يعنى اي هكلمه سيس

بســم الله الـرحمــن الرحيــم


لما تكون ماشى فى الشارع وحد يقولك مثلا

ازيك ياد يا سيس

لو صاحبك ممكن تقبلها منو وتقول برضو اهو صاحبك وواكل معاك عيش وبسطرمه

لما حد غريب عنك يقول


تصدق انتا عيل سيس

اكيد ممكن تقلع اللى فى رجلك وتطبع النعل فى وشو او تديلو على عينو


وفرضنا مثلا انك دقمشت الزبون واديته علقه مكلهاش حصان فى مطلع

وجيه واحد تانى ملوش اى عازة وسألك وقالك


انتا بتضربو ليه يابو الكباتن ؟

اكيد هاتقولو عشان قالى : تصدق انتا عيل سيس

طب لو زنقك وحط معاليك فى مأزق وقالك : يعنى ايه سيس ؟؟

هاتقولو ايه بقى ساعتها ياابو الكباتين

اكيد مش هاتعرف ترد

لانك اساسا مش عارف يعنى ايه كلمه سيس


[ندعوك للتسجيل في المنتدى أو التعريف بنفسك لمعاينة هذه الصورة] سيس [ندعوك للتسجيل في المنتدى أو التعريف بنفسك لمعاينة هذه الصورة]

بصراحه ياجماعه ابقى مش تمام لو قلت ان كلمه سيس ملهاش معنى

وابقى بفتى لو قلت ان ليها معنى معين

بس كاعادتنا بنطلع الفاظ عجيبه واحنا اصلا مش عارفيين معناها

تعالى نروح ونشوف يترى الصيع والعواطليه وتجار المخدرات قالو ايه عن كلمه ( سيس )


سيد الديك ( سواق ميكروباص ) قال :

والله يا باشمهندز هى كلمه سيس على طول فى بقنا ودايما بنقولها للشخصيه اللى مشكوك فى امرها

ولما سألنا المعلم رجب بوز التاكس ( سواق تاكسى ) قال :

شوف يا رياسه الهاريه كلها تتخلص فى كلمتين

لو انتا مش عارف معنى كلمه سيس تبقى فعلا شاب سيس

وبرغم ان رأى المعلم رجب مجبش مفيد لكن حقيقى طلعت منو بمعلومه مكنتش اعرفها عن نفسى

وهو انى ممكن فعلا يكون كلام عم رجب صح وابقى سيس فعلا
والاقى بقى العيال الصغيرة فى الشارع تقول السيس راح والسيس جيه
وشويه شويه وهلاقى نفسى بقيت سيس فعلا
وماشاء ماشاء الله كمان سنه ابقى شاب سيس درجه اولى

واعمل منظمه ال ses العالميه
وبعديها يبقى فى مدرسه لتخريج شباب سيس زى الفل
طب وكل دة ممكن يحصل فعلا لو معرفتش على وجهه السرعه
يعنى ايه كلمه سيس


فكلمه سيس دى ملهاش معنى هى حروف طلعت من الناس كدا وخلاص

ارجو لو فيه حد سيس ميزعلشى