الإستهتار بمشاعر الآخرين

بسم الله الرحمن الرحيم
السلام عليكم ورحمه الله وبركاته
الموضوع خطير للغايه .. وهو أنتشار وتوسع دائرة الإستهتار بمشاعر الآخرين
هل دخولنا للمنتديات يعتبر بوابه للإستهتار بالمشاعر والتلاعب بعواطف الآخرين ..؟
هل تدرك أن لكل إنسان مشاعر وعواطف مثله مثلك .. أخي الفاضل وأختي الفاضله ..؟
لماذا نتلاعب ونختلق فن الاستهتار بالمشاعر والعواطف ..؟
الى أي مدى ستصل بنا هذه الحاله الشاذه عن مبادئ الأخلاق والقيم الرفيعه ..؟
أسمحوا لي بأن أعبر ما بداخلي من غضب وأستهجان لما يصير في المنتديات من كذب ونصب وخداع على مستوى عالي من الابداع والتميز .
وسأطرح بموضوعي هذا ما يحصل من خداع بين أغلب الاعضاء في مسألة الحب والأعجاب
فهذا العضو الفلاني يخدع العضوه الفلانيه بأنه مغرماً بها وأنه يعشقها وأنه معجباً بها
ويا عيني عليها تصدق من أول حرف سريعه الاستجابه دون أن تتعرف عليه
وأنما لحسن كلامه وكلماته الرنانه التي يمتزج معها الرومنسيه .
ما شاء الله أصبح الحب في القرن الواحد والعشرين لا سلكي عبر أثير الرسائل الزائفه
والردود الباهته العقيمه من معاني تبادل المعرفه والثقافه .
وياليت أن هذا العضو يتوقف عند هذا الحد بل يرسل رسائله الرومنسيه على أكبر عدد من العضوات عشان أذا ما شبكت هذي تشبك هذيك وهكذا .
يا أخوان الوضع جداً خطير وقد يتسبب في مشاكل لا تحمد عواقبها كمشاكل نفسيه وإجتماعيه وصحيه وأخلاقيه وغيرها .
والحال نفسه ينطبق على العضوه وما تقوم به بنفس ما ذكر سابقاً .
أتمنى أن يكون الموضوع موضوع نقاش مفيد
أنتظر آرآئكم ..؟

تسلم الايادى ساسو

والله فعلا عندك حق موضوع مهم جدا

اكيد موضوع الاستهزاء وعدم المبالاه بمشاعر الغير شئ خطير

وللاسف احنا كعرب وكمصرييين لا نعرف عنه اي شئ

انا مش حتكلم علي موضوع المنتديات وان فيه شباب بتستغل اصدق شعور انساني وهو الحب وبتستغل مشاعر البنات
او العكس ممكن بنات تستغل الحب وتتسلي بشعور الشباب من اجل التسليه او من اجل ارضاء عقد نفسية
وانا مش عاوز اتكلم في الموضوع دة لانه مرفوض ومش محتاج كلام او نقاش ممنوع اي شخص يستغل الحب عشان يسيطر علي الاخرين فاكيد دة شئ غير مقبول شكلا وموضوعا


لكن انا عاوز اتكلم علي موضوع الاستهتار والاستهزاء بالاخرين و بمشاعر الاخرين بشكل عام

مثلا
في مصر تحديدا تركب اتوبيس تلاقي كرسي فاضي المهم تلاقي راجل عجوز رايح يقعد علي الكرسي وبسرعه تلاقي شاب يجري ويقعد علي الكرسي هل دة مش استهزاء بمشاعر الناس واستهتار بشعور راجل كبير في السن وعد احترام


تروح لمصلحة حكومية عشان تخلص اوراق تلاقي الموظف بيزعقلك وبيشتم وطهقان منك ومن الشغل هل دة مش استهزاء واستهتار بمشاعر الغير

وانت ماشي في الشارع مثلا تخبط في واحد غصب عنك تلقيه بيقولك مش تفتح يا اعمي , اكيد كلامه استهتار واستهزاء بالمشاعر ليه الرد العنيف ليه الرد الغير مهذب ده .. ليه منقولش لبعض اسف وخلاص لازم نشتم بعض ونقل ادبنا علي بعض


والامثله كتير

للاسف الاخلاق انعدمت واسهل شئ بقي اننا نستهزء ونستهتر بمشاعر الغير

ودة شئ مش مقبول

اشكرك علي التوبيك واسف علي الاطاله

دمنهورى عندك حق فى كل كلمه الموضوع فعلا مش منحصر بين مشاعر الحب والعواطف الموضوع بقا بشكل عااام

انا هقولك حاجه بمناسبه انك قولت موقف المصالح الحكوميه وانه ولو حتى موظف صغير بس يعطلك ويزهق فيك ويقولك روح لفلان وفلان يقولك روح لعلان لانها حصلت معايا كتييييير بحس انى انا اللى شغاله عندهم مش هما المشكله ان كل واحد فى مصر اى كان مركزه وسلطته فهو بيمارس دا على اللى اقل منه يعنى المدير يزعق للموظف والموظف يزعق للعامل والعامل يزعق فى المواطن وهكذا
السؤال اللى نفسه اعرف اجابته لـــــــــــــــــيه احنا كده ؟
فيها ايه لو كل واحد مارس عمله دون ان يمارس سلطته على غيره ؟

تسلم دمنهورى لمشاركتك

ـــــــــــــــــــــــــــــــــــــــــــــ

نمنم منور التوبيك

ssAsO كتب:

دمنهورى عندك حق فى كل كلمه الموضوع فعلا مش منحصر بين مشاعر الحب والعواطف الموضوع بقا بشكل عااام

انا هقولك حاجه بمناسبه انك قولت موقف المصالح الحكوميه وانه ولو حتى موظف صغير بس يعطلك ويزهق فيك ويقولك روح لفلان وفلان يقولك روح لعلان لانها حصلت معايا كتييييير بحس انى انا اللى شغاله عندهم مش هما المشكله ان كل واحد فى مصر اى كان مركزه وسلطته فهو بيمارس دا على اللى اقل منه يعنى المدير يزعق للموظف والموظف يزعق للعامل والعامل يزعق فى المواطن وهكذا
السؤال اللى نفسه اعرف اجابته لـــــــــــــــــيه احنا كده ؟
فيها ايه لو كل واحد مارس عمله دون ان يمارس سلطته على غيره ؟

والله فعلا تعاملنا مع بعضنا شئ غير مهذب وغير حضاري ابدا ابدا

والسبب

اولا \ طبعا الضمير والاخلاق بقت منعدمه
واللي المفروض ان الدين هو اللي بيخلي الناس تكون اكثر تهذبا واحتراما لبعضها البعض وان رجال الدين هما القدوة الحسنة للناس فلو بصينا شوية بنظرة اعمق حنلاقي ان المشايخ ورجال الدين دلوقتي هما اللي نزلين شتيمة في بعض وتكفير في بعض وانقسامات واخوان وسلف وحاجة منيله الصراحة ,, فمال بالك الناس العادية الغلابة وموظفين الحكومة اعتقد اقل واجب انهم لما يتعاملوا مع بعض يشتموا بعض ويضربوا بعض كمان لان هما شييفين رجال الدين ذات نفسهم بيشتموا بعض وبيكفروا بعض


بالنسبة للسلطة ,, فكلامك صح مليون المية بخصوص السلطة
وان فعلا كل واحد بيحاول يمارس ويفرض سلطته علي اللي اقل منه

والسبب في كدة غير معلوم الحقيقة بالنسبالي

لكن احنا لو بنتكلم بشكل علمي ممكن نحلل السلوك الانساني دة ونحاول نشووف ايه اصل السلوك دة

فلو بصينا بشكل بسيط علي المجتمع اللي عيشيين فيه حنلاقي

ان الاب داخل الاسرة بيمارس سلطته علي كل افراد الاسرة

الاخ الكبير بيمارس سلطته علي اخواته الصغيريين سوا كانوا ولاد او بنات

والاسرة كلها بشكل عام من اصغر فرد لاكبر فرد بيمارسوا سلطة غير عادله علي البنت حتي ممكن نلاقي ان اخ صغير ممكن يتحكم في اخته الكبيرة ويدخل في شؤنها الخاصة بشكل غير مقبول

فلو كان دة حال اصغر خليه في المجتمع وهي الاسرة فما بالك بالمجتمع ككل حيكون عامل ازاي ؟؟؟؟؟

حنلاقي كله بيحاول يفرض سيطرته علي الاخر ويفرض قوته بشكل غير مقبول طبعا

واعتقد

ان اي انسان بيحاول يفرض سيطرته علي غيرة بيكون معقد ومغرور وعندة مشاكل نفسية
أأأوووو
يكون واقع تحت ضغط يعني حد بيمارس عليه سلطة معينة فهوا بيحاول يمارس هو كمان سلطة علي غيرة


ولكي التحية واسف علي الاطاله

عندك حق والله يادمنهورى هى الاسره هى اساس كل شى فى الدنيا لو اتصححت مفاهيم الاسره وطرق تربيتها للابناء كان ممكن الموضوع يكون احسن من كده بس لو ماشينا فعلا عملى هتلاقى مثلنا لو اهلينا (بابا وماما) سلوك تربيتهم غير صحيح للابناء فى موضوع السلطه وممارستها على الغير دا هيكون راجع لاسرتهم هما (اجدادى) ولو بصينا على اجدادى هتلاقى اننا بنقف امام (اباء اجدادى) وهكذا يعنى اساس المشكله من زمن بعييييييييييييييييييييد جدا فيبقى صعب حلها
ندعى بقا ربنا ان الجيل الحالى اللى يكون اسره يربيها التربيه السليمه الا لو دا مش حصل يبقى هتفضل المشكله هى هى


شكرا ليك دمنهورى ولااراءك