حابب يكون ليك اخت بنت حابه يكون ليكى اخ ولد

السلام عليكم

إزيكم يا جماعه أخباركم إيه ؟؟ "تمام" طب الحمد لله

المهم حابه أتناقش معاكم فى موضوع لذيذ كده بما اننا أقاعدين فاضيين مش لاقين حاجه نعملها وبنشاكل دبان وشنا من الفراغ إللى إحنا فيه

المهم بعد اللت إللى لتيته والرغى الكتير ده السؤال هو
حابب يكون ليك أخت بنت ؟؟؟

حابه يكون ليكى اخ ولد؟؟؟

لو حابب أو لو مش حابب ، إذكر مبرراتك فى الحالتين ..

أه نسيت أقولكم بلاش بقى عبارات " إللى يجيبوا ربنا كويس " و " الحمد لله على كل حال " و " إحنا حنعترض على مشيئه ربنا "

يعنى ده موضوع ترفيه كده ، نقاش يعنى ، ليس به إعتراض على شئ ، إنما هو للترفيه فقط ...

ههههههههههههه
الحمد لله و الله يا دموع عمرى ما تمنيت يكون ليا اخ ولد
احنا 3 بنات الحمد لله متفااهمين وفيش حاجه معكننه علينا
فاهمين بعض مش بنخبى حاجه على بعض ماما صديقتنا اووووى
وبابا قريب منا طبعا بس مش فى كل الحاجات انتى فاهمه بقى
وديما بقولهم الحمد لله ملناش اخ كان غلس علينا حياتنا
لان بصراحه بشوف الولد مهما كان متربى وكويس الا انه بيتاثر بعض الشئ
بطيش الشباب والسلوك السئ
وكمان البنت عشان الولاد ممكن يقولوا كده بس فى فرق ان البنت لما تراجعيها
بتعرف الغلط و الصح وتقتنع وترجع للصواب


اقولك بقى حاجه بتدايقنى كبنت انى لما بخرج واتاخر شويا الاقى فونى رن رن رن
ساعتها بقول ليه انا مش ولد وارجع براحتى

هههههههههههههههههههههههههههه
ربنا يخليكوا لبعض
تسلمى يا ميرو

امممممممممم

مش عارف بس انا عندى اخوات صبيان و بنات

البنت ليها حاجه كويسه و مقدرش استغنى عنها طبعا

و الاخ برضو

بس بصرحه البنت اكتر بس اخويا بلعب معاه بيس و مصارعه و نيد فور اسبيد

الاخ مهم بردك


بس طبعا ما كنتش اتمنى اننا نكون اخوات صبيان بس

او يكون اخوات بنات بس

و احسن حاجه ف البيت دا كله انى انا الصغير

ماشى يا صغير

ربنا يخليكوا لبعض

يارب يا ختى يارب


و يخيلك كل حد انتى بتحبيه

يااااااااااااااااااااااااااااااااااااارب

ههههههههههههههههههه
بصى انا بقا اتمنيت انى اكون وحيده ليا اخ اكبر منى بس مطلع عنيى مفكرنى ولد تلطيش فى الرايح والجاى طبعا هزار ولعب مصارعه رمى مخدتات بصى كل ماهو صعب هو بيعمله هههههههههههه بس مقدرتش اسغنى عنه ابدا

ربنا يخليكوا لبعض يا اسوووووووووووو
نورتى يا قمرايه

انا الكبير الحمد الله هههههههههههههههه
وعندى اخت اصغر منى فى كلية
وكمان اخت فى اعدادى
وكمان اخ فى ابتدائى
الحمد الله
بس انا الكبيررررررررررررررررررررررررررر
بس مش اقدر استغنا عنهم خالص
وانا مصحبهم سواء كان بنات او صبيان
ماحدش بيخبى علية حاجة
ومسيطر الحمد الله فى البيت
مش بضرب انا انا ببوص بس خلاص
الكل يحترم نفسة
وشكرا
هههههههههههههههههه

احنا اتنين خوات انا الكبير
بس كان نفسى في بنت
زى اسراء الصاوى عشان
الطشلها في الرايحه والجايه

قولى لاخوكى على البللوره

بصى يا دموع انتى رغيتى كتير وكنت هفصل شحن منك كتير يعنى بهزر على فكره

المهم موضوع كويس انا بقى عند اخين غيرى صبيان وانا الكبير عندى اخ اصغر منى بسنتين والتانى اصغر منى بخمسه ابويا وامى كانو مظبطين مكانوش عاملين حاسبهم على الصغير معنديش اخوات بنات وكان نفسى بجد لانى كان عندى فراغ كبير اوى خصوصا انى قبل المعهد مكنتش اعرف بنت بس لما عرفت جربت معنى الاخت معاهم ومش عرفت بنات كتير هما تلاته معروفين وكاو هنا فى المنتدى بس بجد بتمنى وطبعا معتش ينفع لانى خلاص قفلتهم وخطبت يعنى هما اللى مستنين البنت مى وبتمنى من ربنا انه يرزقنى باتنين وهسميها ريناد

ربنا يوفقك ياايمن ويسعدك ووحياتك مش تنسى بنت على اسمى ههههههههههههههههه

الحمد لله ربنا رزقنى بالتكافء عنى اخوات ولاد وعندى اخت بنت احنا ولدين وبنتين وكلهم متجوزين وانا الصغيره بس لان فرق السن بينى وبين اخواتى كبير شويه بس مش قوى هو حوالى 8 سنبن بس بينى وبين اخويا اللى قبلى ع طول فانا اعتبر بنتهم اللى ربوها ع ايديهم وف نفس الوقت اختهم اللى واقفه ف زورهم ف كل كبيره وصغيره

اسوو كتب:

ربنا يوفقك ياايمن ويسعدك ووحياتك مش تنسى بنت على اسمى ههههههههههههههههه

امين يارب لا اتتى بقى هنسى اسمى على اسمك ههههههههههههه لاسف على حظك اخترت الاسامى قبل ما اجيب حتى لو مش ربنا رزقنى

ربنا يرزقك يايمن ويفرحك خلاص ابقى سمى الاسامى اللى انت اخترتها وابقى انتدهو عليها يااسراء هههههههههههههههه

ماشى يا اسو سؤال رخم بقى الجداول نزلت بتاع الترم التانى لو نزلت محدش منكو حاطها ليييييييييه

انا النهارده كنت فى المعهد ومفيش لسه جداول نزلت واول ماتنزل اكيد هنزلها ان شاء الله