برضوا !

فيثاريت بجد لازم نلاقى حل فى موضوع الطريق دا لان الواحد تعب بجد مش حمل كل يوم يسمع حد فى سنه مات ممكن صديق حتى لو غريب دا يرضى مين

عموما انا خلاص هنرجع تانى للمعهد ويوم الاربع هشوف النظام بس ياريت الكل يشارك لانى احب اقولك لو انتو حبه صغيرين هتتلموا من الامن عايزين نكون كتييييييييييييييييييير وشعارتنا تكوووووون بره عن اى سياسيه عشان فى فصيل معين كده يحب زيط فى الزيطه

ويارب نخلص من ام الغباء المتفشى فى المسئؤلين دول

ي مسهل الحال يارب

جشطه انا جاى

شئ جميل ورائع واتمني لكم التوفيق وان شاء الله المطالب تتحقق غصب عن إدارة المعهد , مش كفايه الفساد اللي جوة المعهد وكل واحد معين قريبة او مراته , ادارة عاوزة الحرق بجاز

يعني من زمان سكتيييين علي الفساد والتعينات الكوسة اللي كانت ومازالت بتحصل ,, لكن كلة إلا حياة الطلبة , وشايف ان المطالب عادلة جدا ودة حق لكل الطلبة

واوجة رسالة لادارة المعهد أفسدوا بس متحفوش رحتكوا بقت فايحة , اتلموا بقي واتهدوا ربنا يهدكم

علي فكرة الموضوع ممكن يتصعد ,, يعني ممكن نبعت رسالة لبرنامج السادة المحترمون ليوسف الحسيني , بتفرج عليه كل يوم , وهو بيعشق الفساد وحيفضح فسادهم واهمالهم وعدم اهتمامهم بحياة الطلبة

والله لو قدرنا نبعت رساله ليوسف الحسيني هو حيتصل بالمحافظ وحيشردلهم وحيفضحهم فضيحة بجلاجل في البرنامج

الوقفات السلمية دي شئ راقي لكن ادارة المعهد دي عاوزة اما تتفضح علي الفضائيات او تتكسر المكاتب علي دماغها

مع احترامى ليك يامدنهورى

محافظ ميييييييييييين دا محافظ ابن ستين فى سبعين

طلع ع القناه الخامسه يقول ع الطلاب بتوع المجمع لما قطعو الطريق عشان صحبتهم اللى ماتت قال عليهم دول مجموعه مؤيده للسيسى والتانيه لمرسى

واما بقا الدكاتره فقلو عليهم بلطجيه

الناس دى عايشه فى ميه البطيخ ولا بيفرق معهم اى حاجه اصلا

ولما الموضوع كبر بعتلهم رئيس الجامعه وقعد معاهم وقالوهم فى خلال اسبوع مطالبكم هتننفذ

بالنسبه بقا يامونى للمعهد بتاعنا

احب اقولك ان مره العميد دخل ادانا محاضره واتكلمت معه فى موضوع المصاريف وازاى تزيد بالشكل دا قالى مش انا اللى بحدد دى الوزاره هى اللى بتحدد

وبالنسبه للكتب فى دكتور عبقرى امبارح دمه يلطش وشخصيه جبانه قالنا قال ايه الورق بتاع الطباعه بقا غالى

مستنين ايه من معهد مش عارف يوفر لطلبه ثالثه الكتاب بتاع تقرير الزيارات وبيقولنا دا ب50 ج لمو من بعض وهاتو انتو مع ان المعهد دا ماصص دم اهالينا

الفساد والغباء لا دين لهم معهد حراميه

لالالالالالالالالالالالالالالالالا
انا ماليش ف السياسة خااااااااااااااااااااااف