ملخص يوم في حياة شباب وبنات جامعيين ...(الاغلب يعنى )
اليوم يبدأ باتصال تليفوني من احد الشباب الي اقرب بنت اليه في شلته بيسأل في التليفون ها .. هتنزلي امتي ؟
الساعة 12 ؟ طب جميل كلمتي مي ومروة وميار ؟
طب حلو وانا كلمت محمد واحمد ومحمود وهننزل اهو ..
سلام , سلام
.
اتجمعت الشله وقاعدين في امان الله بيتكلمو لسة الدنيا سقعه شوية ولسة سقعانين ..
فجاة السقعة راحت والضحك بدأ وقام محمد يجري ورا مي عشان ياخد منها الموبايل ويمسكها من " قفاها " فهي طبعا لو كملت جري شعرها هيتفك وده مينفعش عيب يعني ياجماعة ..
مسك ايدها وخد التليفون بالعافية ماهو شاب قوي بقي ..
رجعو قعدو شوية فجأة طلعو الـ " سلفي ستيك " وحطو فيها نفس الموبايل ويللا عشان نتصور ..
اتصورو شوية طبعا مقربين اوي من بعض عشان الصورة تطلع حلوة ..
شوية تقعد مي جمب احمد ومحمد بينهم كدة وهات ياهزار وضحك وغمز ولمز لأ ولازم يخبطها ف كتفها او يمسكها من دراعها وهي عادي مفيش مشاكل ..
.
بعد المجهود الشاق وفقرة المحن دي طبعا بني ادمين وبيتعبو لازم يجوعو , قامو يجيبو الاكل من كافيه ..
لما جابوها قعدو ياكلو وفجاة الواد ضربها علي رجلها وقالها ازاي تاكلي حتتين بس ؟ كلي عشان كدة مش هينفع , حنين اوي ! وهي حاضر يابيبي وتقوم مكملة أكل ..
وبالنسبة للضربه اللي ضربهالها عادي يعني امرها اتنسي ,,
جت الساعة 2 ومعاد محاضرة جه , هتحضرو ؟ لأ مليش نفس النهاردة ,, طيب ..
شوية ويطلع السلفي ستيك تاني ويتصورو نفس الصورة تاني ! معرفش فين الاختلاف عن اول صورة بس اهو تضييع وقت ..
فجأة الساعة جت 5 وتعبو فقام كل واحد واخد الموزة بتاعتو فأيدو ومروحين
وبليل فتحو الفيس رفعو الصور علي الفيس وكتبو عليها كان يوم حلو اووووووووووووووووي مع الهوميييز
وفى الاخر محمد واحمد ومحمود يدخلوا الجيش
ويجى واحد ملوش لازمه يقوله ازحف يا جندى و6 استعد يا عسكرى انت عسكرى اوعى تنسى نفسك ...
ويصحى فى نص الليل عشان يقف خدمه ام ايه بقى يفتكر مى ومروه وميار ويتاثر ويكون نفسه الايام ديه ترجع بس دا عند امه
مأساه