:) و أنا بتمشى ع الفيس بوك

شوفت صورة عند صديقه من صديقاتي

صورة منظر طبيعي رائعه جدا عجبتني الصورة

وضغطت عليها وقلبت باقي المجموعه
صورة روعه وذوقها جميل جدااا

كل صورة اشوفها تشدني وتبهرني
واخدت وقتي بفهمها وافهم تنوع الاذواق
الله دي جميله لو كنت حزينه ودي حلوه لو كنت مبسوطه
ودي تناسب سن كذا ودي تناسب نكتب عنها موضوع كذا

بعدين فتحت الالبوم كله علشان اشوف اللي تعجبني واحملها
في اللحظه دي عيني زاغت بين الصور ومعرفتش اختار ايه
قلت في نفسي ياه لو الصورة دي لونها زي الصورة دي هتبقى احلى
ولو دي فيها المنظر العلاني مع التصميم الفلاني هتبقى افضل
ضاع منهم شكلهم الحلو كل واحده طغت ع التانيه وسبت الالبوم وطلعت

مجموعة صور جميله

كل صورة على حده جميله جدا وتجذبك لحفظها على الجهاز
لما اتحطت كلها في البوم واحد اصبحوا بلا معنى ومفيش شعور بجمالهم
ليه؟؟

اهو احنا برضو زي كده
لما البنوته تبقى مصاحبه فلان ومعاها رقم علان
والاخ بيقابل الاخت الفلانيه وصاحبته الاخت العلانيه

ظهرلها من ده الجانب الحمش وظهرلها من ده الجانب المتدين
وهو ظهرلو الجانب الحنين ومن دي الجانب المطيع وهكذا

من كل واحد ظهر احسن جانب
لان الوضع مسمحش غير لده بالظهور

لما تيجي تتجوز بقى هتقول ايه

ولما يجي يتجوز

انا عايزه عريسي فيه كذا وكذا وكذا
هتختار كل صفه حلوه في كل حد شافته

ويبدأ العذاب لما يحصل الزواج

وتقول لو اتزوجت فلان مكانش عاملني كده
لو تزوجت فلان كان هيبقى احن من كده
وياريت لو فيه صفة فلان وفلان

وهو نفس النظام لو كنت اتجوزت فلانه

كانت هتعامل اهلي احسن من كده
وياريت كانت فها صفة فلانه كانت هتبقى احن
وصفة علانه كانت هتعيني على طاعة ربي

لكن لو تجالهنا كل الصور اللي بتفرضها علينا حياتنا من الطرف الاخر
وعاملناها فقط في حدود ما بيفرض علينا الوضع
بدون صحوبيه وتعمق في علاقات شخصيه

ومسمحناش غير لصورة واحده هي اللي تحتل مكانه عندك
زوجك او زوجتك
ساعتها هتحب ميزاتها كلها
وعند عيوبها هتؤمن ان مفيش انسان كامل
وانتي برضو :):)

كلامك جميل اوى يا قمر
احلى حاجه الكلام البسيط هو اللى بيوصل
بسرعه بجد تسلم ايدك ودايما فى انتظار
مواضيعك الجميله تحياتى يا قمرايه

كلام جميل تسلم ايدك

توبك جميل جدا
تسلم ايديكى يا قمرايه

ايه الجمال ده والله يجد روعه
بس يريت كل الناس تعمل بيه

الجميل مرورك الروعه

» الفيس بوك
» باب ما قيل عن الفيس بوك
» الفيس بوك...
» الى كل بنات الفيس
» حكايتى مع الفيس