جواها شيئ مكسور ..
على شيئ من العزله
وساعات كده من بين
عيونها الجنتين !
بلقى الدموع نازله
وسألت إيه اللى مغيرها
ملقتش رد
جواها خوف من كل حد
ده لأنها ضحت بجد
حبت بجد ..
تعبت بجد
لكن كمان ملقتش حد يقدرها
انا آسف انى بفكرها ..
انا آسف انى فتحت جرح
قديم فـ روحها بالسؤال ..
هتحبى تانى سألتها ؟!
ردت وقالت : إحتمال
لكن انا حابه أكون وحدى
أحسن مأكون عـ الفُرقه مجبوره !
محدش عارف الايام بتمشى إزاى
وانا مش خايفه من حاجه
خلاص مبقاش فيه شيئ ممكن
يّكسر حاجه مكسوره ..