سؤال ممكن جواب

ليه كل حاجه حلوة عمرها قصير !؟
سؤال بساله لنفسى كل يوم
وليه الحاجه الحلوة الى بتروح
معلش لو اول حاجه انزلها بعد رجوعى تكون كده
بس بجد الفترة الى انا كنت فيها بعيد عن المنتدى فقدت اجمل واغلى الناس عليا وحاجات تاتيه كتير

مفيش حد عنده اجابه للسؤال ده خالص

اولا حمدلله بالسلامه مستر شارد
وردى عليك بسيط جدا اى حاجه حلوة بتروح مننا ومهما كنا بنحبها لازم نتقبل الامر الواقع ونرضى ونقول الحمدلله لان اكيد ربنا شايل لينا الاحلى والاجمل ممكن اللى راح منك دا ميكنش مناسب ليك من الاول او كان هيسبب تعاسه ليك الله اعلم بس الاكيد ان ربنا هيعوضك خير

انا اقدر اقولك نورت المنتدى الاول وده واقع الحياة المؤلم ان كل حاجة حلوة فى حياتنا بتروح بسرعة بس ربنا يعوضنا خير ومينفعش نقول غير الحمد لله وعسى ان تكرهوا شئ وهو خير لكم

ببساطة عشان هو ده سر جمالها يعني زي ما نقول
ليه الذهب غالي والماس اغلى واللؤلؤ اغلى
ده بسبب ندرتهم يعني لو الحجر نادر كان بقى بسعر اللؤلؤ
كل حاجة حلوة في حياتنا
سر حلاوتها ان عمرها قصير زي براءة طفل صغير عيونة جميلة ميعرفش الكدب ولا يعرف كره
سيبه سنة.. 5سنين...10سنين وهتموت براءته يتعلم يكدب ويبدأ يكره
زي الوردة جميلة وكل ما عيونك بتشوفها تحس بفرحة بس عمرها قصير يوم
...يومين...تلاتة..وبتموت زي القمر وقت تمامه وفي عز جماله
والي لو سهر معاه الليل كله عمرك ما تمل او تزهق منه
بس ليله وبيروح وساعتها ممكن اقلك في الغصن التاني
وردة فتحت ولسا ياما اطفال جايين والبدر استناه بييجي كل شهر هو واعدني وعمره ما خلف وعده ........

شكرا ع الرد الجميل