كلام الشباب للبنات

السلام عليكم

" 30 جمله 95% من شباب مصر بيقولوها للبنات "

- حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2- يااااه ياحبيبتى انا حاسس انى اعرفك من زمان
( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل البنات
( اكنها مثلا بتمشى على ايديها ورجليها )

4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش )

7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى
(موووووووووووت يا حمااااااااااار )

9- عايز اشوفك كل يوم كل ساعه كل ثانيه
( عشان اصحابه يتأكدو انها حلوه )

10 - حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه )

11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
(ايوه زغلل عنيها ياواد )

14- ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره
( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )

20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
)يقصد مش بيفتح البلوك عنها الا اما تكون هيا بس الى اون لين عنده(

21- حبيبتى انا ماستهلكيش
)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )

28- انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق )

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا

( لا ماهو واضح )

وليه الفضايح دي يا ساسو هههههههههههههههههههههههههههههه

علي كل حال , مفيش شاب فيكي يا جمهورية مصر العربية إلا ولازم يخبطلة جمله من الجمل دي

دي الجمل المقدسه بتاعتنا ,, بروتوكولات شباب صهيون هههههههههههههههههه

ههههههههههههههه
انت اللى اعترفت اهو ياادمنهورى المشكله انكم مش عايزين تجددو نفس الجمل ونفس الكلام ههههههههههه والمشكله الاكبر ان لسه فى بنات بتصدق هههههههههه

نورت دمنهورى التوبيك

- يااه يا حبيبتى انتى تؤمرى وانا انفذ اللى انتى عايزاه اجبهولك
هههههههههههههههههههه
اة بس تذودى كمان جملة عليها
وابقى ورينى مين اللى هينفذ
هههههههههههههههههههههههههههههههههههههه
تسلم ساسو
بس انا غلبان

عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على
التليفون؟ بس كالعاده الرد جاهز............ياااه انتى تقصدى الخمس دقايق
اللى نمتهم دوول؟دول من كتر التفكير فيكى جالى غيبوبه )

هههههههههههههههههههههههه
تسلم الايادى

و الله انا حاسس انك هتعيطى ف اخر التوبك يا ساسو

بس ع فكره ف كلام جديد نزل السوق انتى كده متاخره اوى

و ارحمينا شويا يعنى الشاب ها يعمل ايه

مش عارف يا واد يا جوبا الشباب
هيعملوا اية
ربنا يهدهم فى رمضان يا جلبى
علشان الصبيام ينفع
ههههههههههههههههههههه

اشمعنى انا مش اتقالى كدا هو انا مش بنت زى بقيت البنات ولا اية كلام الشباب للبنات 2582547572

ولا يمكن زى ماجوبا قال ف كلام جديد يمكن هو دا اللى فية المفيد كلام الشباب للبنات 2841648573

تسلم ايدك اساحبتى توبيك جميل جدا وفعلا الظاهرة دى انتشرت اوى

ههههههههههههههههههههههههههه

فعلا كله كلام حقيقي واشتغالات

ميرسي ياساسو

ياااانمنم انت تعمل غلبان على اى حد بس اناااا لا هههههههههههه
............
حبيبو >>ياارب اكون قولت الاسم صح
منور التوبيك والمنتدى كله

...............
جوباااا الجديد بقااا لسه مش وصلنى يااجوباا اصلى مش بأكل من الكلام دااااااا هههههههههههههه
منور يااجوبا

...........

يااايوياا انتى ست البنااات يااقمرايييه بكره تسمعى القديم والجديد بس ميكنش اشتغاااالات منوره يااسديكتى

.........
سندباااد عاش من شااااافك

منور التوبيك
احلى حاجه الشباب معترف بالحقيقه المره هههههههههههههههه

» كلام الشباب للبنات نصه فشوووووووووووووووش
» تعاو اتفرجو على كلام الشباب للبنات الكلام المعثول
» أشهر 20 جمله بقولوها الشباب للبنات ؟؟؟
» للبنات فقط :
» للبنات وبس