رساله لكل واحد , كل واحد ف البلد
إللى عايش , وإللى ميت , وإللى لسه هيتولد
إنت البلد , إنت البلد.
روحك ...... بلد ,
جسمك ...... بلد ,
حالك لسان حال البلد ,
قلبك لولاه عادى الإله ما كان عاداه قلب البلد !
ياكل واحد ف البلد ,
عايز تشوف حال البلد ؟
شوف إنت فين ؟ وإعرف مكانك ؟
والمكان إللى إنت فيه ,,,, لو شوفته ,,,, هتشوف البلد .
ياكل واحد ف البلد ,
فكر على مهلك ,
شوف انت فين من دنيتك ؟ من أخرتك ؟ من أهلك ؟
شوف إنت فين من أملك ؟, شوف انت فين من عملك ؟
شوف إنت فين من صحتك؟ من صحوتك ؟ من جهلك ؟
هتلاقى بلدك للأسف ,
أكتر بلد تستاهلك .