عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: لـــــــــــيـــــــه الثلاثاء 18 فبراير - 21:45
كل يوم سؤال يبدا بــــ ليه واجابته
ولو اى حد عنده سؤال يقووووووله موضوع هيعجبكم ان شاء الله
اقعدوا بالعافيه
ليه بنقول كل الطرق تؤدي الي روما؟ أولً نقول معناها: تعني أن كل الحلول تؤدي لنفس النتيجه ده استخدام الجمله. أما تاريخهاً فده لأن الرومانين بنو نظام طرق من أعظم الانجازات الهندسيه في وقتها وهي عباره عن 50000 كيلو متر من الطرق الممهدة وكانت جميعها تبدأ من نصب تذكاري في وسط العاصمه روما؛ لذلك فكل الطرق تؤدي الي روما. وكما قال سلطان السكري: يا راجل ما كله برتقال!
خلونا في روما
ليه لما حد من صحابك يبيعك مثلاً بنقول له (حتى أنت يا بروتس!)
دي العباره الشهيره اللي قالها يوليوس قيصر لما اتباعه خانوه وقتلوه وكان منهم صديقه المقرب بروتس. في مؤرخين بيقولوا ان بروتس كان أبن يوليوس، أو زي ابنه، أو زي جوز أمه عشان يوليوس كان على علاقة بأم بروتس. يوم ما مات يوليوس كان أهل بيته متوغوشين عليه انه يروح مجلس الشيوخ، وبروتس قاله يلا ياعم بلاش كلام فاضي. وقام غزّه في مجلس الشيوخ.
بغض النظر عن الخلاف التأريخي أنه قال كده ولا العبارة من خيال شكسبير المحض الى التصق في خيال العامه.فبروتس مش عاجبني يا أم بروتس!
وكما قال اللمبي ده انتو سارقين قاتلين واكلين شاربين مع بعض..ولا بيصونوا اللقمة الحرام!
كل حد عنده سؤال يقوله ونحاول نجاوب عليه اى كان حتى لو صغنن وشايفه تافهه المهم يبدا بـــــــ ليه ودى فكره التوبيك عشان انا دخلت عطول دون مقدمات
مش محتاجه اقولكم انكم وحشتنونى جدى وستى الله يرحمهم وياريت المنتزه يرجع زى الاول ونرجع نلم فيه ونضحك ونلعب ونعمل خناقات ههههههه لا ربنا يكفينا شرها
فتكو بالعافيه
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الأربعاء 19 فبراير - 21:40
ليه الدرة بتتحول فشار مع السخونية؟
حبة الدرة بيبقى جواها نسبة من المياة، ومع الحرارة... المياة بتتحول لبخار.
البخار بيعمل ضغط جوه حبة الفشار زي الحلة البريستو، وفي تلك الأثناء، النشا جوه الحبة بيتحول لماده زي الجل، ومع زياده ضغط البخار الحبة بتفرقع فتخرج النشا اللي بقت زي الجيلي وتتجمع مع بعضها. وتنشف مع انخفاض درجه حرارتها بتعرضها للهواء.
ملاحظه:الفشار بيتعمل من زمان في مدينه مكسيكو، لقو ادلة للفشار تعود لـ 3600 قبل الميلاد. * السينمات بدأت تقدم فشار في سنه 1912 يعني مع إنتاج أول فيلم لأوليفر تويست و البؤساء.
التصوير بالبطئ
واستنوا بكره سؤال جديد واجابه جديده اقعدوا بالعافيه
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الخميس 20 فبراير - 21:18
ليه الواتس آب اتباع ب 19 مليار دولار؟
فيس بوك اشترى تطبيق الواتس آب بـ19 مليار دولار عقبال عندكم.... قيمة الصفقه أكبر من الاحتياطي النقدي لمصر بحوالي 2 مليار دولار.
الواتس آب ده تطبيق محادثه على أغلب الموبايلات الذكية "أم تطبيقات" بمختلف أنواعها. ليه بقى دفع المبلغ ده؟ *أولاً: عملاً بمبدأ كل نفسك قبل ما حد ياكلك.. الواتس آب تعتبر من أسرع الشركات نمواً حسب عدد المستخدمين، وعلى السنة الجاية هيبقى عندهم مليار مستخدم، وعندها حوالي 450 مليون مستخدم نشط شهرياً. يومياً في حوالي 10 مليار مسدج بتتبادل بين المستخدمين.
واتس آب لما بيصحوا كل يوم الصبح ويشربوا القهوة ويعملوا ريفريش بيلاقوا حوالي مليون مستخدم جديد... وفي خلال سنوات قليلة هيعدى عدد مستخدمي فيس بوك.
واتس آب يعتبر من أسهل تطبيقات التواصل الإجتماعي على الموبايل، أكمن رسايلهم سريعة وممكن تبعت رسائل صوتية وصور...
زوّد عندك بقى أن المصاريف التشغيلية بتاعت واتس آب مش عالية، يعني شاكب راكب كدا عندهم بتاع 55 موظف.
ويعنى لما يكون قدام كل مستخدم طبق كشري، واخدنا منه معلقة كشري ولا دولار في السنة، ولا زقينا عليه شوية إعلانات "لطيفة" .. المستخدم هيحس بحاجة؟! طبعاً بعد ما يربط حسابك في واتس آب مع أخوه الكبير في فيسبوك.
وهي أيه الدنيا غير شوية شركات كبيرة بتشتري شركات صغيرة وشوية أسهم واستحواذات واحنا زباين عند الكبير وبندفعله.
M E G A المديرالعام
عدد المساهمات : 3843تاريخ الميلاد : 28/08/1992تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الأحد 23 فبراير - 21:38
طيب ليه الدايره بتلف
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه السبت 29 مارس - 11:50
اتنحى عن اجابه هذا السؤال لاستشعارى الحرج
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه السبت 29 مارس - 12:28
ليه الشمس صفراء.. أو حمراء.. أو ليه الشمس برتقالي!
في الواقع هي ولا واحدة من دول.. الشمس بيضا إن شاء الله.
طب ليه الشمس بيضا؟ وليه بنشوفها باللون الى بنشوفه بيها ده؟
طيب.. الشمس نجم يا نجم، والنجم ده ذو طبيعة غازية (شوية هليوم وهيدروجين بيتحرقوا في قبل بعض). قوم أيه بتعمل لون أبيض.
لما تيجي الفوتونز ومعاها زيارة للكوكب الشقيق بتبقى معاها درجات الألوان الى بتكون الأبيض كلها.
الغلاف الجوي عامل زي العيل الصغير الى بيفتح الباب للضيوف وبياخد الشيبسي أوضته، ويسيب البسبوسة على الطرابيزة. الغلاف الجوي بيعدي الأحمرات ومابيعديش الأزرقات.
وعليه... فإن الضوء الذي ينفذ من الغلاف الجوي مرهون بسمكاة هذا الغلاف الى بتختلف بسبب زاوية رؤيتنا لشعاع الضوء الي بيعدي من الغلاف. كل ما الغلاف بقى اسمك بسبب رؤويتنا لمساحة مقطوعة كبيرة منه وقت الفجر والمغرب، كل ما بقى صعب اننا نشوف الاطياف القريبة من الأزرق، وعشان كدا بنشوف الدنيا محمرّة.
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الأحد 6 أبريل - 19:53
ليه الدم لونه أحمر؟
زي ما عصير الفراولة برتقان فيه فراولة وبرتقان، فالدم فيه هيموجلوبين. الهيموجلوبين ده بروتين، ومهمته أنه ينقل الأوكسجين. لما بينقل الأوكسجين بيبقى عنده جوّا حديد، وبيطلعوا يقعدوا مع بعض. بيحصل تفاعل، أو نقدر نقول رابطة ضعيفة ما بين الأوكسجين والهيموجلوبين، وبيعمل حاجة اسمها اوكسى هيموجلوبين.
وعشان كدا أوكسي البمبي بينضف الهدوم بقوة الأوكسجين يا أخوتشي.
المهم، الاوكسى هيموجلوبين ده لونه بيبقى أحمر فاتح أول ما بيحمل أوكسجين من الرئة ولما بيعدي على الخلايا والأنسجة والكلى، يسلم الأوكسجين الى معاه بيرجع بعد ما كان أوكسي لدوكسي.
الديوكسى هيموجلوبين ده بقى لونه أحمر على أبوه يا نبيت لونه نبيتي يعني، وده الهيمجولوبين المعفن الى معاه الحاجات الياي الي في الجسم. # مدكور ستايل
اتضح أن الفامبيرز بيحبوا الدم بطعم الدوكسي، وده لأن الأوكسي بيكون طعمه عادم وناقص تحابيش. بس لو الضحية ضارب اكل تقيل أو زبون ميكروباصات القاهرة الكبرى، فما بيفرقش... ساعتها الأوكسي والدوكسي بيكونوا طعمين.
Asmaa Ahmed شخصية غالية علينا
عدد المساهمات : 1019تاريخ الميلاد : 07/06/1994تاريخ التسجيل : 05/10/2012العمر : 29الجنسية :
موضوع: رد: لـــــــــــيـــــــه الإثنين 7 أبريل - 15:28
الكلام دا بجد ولا حقيقي
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الثلاثاء 8 أبريل - 2:53
بجد ولا حقيقى ؟! الاتنين مع بعض هههههههههههههه
اه بجد ياسمسمه
منوره من جديد المنتزه
Asmaa Ahmed شخصية غالية علينا
عدد المساهمات : 1019تاريخ الميلاد : 07/06/1994تاريخ التسجيل : 05/10/2012العمر : 29الجنسية :
موضوع: رد: لـــــــــــيـــــــه الثلاثاء 8 أبريل - 23:07
ههههههههههههههههههه اووك
دا نورك يا ساسو
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الأربعاء 9 أبريل - 23:07
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الأربعاء 9 أبريل - 23:26
ليه بنقول وهل يخفى القمر؟
غالبا الكلمة دي بتتقال من راجل لست كمجاملة، وبتستخدم برضة كناية عن الغنى عن التعريف، بس خلينا نرجع للأصل، مش بس أصل القصة، لأ للأصول بتاعتنا إحنا كمان شوية للشعر الجاهلي، الجملة دي من قصيدة للشاعر عمر ابن أبي ربيعة، القصيدة بتحكي عن بنت بتحب عمر ورايحة تكلم صحابها عنه وتمدح وتشكر فيه وتعدد صفاته الحلوة، لحد ما البنات دول أتمنوا إنهم يشوفو عمر بنفسه، لحد ما بصوا لقوا عمر جاي على حصانه فقالوا الأبيات دي : قالت الكبرى : أتعرفن الفتى ؟ قالت الوسطى : نعمْ، هذا عمر قالت الصغرى ، وقد تيمتها: قد عرفناهُ، وهل يخفى القمر!
الأولانية سألتهم عارفين مين ماشي، فالتانية ردت وقالت ايوه ده عمر، والتالتة ردت بهيام الدنيا طبعا وهل يخفى القمر ؟ واخدلي بالك ياض ياعمر!
وطبعا كما هو واضح بعيدا عن جمال الشعر ( يوصى بقراءة نص القصيدة كاملا ) إنه من زمان والبنات بتحقد على اللي بتحب واحد أمور، وبيستنوا يشوفوه علشان يخطفوه منها.
المهم إنه الجملة في النهاية بتتقال على راجل مش على ست يعني، لزم التوضيح.
♥ ண√Sasso√ண ♥ المديرة العامة
عدد المساهمات : 6988تاريخ الميلاد : 01/01/1993تاريخ التسجيل : 05/10/2011العمر : 31الجنسية :
موضوع: رد: لـــــــــــيـــــــه الإثنين 19 مايو - 21:20
لــــــــــــيه بنقول يرحمكم الله لما بنعطس؟
زمان لما كان حد يعطس كان بيحصل خلاف تاريخي على الرد بعد جملة " يرحمكم الله "، هل تقول " يرحمنا ويرحمكم الله " ولا "يهدينا الله ويصلح بالكم "؟ المهم أن الصح، عن النبي صلى الله عليه وسلم قال: "إذا عطس أحدكم فليقل: الحمد لله، وليقل له أخوه أو صاحبه: يرحمك الله، فإذا قال له: يرحمك الله، فليقل: يهديكم الله ويصلح بالكم". خلاص! نشوف الناس التانية بقى فيه ناس بتقول "يرحمكم الله" بطريقتها برضة في ثقافات مختلفة لأسباب تانية، عندك في الإنجليزي بيقولوا للي بيعطس "bless you" والموضوع له أصل من آلاف السنين وقت الرومان لما كانوا بيقولوا للي بيعطس "Jupiter preserve you". ودي معناها تمني الصحة الكويسة للي قصادك، ويقال إنه "bless you" دي منسوبة للبابا غريغوريوس الكبير اللي لما حصل وباء طاعون وكان واحد من أعراضه العطس، كان بيقولها للناس.
فيه برضة كلمة "gesundhei" اللي بتتقال بنفس شهرة "bless you" ودي أصلها الماني، وترجمتها الحرفية يعني الصحة، وعلشان العطس بيلازم المرض غالبا فبتتقال للناس لما يعطسوا: -صحة -عافية
فيه ناس بقى بتتصرف بطريقة مختلفة مع عطس العيال الصغيرة بالذات، مثلا في روسيا بيقولوا للطفل الصغير "bud zdorov" دي تحسها بيشتمه او يدعي عليه مثلا بس في الحقيقة معناها " خليك بصحة " ولو باد زدروف ياض!
في الصين بيقولوا للعيل لما يعطس "bai sui," يعني يارب تعيش 100 سنة، وايوه هما الكلمتين دول معناهم ده كله.
فيه بقى شوية أساطير عن الرد بوجه عام، بيقولك إنه فيه إعتقاد سائد إنه الروح هتهرب من مناخيرك لما تعطس علشان كدة بيقولوا bless you علشان يوقفوا عملة فط روحك من مناخيرك.
وفيه ناس تانية بقى بتفكر إنه الشيطان بيدخل مناخيرك وأنت بتعطس، وفيه ناس تانية بتفتكر إنه قلبك بيقف لما تعطس، ودي معلومة غلط بالمناسبة، فلما تقول لحد يرحمكم الله أو bless you أو زبادويوبف بالروسي ده كله معناه ترحيب بيه في الدنيا مرة تانية.
عارف ليه بنغمض عنينا لما بنعطس؟ السبب العلمي مش معروف تحديدا، ممكن يبقى رد فعل لا إرادي نتيجة لعملية العطس نفسها، ممكن يبقى تجنب لدخول الجراثيم اللي بتخرج من مناخيرك برضة!
وليه مش بنعطس واحنا نايمين؟ على الرغم من إنه محفزات عملية العطس بتبقى أكبر، علشان الأغشية المخاطية بتكون منتفخة لما بنستلقي أو بننام، بس مش بنعطس بسبب إنه جسمنا نفسه مش نشط ومش مستقبل للهوا، أو يعني خلينا نقولك تنفسك يبيقى بسيط علشان مش بتعمل مجهود فحركة الهوا مش بتستفز الأغشية علشان تعطس. لما بنكون صاحيين العوامل المحفزة للعطس زي الحاجات اللي بتعملنا حساسية أو الجراثيم، بتحفز الخلايا العصبية في الأنف علشان ترسل إشارات للدماغ علشان نعطس، بس وأنت نايم حركة عينك السريعة بتكون سبب في إنه بعض الناقلات العصبية تتقفل، الخلايا العصبية الحركية ما تمش تحفيزها علشان تعطس، علشان كدة مش بتبعت إشارات للدماغ، بس لو المحفزات كانت زيادة حبتين وقفلت معاك تعطس هتلاقي نفسك صحيت من النوم.