ممكن تساعدونى

انا محتاجه مساعدتكم

انا هحمل ويندز جديد ودى هتكون اول مره فا طبعا مش بعرف اسطبه

فا عوزاكم تساعدونى وتقولولى طريقه سهله

و اللى قريته وعرفته من النت ده بيكون من اسطوانه التعريف بتاعه الويندز اللى جايه مع الجهاز وانا هحمله طبعا

و انا لسه المهندس مودياله الجهاز ومنزل ويندوز بس متقل الدنيا خاااالص ومزهقنى

يالا مستنايكم بقى تقولوا اعمل ايه

والله ياميرو انا مش بعرف وهموت واعرف لان الجهاز كل يوم يبوظ واودية للمهندس

ربنا يوعدنا بحد من المنتدى ويكون عارف وشرط تكون طريقه سهله

اه ويا ريت لو تقولو نحمل اى نسخه ويندوز وتكون كويسه

والله ياميرو انا جاهله جدا ف الموضوع ده
بس اكتر واحد ممكن يساعدك احمد الركايبى لانه اكيد عارف وكمان لانه مبيتأخرش عن حد لو شاف التوبيك اكيد حيقولك باذن الله

ويندوز سفن 7
دا احلى نسخه نزلت
انا شغال بيها وجميله جدا

انا كنت هحمل ده بس يعنى لو فى احدث يبقى

ومقلتش ازاى اسطبه ايه الكروته دى يا سندباد

بصي يا ميرو
أول حاجة
سيبك من اللي انتي حملتيه ع الجهاز
لان عاوز حرق اسطوانة وموال طويل
واسطوانة فاضية وتحرقي الويندوز عليها والكلام دا
فإنتي روحي على أي مكان بتاع كمبيوترات
وهاتي اسطوانة ويندوز
لو سألك مثلاً على نوعها
قوليلو على نوع
batman 2010
دا نوع جميل وخفيف
لو مش لقيتي
إسألي على نوع اسمه ويزميس سيرفيس باك تو
ماعرفتيش تقولي أسامي
قوليلو هات اسطوانة تكون خفيفة ومش تتقل الجهاز
وبعدين هتحطي اسطوانة الويندوز
وتعملي ريستارت للجهاز
أول حاجة هتظهرلك الرسالة دي لما تعملي ريستارت

هتضغطي على أي حاجة وليكن مثلاً Enter
بعديها دي هتظهر عادي هيعرفك انك ضغطتي

وبعدين هيظهرلك رسالة ترحيب
اللي هي دي

وبعدين هيطلعلك قائمة فيها 3 إختيارات
والاختيارات هتكون من الكيبورد
هيكون أول اختيار اللي هو تسطيب ويندوز
ودا اللي انتي هتعمليه
هيقولك مثلاً لتسطيب الويندوز اضغط على Enter
وحاجات تانية مالكيش دعوة بيها
زي ماهو واضح هنا

ممكن تطلعلك رسالة موافقة على الكلام دا وممكن لاء
لو طلعلك كلام كتير ومكتوب تحت للموافقة اضغطي على f8
اضغطي
ماطلعتش سيبك من الخطوة دي
وعامة شكل الرسالة بتكون بالمنظر دا

نيجي بقى لأهم خطوة
اللي هي التسطيب
ف الخطوة اللي جاية دي
لازم تخلي الخانة على بارتيشن الـ c
هيطلعلك قائمة
فيها البارتيشنات بتاعت جهازك
اللي هي
C - F - D
على حسب مانتي مسمياهم
بس البارتيشن اللي بيتحذف
اللي هو بيكون بتاع البرامج
C
أول حاجة هتقفي على C
وتعملي دليت
هتلاقي الاختيارات بردو فوق عندك
هتعملي دليت وبعدين تعملي انيستال
Delete
وبعدين
install
وعلشان تعملي دليت هيبقى كاتبلك الدليت حرفه ايه
بيكون حرفه D
هتقفي ع البارتيشن بتاع C
وتضغطي على D
وبعدين بيرجعك على القائمة نفسها
وبتلاقي أول بارتيشن اللي هو c
اتحذف
بتقفي عليه بردو
وبتعملي بقى install
اللي هو معناه تسطيب الويندوز على السي دا
زي الصورة دي كدا بتكون بالمنظر دا

وبعدين بتختاري طريقة النسخ
اختاري الخيار التالت

وبعدين مرحلة حذف الملفات والتسطيب هتحصل ف شريط أصفر
بالمنظر دا

ولما يخلص
هيحصل لحظة النسخ
بتكون كدا

لما يخلص النسخ
هيعمل ريستارت للجهاز

وهيظهرلك شكل الويندوز

وهيطلعلك قائمة فيها انتظار
39 دقيقة
اللي هي دي

احتمال يظهرلك ف الدقيقة 33
تغيير اللغة والبلد
بتكون بالمنظر دا

بتضغطي على customiz
وتعملي اللغة عربي
والبلد مصر
والتوقيت القاهرة
هيكون سهل عندك

وبعدين بتختاري هنا أي اسم

خطوة مش مهمة

لو الاسطوانة معاها سيريال نمبر
بتحطي الحروف فيها
في القايمة دي

وبعدين next

وبعدين ضبط الوقت والمكان

وبعدين بتختاري الخيار الاول ف الخطوة اللي بعدها

وبعدين next
وبعدين بيظهرلك ان الويندوز وقته قرب يخلص وبعدين بيعمل ريستارت
وبعد كدا شكل الويندوز

وبكدا بقى انا كتبتلك كل الاحتمالات بتاعت الاسطوانات
لو جيبتي باتمان اللي قولتلك عليها
مش هتلاقي الخطوات اللي بتظهر من بعد الدقيقة 33

وبعد الخطوات دي ممكن الاسطوانة تبقى معاها برامج
بتحددي البرامج اللي بتعوزيها
زي الياهو والموزيلا
والحاجات اللي انتي عاوزاها

لو باتمان البرامج بتنزل اتوماتيك

ممكن بقى ف الاخر يطلعلك حاجات بسيطة كدا بيانات يعني الاسم وحاجات مالهاش لازمة
افضلي اضغطي next
لحد مايفتح الويندوز

أتمنى تكوني فهمتي حاجة من اللي انا قولتها
وأي حاجة انا تحت امرك