تركتها من كثرة حبى لها

هذا الكلام ليس منقول عن اي شخص فهى قصتى
لقدد مررت بقصة حب منذ 6 سنوات تقريبا وانتهت بالفشل واخدت عهد على قلبى ان لا ارتبط بأي انسانه الا عن طريق الخطوبه بشرط ان يكون عمرى وقتها لايقل عن 28 سنه لانى تعذبت كثيرا وقررت انا اعيش حياتى كما اريد وبدات اهتم بعملى واشغل كل وقتى فيه لكى لا احس بفراغ واميل مرة ثانيه للحب وعملت اكثر من مشروع مع استمرارى فى عملى الاساسى
*******************************************************
وعشت حياتى كما اريد
ومنذ سبعة اشهر وانا اتصفح فى الفيس وبالصدفه وجد اكونت لفتاه اعرفها فارسلت اليها اضافه فاستجابت للاضافه كانت قصتى معاها غريبه جدا
لانها هيا الانسانه الوحيده التى كانت تكرهنى واكرهاه جدا وعندما نرى بعض اكننا راينا شيطا ارسلت اليها طلب اضافه لكى ازيل هذا الكرهه لاحساسى بالذنب
اعجبت جدا باخلاقها واحترامها وطيبة قلبها اتفقنا سويا على ان نبقه اخوات طيلة العمر
كنت اتحدث معها كل يوم لدرجة انى وصلت لدرجة انى تعوت عليها واحسست انها جزء منى
تطورت الاخوه الى صداقه لدرجة ان كل منا يحكى للاخر على ما حدث فى يومه
حاولت اكثر من مره ان ابتعد عنها لكى لا اقع مرة ثانيه فى الحب لكنى عجزت عن ذالك

اصبحت كل شىء فى حياتى لدرجة انها اخذت فى قلبى اكثر من مكانها اخذتنى من اصدقائى كنت اتركهم لكى اتحدث معاها
اخذتنى من اهلى كنت اترك البيت واخرج دائما لكى اراها
سيطرت على كيانى وكانه فيروس اقتحم قلبى وحياتى
وبرغم ذالك لم افعل شيئا لكى الفت نظرها لي لكنى وصلت لدرجة الخوف والغيره عليها انى اغار عليها من كل شىء حته اقرب الناس اليها
اخاف عليها جدا اكثر من خوف اهلها عليها عندما اعلم انها تريد ان تسطيقظ من النوم فى وقت معين للذهاب الى مكان ما كنت استيقظ من نومى لكى ايقظها واعاود الى النوم مرة ثانيه لكن خوفى عليها كان يطير النوم من عينى لانى قلق عليها لانها خرجت
وصلت لدرجة انى احبها واعشقها لدرجة انى اريدها لى لوحدى
انتى الذى فعلت ذالك بي باسلوبك وبطريقة كلامك وبحنيتك وانتى تعلمى انى مجروح
..............................................................
حبيبتى
بل عزيزتى ساترك كلمة حبيبتى لمن يستاهل حبك اليه
سامحينى لن ادخل فى تجربة حب مرة ثانيه ونتيجتها معروفه بالفشل
لانى ليس لدى الاستعداد لكى اتنازل عن تخطيطى لحياتى ومستقبلى واحلامى
ولن ارضى لكى ان نبقى مع بعض لمدة خمس او ست سنوات بدون ارتباط لن ارضى لنفسى ذالك
سامحينى وتقبلى عذرى
وسادعو لكى دائما ان يوفقك الله الى كل ما تريديه ويعطيك انسان يحبك ويخاف عليكى اكثر منى
.............................................................
شكرا الى كل من قرا كلماتى واهتم بيها
لانها من قلبى الى هذا المنتدى مباشرة
واحببت ان اكتب هذه الكلمات هنا لانى احب هذا المنتدى جدا وكنت اتمنى ان اذهب الي معهدكم المتواضع وانا فى اجازه لكى اراكم جميعا
لاحساسى بطيبتكم التى اراها على شاشتى
تحياتى لتريكا وفريسكا وساسو وميرو وهيرو وسندباد وملكة المنتدى ومكسل ونم نم ومستر الشارد ونور الهدى وامين العباسى يارب مكونش نسيت حد
وربنا يوفقكم للامتحانات القادمه وفى حياتكم كلها
سامحونى اذا قل وجودى لدخول المنتدى فى الفتره القادمه
صدعت دماغكم ههههههههههههههه


كتبت هذا وانا فى الباص ذاهب الى شرم الشيخ لاداء عملى

قصتك اكتر الناس بتمر بيها
بتبدأ باخوه وصداقه وتنقلب الى حب
كويس جدا انك مش صارحتها بحبك
مدام قررت انك تبعد عنها عشان مش تضحى بمستقبلك
بس لما ده هدفك من البدايه وانك تركز فى مستقبلك ليه تدخل تجربه عارف نهايتها
وخليتها ترتبط بيك وتدخل بحياتك وتتعلق بيك
حاجتك للحب خليتك تكون انانى فى قرارك وتظلم نفسك
معلش انى قولت كده
ربنا يوفقك فى حياتك وشغلك وتكون مستقبلك


ومتشكره جدا ليك على التحيه الجميله منك دى

تسلم رمضان
وربنا معاك يارب
ويقويك فى عملك
اشتغل واشتغل
وخليك فى مستقبلك دلوقتى
تسلم على التحية
وتحياتى ليك
ويارب تحقق كل اللى ما تتمناة
تقبل تحياتى
احمد (نم نم )

لا يا ميرو انتى فهمتى كلامى غلط انا فعلا مصارحتهاش بحبى بس هيا ممكن تكون حست بيا من تصرفاتى
وانا اللى اتعلقت بيها مش هيا اللى اتعلقت بيا
وانا محاولتش انى ادخل تجربه ولا حاجه بس هيا جات كده بدون قصد وربنا اللى يعلم انا كنت بكلمها بنية ايه من الاول
شكرا لمرورك ميرو

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عندك حق يا نمنم نورتنى

قصتك دى فعلا اغلب الناس بتمر بيهاااا
بس مش عارفه انت قرارك دا صح ولا غلط انت ادى بالظروف حكايتكم اكتر منى
بس عايزه افكرك بحاجه
فى اوقااااااااااااااااااااات كتيرة اوى الانسان ممكن يندم على كلام هو مش قاله مش شرط كل الندم يكون على كلام قاله
يعنى قصدى لما انت بقااا تقرر تعترف ليهااا لما تشوف الوقت المناسب يكون الوقت فااات وهناا ممكن تندم على حاجه انت مش قولتهااا
طبعااا بتمنالك التوفيق ومش اتمنى ليك الندم ابدا واكيد انت تعرف اكتر منى ايه الوقت المناسب للكلام
بالتوفيق ليك فى حياتك
والف شكرا على التحيه الجميله

نورتى
ساسو

بص الفراق صعب اوى ومش بساهل انك تاخد قرار زاى ده
بس انت اكتر واحد تقدر الظروف اللى انت فيها
وهقولك حاجه بس قليل مننا لما يحب بجد حب حقيقى ومش بتكرر تانى
ففكر تانى اقبل ما تاخد القرار
وانت لو بتحبها بجد هتفكر ازاى تكون ليك وهى لو حبيتك بجد هتعيش معاك
تحياتى ليك واتمنى من ربنا ان يعطينا كلنا راحه البال وراحه القلب
امين يارب

mero كتب:

قصتك اكتر الناس بتمر بيها
بتبدأ باخوه وصداقه وتنقلب الى حب
كويس جدا انك مش صارحتها بحبك
مدام قررت انك تبعد عنها عشان مش تضحى بمستقبلك
بس لما ده هدفك من البدايه وانك تركز فى مستقبلك ليه تدخل تجربه عارف نهايتها
وخليتها ترتبط بيك وتدخل بحياتك وتتعلق بيك
حاجتك للحب خليتك تكون انانى فى قرارك وتظلم نفسك
معلش انى قولت كده
ربنا يوفقك فى حياتك وشغلك وتكون مستقبلك


ومتشكره جدا ليك على التحيه الجميله منك دى

رأيك عاجبنى جدا ياميرو

بصرف النظر عن اى حاجه يارمضان انا موش حتكلم عن موقفك او موقفها بس حتكلم عن عاده بيعملها اكتر الشباب انا بستغربلها جدا
يعنى الشاب بقت اكتر حاجه تهمه انه يشتغل ويجمع فلوس طيب طالما انت بتدور ع الشغل والفلوس بس ليه تظلم نفسك وممكن تظلم حد تانى معاك
متزعلش منى ده تفكير انانى وموش مظبوط اولا انت كده ولا كده حتدخل تجربه تانيه وتالته ورابعه بحكم انك عايش ف الدنيا دى لازم حتمر بتجارب اكتر
ماهو انت موش حتترهبن مثلا ومتتجوزش لحد بقى السن اللى انت مخطط فيه الخطوبه والجواز حتكون شوفت اكتر ومريت بتجارب اكتر ووقتها الله اعلم حتقدر تلاقى الطرف اللى يقدر نجاحك وشخصيتك ولا لاء حتقدر اصلا تلاقى حد كويس زى اللى بتتمناها ولا لاء
جميل جدا انك يبقى عندك طموح وتبنى نفسك بنفسك مفيش مشكله
بس اللى موش جميل انك تكون انسان ضعيف وخايف ودى الحقيقه متزعلش منى

لانى شوفت ناس كتير بتقدر تبنى نفسها وتحقق طموحها وفى نفس الوقت بيدوروا ع الجانب التانى فى حياتهم اللى هو الجانب العاطفى اللى هو اصلا عمره ماكان عائق بالعكس ده ممكن يبقى سلم للنجاح
ع فكره مفيش بنت بتحب الراجل الضعيف بالعكس
متزعلش من كلامى لو كان شديد عليك بس انا مبتكلمش عنك بس انا بتكلم عن نماذج كتير موجوده فى الواقع فاهمه ان الحياه لجمع الاموال وبس وناسيه انها ممكن تضيع حاجه من ايدها عمرها ماحتلاقيها لما تعدى كام سنه تانى من حياتها ووصلت للى عاوزاه
ماهو الانسان مبياخدش كل حاجه من الدنيا
يعنى ممكن ربنا يدى الانسان فلوس كتير ومكانه اكتر من اللى بيحلم بيها وفى نفس الوقت يديله زوجه وابناء يبقوا نقمه عليه

اتمنى تقبل رأيى وشكرا جدا لتحيتك

عندك حق نودى فعلا اصعب حاجه فى الدنيا الفراق وربنا يعللم بحالى
شكرا لمرورك نودى ونورتى التوبيك

كلامك مظبوط يا فريسكا بس انا مش ضعيف ولا خايف ومش مهمتى فى الحياه جمع الاموال لانى ببساطه جدا اللى انا صرفته فى حياتى يكفينى انى اتزوج بيه وانا لو ضعيف كنت ارتبط دلوقتى واصبحت حياتى ضعيفه طول الوقت لان الماديه والفقر بتدمر دايما حياة اشخاص كتير

اربعة اشخاص في حياتك لا تجرحهم

1 - شخص وضع بك الثقة

2 - شخص أخلص لك بالوِعد

3 - شخص يقدر معك معنى الصداقة

4 - شخص رغم انه يعلم أن قلـبك لغيرِه إلا إنه دائما بجانبك

انا مش زعلان منك على تفكيري الانانى ده ولا حاجه دى اراء وانا لازم احترم رايك
شكرا لمرورك فريسكا
نورتى التوبيك

ههههههههههههههههههههههههههههههههههههههههههههههههههه
نورت يابو المصايب
دخولك التوبيك نشطو من الاول

أهلا أخى العزيز
عارف انى الرد دا متأخر كتير لكن الموضوع شدنى بصراحه

فى البداية قصة الحب الأولى نعم هى الحب الأول ولكن ليس الحب الأخير
لم يحدث نصيب فهذا لا نقاش فيه ولا جدال لأن الله عز وجل إختار لك غيرها
وهنا لا نقول فشل بل هناك معنى اخر وأصح وهوا النصيب
فعليك الرضا بالنصيب

لازم تكون ثقتك فى نفسك اقوى
بمعنى """ إن مش معنى ان حصل عدم ارتباط رسمى فى العلاقه الأولى يبقا دا معناه ان الحياه انتهت لا بالعكس استفيد من التجربه وشوف اخطأئك فين وعدلها

الحب اخى ليس كلماتك تكتب على صفحات الأنترنت ولا الشات الحب هوا علاقه أخلاقيه جميله وحب وتبادل مشاعر وبشرط ان ينتهى بالزواج ويكون هوا الهدف الأول غير ذلك انا غير مقتنع به تماما

عاوز اقول لحضرتك حاجه كمان مهمه

بالنسبه للبنت التى تعرفت عليها مرة أخرى وذادت العلاقه بينكم على حجة انها اخت لك
اخى غير صحيح ان تكون هناك علاقة أخ لأخته بين رجل وبنت
أختك هى التى ولدتها امك فقط
لأننا لسنا ملائكة ومن السهل جدا أن نقع فى خطأ او يدخل الشيطان ويغير معنى اخت الى معانى اخرى كثيره وذلك يحدث فى غالبية هذه العلاقات

اخى العزيز تقول أنك لم تقل لها أنك تحبها
فليس الحب كلام أخى انه مشاعر تنتقل الى البنت بسهوله جدا لأن من طبيعة البنت العاطفة القويه والأحاسيس الرقيقه فلا يستدعى كلام او مصارحه بالحب
وانت لم تذكر هنا هلى هى ايضا تحبك ام لا
نعتبر ان هناك حب من تجاهها وذلك نتيجة لإرتباطك بها وقلقك عليها وإتصالك بها وإهتمامك بها فكل هذا بالتأكيد وصل إليها وأحست به
فكيف يكون حالها عندما تتركها فجأه وذلك لخوفك على نفسك
إذن أنت فكرت فى نفسك ولم تفكر فيها هى
خوفك كان علىلا مشاعرك انت ان تجرح مرة أخرى وانتت كما تقول لن تتحمل جرح اخر
فهى بنت وعاطفتها أقوى منك وبطبيعة البنت انها حساسه فى مشاعرها
انت لم تفكر فى هذا
نعم انت اخطات طالما انت بدأت معها فلا تتركها كذلك
ليس هناك مانع ان تطلب خطوبتها رسميا
النتيجه اما الموافقه فتأكد أن هذا نصيبك الذى قدره لك الله عز وجل
اما فى حالة الرفض فعليك ان تحمد الله وان تدعوا لها بالتوفيق وأن يرزقها الله بالأفضل منك وان تعلم جيدا ان هذا خير لك لأن الله يحب الخير لك اكثر ما تحبه لنفسك
صارحها بحبك إن كان هناك وقت وإن كانت الفرصه مازالت قائمه إن كنت حقا تحبها

وتوكل على الله ولا تيأس فإن الحياه تسير مهما مررنا بظروف صعبه فكل محنها بعدها منحه
وتفائل كدا وسيبها على الله




أخى العزيز هذه وجهة نظرى وراى وبكل صراحه ولك حق التفكير والأختيار
ووفقك الله


اخيك وزميلك أحمد سميح