الشبـــاب السيــس !!

اولا معنى كلمة سيس

السيس هو البلح الفاسد الذي يسقط من النخل

او الموجود في النخل لكنه فاسد لا ياكله الانسان

يسمى سيس من هنا اتت كلمة سيس اي انسان ملوش لزمه في الحياه

من هم السيس

طبعا السيس هو انسان عادي جدا

و لكنه اهتمامه المخدرات اهتمامه الاول كيف يأتي بالمخدرات

و بعد ذلك ياتي تفكيره بالمزز

لغة السيس

هل فعلا لهم لغه خاصه بهم ؟؟

نعم لهم خاصه بهم و هذه اهم الكلمات التي يتكلمون بها

منها :

ادخلي فارس لفارس هنا لما يتشاجر مع احد اصدقائه

لازم اسطبح ليسه مسطبحتش

ايه يا زميلي عندي سبوبه ليك اصلي

السيس انسان مستهلك فقط

فعلا السيس اعد ولا بينتج ولا بيشتغل اعد يستهلك فقط و عايش على كده

يشرب المخدرات و يعيش كل اهتمامه المخدرات

و لكن عند العمل و البحث عن وظيفه لا يعمل

السيس موجود من زمان

فعلا السيس كان موجود من زمان

لكنهم كانوا قله الان كثروا جدا في مجتمعاتنا

مبدأ السيس

ممكن يكون الاب محترم و الام محترمه لكن ابنهما عنده مبدأ السيس انه يكون سيس

كده يبقى خلاص هيكون سيس مع العلم ان الاب محترم و كذلك الام

لكن ابنهما دخل مع صحابه الي عالم السيس

هل السيس ولد فقط

لا طبعأ السيس للبنات كمان ممكن تكون بنت سيس

بس حاجه غريبه فعلا تلاقي البنت السيس

بتحب واد سيس ترتبط بواد سيس تتخطب لسيس تتزوج سيس

عمرها ما تتزوج انسان محترم

لان عندها مبدأ السيس بداخلها

و هي تسمع اغنيه البانجو دا مش بتاعي و كوكا اكيد هتتزوج سيس

التصدي للسيس من الصغر

لابد على كل اب ان هو يعلم ابنه من صغره مبدأ الحياه

و التثقيف و لا يجعله ينصاغ في مجتمعات السيس

لان بجد ظاهرة السيس انتشرت مبا فيه الكفايه في مجمعاتنا

السيس سيسود المجتمع المصري

هل بعد 20 عاما نشاهد السيس ييسيطرون على البورصه

المصريه و على المجتمع المصري و الاقتصاد المصري وقتها

مش هيكون فيه مثقف واحد او متعلم واحد للاسف

و دي مشكله كبيره لان السيس في انتشار للاسف في جميع المجتمعات المصريه

!!!!

يـــاريت أعرف رأيــكم

معلش يا احمد متزعلش مني
بس انا شايف ان الموضوع مالهوش اهمية
وانا مش عارف انتا عايز راينا في اية

نورت

شكرا يا احمد فعلا بقى امعظم الشباب بيهتموا بالتقليد الاعمى ده والبنات كمان
بس الكلمه فى حد ذاتها مستفزه ممكن يكون نقول مستهتر ومش فارقه معاه
زى ما بنشوف وكل اهتمامه بالتفاهات دى

ومش بيبص لمستقله ازاى ويفضل قاعد مستنى ياخد فلوس من والده حتى بعد اتخرج وده موجود
دلوقتى حتى مع المتعلمين

بس فى شباب جدعه جدا بتشتغل وتدرس وبتخطط لمستقبلها وده المفروض اللى يتعمل مع كل الشباب
مش نهتم بمظهرنا ونشرب ايه وايه ده اكيد هيفسد مستقبله وهيبقى من ضمن الاناس اللى
هتفسد المجتمع اكتر من كده

لو كل بنت وولد اهتم بمستقبله وسبنا التفاهات دى هنبقى افضل باذن الله

ههههههههههههههههه
اصلي يااحمد والله

وبعدين يادكتور احمد (نولف)
ليه الموضوع مالهوش اهميه
الراجل عاوز يعرفك تعرف الشاب السيس ازاي

فهمت؟

تسلم ياابو حميد

تسلم يا احمد
موضوع جميل جداااا
تقبل مرورى

انا لما قريت العنوان قلت الموضوع تافه
بس لما قريته الموضوع مهم وجامد جدا
فعلا انا شايف الشباب السيس اللي انت بتتكلم عليهم كتروا جدا
شباب بابي ومامي وماشي ببنطلون مسقط وسلسلة في صدرها
والسماعة في ودنه والمصروف في جيبه
عايش علي غيره(بلطجة)
شكرا لك علي موضوعك الجميل
ويارب نكون شباب علي قد المسئولية ونعرف نحافظ علي حياتنا ونعيش صح

مشكوووور يا مصطفي علي الرد دة

دى مجرد اراء يا ريت نتقبلها

يا ريت انا قلت رأيي وحتي مكسل ما علقتش علي التعليق بتاعي واتقبلة

بس مصطفي .........

ميرسى ميروا بجد على رايك لان انتى فعلا بتشرحى الموضوع وبتفسريه كويس

بجد ميرسى جدا لمرورك ونورتى التوبيك يا قمر

الوالي الشقي كتب:: ههههههههههههههههه
اصلي يااحمد والله

وبعدين يادكتور احمد (نولف)
ليه الموضوع مالهوش اهميه
الراجل عاوز يعرفك تعرف الشاب السيس ازاي

فهمت؟

تسلم ياابو حميد

حبيبى قلبى والى انا بس عاوز اقول حاجه لاحمد نو لف
انا لو شايف ان الموضوع ملوش لزمه انا مكنتش نزلته فى المنتدى المحترم ده

ووحشتنى يا ديشا

نور الهدى كتب:: تسلم يا احمد
موضوع جميل جداااا
تقبل مرورى

تسلمى يا قمر نورتى التوبيك بردك الجميل

كريم علام كتب:: انا لما قريت العنوان قلت الموضوع تافه
بس لما قريته الموضوع مهم وجامد جدا
فعلا انا شايف الشباب السيس اللي انت بتتكلم عليهم كتروا جدا
شباب بابي ومامي وماشي ببنطلون مسقط وسلسلة في صدرها
والسماعة في ودنه والمصروف في جيبه
عايش علي غيره(بلطجة)
شكرا لك علي موضوعك الجميل
ويارب نكون شباب علي قد المسئولية ونعرف نحافظ علي حياتنا ونعيش صح

تسلم ايدك كيموا على الراى الجميل ونورت التوبيك كله يا حبى

No Love كتب:: يا ريت انا قلت رأيي وحتي مكسل ما علقتش علي التعليق بتاعي واتقبلة

بس مصطفي .........

ابو حميد احنا هنل كلنا اخوات وزى ما قالت ميروا ان الوالى بيقول راى وبيرود عليك معتقتشى انو قالى حاجه غلط هو قال فى كلمه ان التوبيك ليه اهميه مش اكتر

ويا سيدى نورت التوبيك كله بمرورك واحلى مرور ليك يا باشا

يا ابو حميد انا مش عارف انتوا مكبرين الموضوع لية انا مكنتش فاهم الموضوع اهميتة اية

يا عم سيبك حتخلي شوية شباب سيس توقع بيني وبينك وبين مصطفي
تسلملي يا غالي

لا يا كبير احنا هنا كلنا اخوات وربنا يبعد السيس عننا

يارب يا ابو حميد

الله ينور يا ابوحميد

اه والله العيال السيس كترو

وانتشروا ف كل مكان حتى ف المعهد

تلاقيه ماشي مسقط البنطلون ورافع البدي ع الحزام ويقولك هاي شله معاكوا لبانه

ترد تقوله ايه بقى

يلا يالا يا ((( تــــــيـــــــــت )))

بتاع بابي ومامي واخواتي يفطر مربى يوماتي ويبوظ هدومه .... عارف لما مامته تشتمه او تزعقله

تقوم ضرباه على ظهر ايده ... وتقوله كخ كده

هوا دا الشاب السيس ... اللي يصحى يلاقي المصروف تحت المخده

شكرااا يا أحمد موضوع مهم جداااا

حبيب قلبى ماريو واحشنى والله وهو دا افضل وصف للشباب السيس وانتا عرفت توصل المعلومه نورت يا حبى التوبيك

شكرااااااا ع التوبيك السيس دااااااااااا

مكسل اكتب اسمى كتب:: حبيب قلبى ماريو واحشنى والله وهو دا افضل وصف للشباب السيس وانتا عرفت توصل المعلومه نورت يا حبى التوبيك

شكرااا ليك انت يا حبي

ومالوا يا عسليه شكرا لمرورك

نورت والله يا ماريوا تسلملى على المتابعه