عدد المساهمات : 16تاريخ الميلاد : 07/07/1990تاريخ التسجيل : 23/04/2011العمر : 33الجنسية :
موضوع: ده يرضيكو؟!!!! الأربعاء 27 أبريل - 21:01
النهارده حصل موقف وحش جدا كنا بين بين المحاضرتين وكنت رايحة قسم التصوير اللى عند البوابة ولقيت مجمموعة شباب قاعدين فى الجنينة بيصوروا البنات بصراحة انا رحت اشتكيت للدكتور عماد قالى بالحرف اضربيهم واشتميهم وعلى فكرة كان بيتكلم جد مش بيهزر بس انا مش عارفة ازاى يعنى خلاص اى حد هيضايق شخص تانى يضربه ويشتمه ماهو كده هتبقى فوضى هى دى بقى الثورة اللى مات علشانها اخواتنا الشهداء اكيد فى حاجة غلط فى حلقة مفقودة والغلط مش فى النظام لوحده الغلط فينا احنا كمان الموضوع مش موضوع ولاد قاعدين طول النهار فى الجنينة بيصوروا البنات اللى ماشيين الموضوع اكبر من كده بكتير ارجو ان يكون المعنى وصل وهل فعلا ده يرضيكو؟!!!!
mero ܓܨالمديرة العامةܓܨ
عدد المساهمات : 13711تاريخ الميلاد : 08/11/1990تاريخ التسجيل : 05/01/2010العمر : 33الجنسية :
موضوع: رد: ده يرضيكو؟!!!! الأربعاء 27 أبريل - 21:52
يا قمر الموضوع ده ملوش دخل للثوره ولا غيرها دى مسأله اخلاق واحترام من الشخص نفسه وواحد زى ده اكيد مش محترم اصلا لانه عمل كده ومش فى دماغه التعليم مع احترامى لدكتور عماد طبعا اللى قاله غلط لانك كده هتكبرى الموضوع وتعرضى نفسك للكلام مع حد زى ده بس معتقدش انه هيستفاد بصوره دى لانه مش تهمه فى شئ
وبجد حصل معايا موقف زى ده والله وبكل ادب رحت للشاب ده وكلمته قالى انا بصور المدرج عادى مش قصدى حاجه وعطانى الموبايل ومسحتها بنفسى ممكن تعملى كده لو كنتى تعرفى شكله بس انا برضو مقتنعه انه مش هيعمل بيها حاجه لانه واحد فاضى بيصور اللى رايح والجاى متقلقيش يا قمر
AHMED ELRAKAIBY ܓܨمؤسس المنتدىܓܨ
عدد المساهمات : 1828تاريخ الميلاد : 01/01/1990تاريخ التسجيل : 04/05/2009العمر : 34الجنسية :
موضوع: رد: ده يرضيكو؟!!!! الأربعاء 27 أبريل - 22:09
كل اللي اقدر اقوله ان الشعب حب التغيير تغيير النظام تغيير الحكم ونسوا انهم يغيرو من نفسهم حركة سلبية ان الحرس الجامعي يتشال من الجامعات معلش حصل موقف من كام سنة ان واحد بيصور البنات وواحدة راحت اشتكت وكان عبرة لناس كتير وجه الأمن كان هيوديه ف داهية بس سامحوه ومن ساعتها الكل بيحترم البنات للأسف الشعب المصري عاوز حد مراقب عليه علشان يعرف يحافظ على البنت ويخليها زي أخته مش هينفع من نفسه طبعاً مش يرضينا الكلام دا وحسبي الله ونعمة الوكيل فيهم
مستر الشارد •«[ طالب مالوش حل ]»•
عدد المساهمات : 6396تاريخ الميلاد : 27/11/1990تاريخ التسجيل : 22/05/2010العمر : 33الجنسية :
موضوع: رد: ده يرضيكو؟!!!! الأربعاء 27 أبريل - 23:06
بجد مش عارف اقول ايه والله الكلام في الموضوع ده محرج لاني شاب وممكن يكونوا بيعملوا كده بسبب الفراغ والملل بس انا عارف ان ده مش مبرر بس لازم نعزرهم تقبلوا رآي
سندباد •«[ طالب مالوش حل ]»•
عدد المساهمات : 3244تاريخ الميلاد : 06/09/1987تاريخ التسجيل : 19/03/2011العمر : 36الجنسية :
موضوع: رد: ده يرضيكو؟!!!! الأربعاء 27 أبريل - 23:16
طبعا تصرف مش كويس خالص ان واحد يصور واحدة او مجموعة بنات ميعرفهمش دى قلة زوق وطيش شباب وطبعا موقف الدكتور عماد مينفعش خالص مع احترامى الشديد لية ونصيحة للبنات ميكبروش الموضوع ممكن يعاملوا بهدوء لو اتعرضوا لموقف زى دة
رهوما •«[ طالب مالوش حل ]»•
عدد المساهمات : 1562تاريخ الميلاد : 20/11/1990تاريخ التسجيل : 19/07/2010العمر : 33الجنسية :
موضوع: رد: ده يرضيكو؟!!!! الخميس 28 أبريل - 16:17
طبعا مش يرضينا ده ولد مش محترم ونسى فى لحظه انه ممكن يكون
لما تروحى اصلا تقوليله انت بتعمل كده ليه هيقولك وانتى مالك ابسط حاجه
وممكن يشتمك ومهما انتى تشتميه مش هيأثر على سمعته زى ماهيأثر على
سمعتك انتى ... بجد المفروض يكون فى اوامر من العميد او الوكلاء ان اى حد هيتبلغ
عنه بيعمل كده يكون ليه عقاب رادع علشان يكون عبره لمن يعتبر .. وربنا يهدى شباب
المسلمين جميعا ويحفظ بنات المسلمين
امين العباسى شخصية غالية علينا
عدد المساهمات : 1522تاريخ الميلاد : 18/07/1989تاريخ التسجيل : 01/04/2010العمر : 34الجنسية :
موضوع: رد: ده يرضيكو؟!!!! الخميس 28 أبريل - 18:14
اولا مينفعش طبعا الى حصل ن الشباب دول يصور فى الى رايح والى جاى ثانيا دكتور عماد انتى غلطانه انك مخترتيش صح فى الدكتور الى اشتكتيله لان دا الطبيعى بتاعه مع احترامى ليه . ثالثا انا رايى من راى سندباد متكبريش الموضوع لان الى قاعد يصور دا فاضى بيتسلى وهو قاعد وبعدين بيمسح الصور تانى واتى متديهوش اى اهتمام لكن لو زادت عن الحد واتكررت سعتها تختارى الدكتور الصح الى تشتكيله وهو الى يجبلك حقك سعتها وشكرااااااااااا
متفوقة •-«[ طالب جديد ]»-•
عدد المساهمات : 16تاريخ الميلاد : 07/07/1990تاريخ التسجيل : 23/04/2011العمر : 33الجنسية :
موضوع: رد: ده يرضيكو؟!!!! الخميس 28 أبريل - 19:21
مرسى على ذوقكم بس الموضوع ميخصنيش انا لوحدى يخصنا كلنا وبعدين يا ميرو الموضوع ليه علاقة بالثورة لان زى ما فى ناس محترمين دافعو عن بلدهم ضد النظام افاسد لازم يبقى فى ناس اكتر تدافع عن بلدهم ضد المواطنين الفاسدين اللى ممكن ان هما ياثرو على ثورة التغيير زى ما كلنا سمينها ثورة التغيير مش للنظام الفاسد بس دى للاخلاق الفاسدة كمان اللى بيحملها اشخاص فاسدين وعشان التغيير ينجح لازم يكون شامل كل الجوانب
الامير •«[ طالب مالوش حل ]»•
عدد المساهمات : 8112تاريخ الميلاد : 20/05/1990تاريخ التسجيل : 25/01/2010العمر : 33الجنسية :
موضوع: رد: ده يرضيكو؟!!!! الخميس 28 أبريل - 23:55
fبجد موضوع مهم جدا تعرفو انا عملت كتير ووووو....ز.....بس عمرى مافكرت ان اذى حد او انى اعمل حاجة زى دى لانها بجد حركة عيال اصل الصورة مش هتفيدنى ف حاجة ولا هعرف استخدهما اصلا وبعدين لية اعملكدا اصلا واعرض نفسى لحاجات انا مش عاوزة وغير مققبووولة بس اقولك تعملى اية ف الحالة دى زى ماميرو قالت بالظبط تقبلو راى ..صراحة انا مش عارف اتكلم ...اقول اية بجد مووووووووقف مرفووووض
نينو •-«[ طالب بدأ يشتغل]»-•
عدد المساهمات : 141تاريخ الميلاد : 04/04/1990تاريخ التسجيل : 24/07/2010العمر : 33الجنسية :
موضوع: رد: ده يرضيكو؟!!!! السبت 30 أبريل - 21:16
ادعى عليه ف صلاه الفجر وربنا يمهل ولا يهمل ومنهم لله
kota •«[ طالب مالوش حل ]»•
عدد المساهمات : 1850تاريخ الميلاد : 12/04/1989تاريخ التسجيل : 28/03/2010العمر : 34الجنسية :
موضوع: رد: ده يرضيكو؟!!!! الأحد 1 مايو - 21:49
اولا انا بسجل اعتراضي علي كلام د. عماد واعتراضي علي كلام امين لان دكتور عماد من الدكاتره المحترمين جدا في المعهد ثانيا احب اقول لاي شخص بيقول ان الصوره دي محدش يعرف يعمل بيها اي حاجه لا انت غلطان لان الصوره دي انا اقدر اعمل بيها حاجات وحاجات فياريت اي واحده تلاقي واحده بيصورها حاجه من الاتنين يا تكون مؤدبه وتطلب منه يمسحها او تخلع الي في رجليها وعلي دماغه وفي الحته دي البنات كلهم بتعرف تنشن صح والضربه بتنزل علي الراس مظبوك
تقبولوا رايي
سندباد •«[ طالب مالوش حل ]»•
عدد المساهمات : 3244تاريخ الميلاد : 06/09/1987تاريخ التسجيل : 19/03/2011العمر : 36الجنسية :
موضوع: رد: ده يرضيكو؟!!!! الثلاثاء 3 مايو - 19:56
هههههههههههههههههههههه لا ياكوتا الافضل انها تحرجة باحترامها وادبها احسن ما تحرجة بالــ...........
kota •«[ طالب مالوش حل ]»•
عدد المساهمات : 1850تاريخ الميلاد : 12/04/1989تاريخ التسجيل : 28/03/2010العمر : 34الجنسية :
موضوع: رد: ده يرضيكو؟!!!! الأربعاء 4 مايو - 1:16
هههههههههههههههههههه ماشي رايك يا عم بس قليل الادب ميستهلش غير ال.....................