| إلي كل شاب مصري , لازم نولع في نفسنا حالا !! | |
|
+3M E G A Ahmed Abd Elwahab دمنهوري وافتخر 7 مشترك |
كاتب الموضوع | رسالة |
---|
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: إلي كل شاب مصري , لازم نولع في نفسنا حالا !! الجمعة 7 ديسمبر - 11:46 | |
| تحياتي للجميع وجمعه مباركه عليكم
المهم ايه اخباركم , اتمني تكونوا بخير
طبعا زي مهو مكتوب في العنوان ,, لازم كلنا كشباب نولع في نفسنا حالا
قريت علي الفيس بوك
ان شاب امريكي اتجوز البنت اللي بيحبها بكام بقي حزروا فزروا ؟؟
اتجوز بــــــــ 1000 دولار
وحاليا ماشاء الله عايشيين ميه ميه ولا فراخ الجمعيه ومخلفين بنوته عمرها سنه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ من اول السطر بقي
الـــ1000 دولار دول بتوع ايه
قبل مقول اي حاجة ارجوا اي عضو عنده الضغط او السكر ميقراش كلامي رجاء
اولا اشتري بــــ600 دولار خاتم لخطبيته
ثانيا اشتري بــــــ200 دولار فستان الفرح جديد لخطيبته
ثالثا اشتري لنفسه بدله جديدة اخر شياكه بـــ100 دولار
رابعا واخر حاجة بقي دفع 100 دولار تبرع للكنيسه , عشان مراسم الجواز وكدة
ـــــــــــــــــــــــــــــــــــ حد عندة تعليق بعد الكلام دة ــــــــــــــــــــــــــــــــــــــ
الراجل المحترم كلف فرحه 1000 دولار يعني 5000 جنيه
دة مواطن امريكي عايش في اغني واقوي دوله في العالم !!!؟؟
تعالوا يا حلوين نشوف خبتنا التقيله
ـــــــــــــــــــــــــــــــــــــــــــــــــ الشاب المصري المطحون بيجيب ايه بقي ـــــــــــــــــــــــــــــــــــــ
اولا علي الريق شقه بما لا يقل عن 200.000 جنيه بما لا يخالف شرع الله
ثانياا خطوبه وحيجيب شويه دهب صغنتتين كدة , دبله ومحبس وانسيال مثلا بحوالي( 6 او 7.000 جنيه ) طبعا الشاب الامريكي الجوازة كلها اتكلفت 5000 جنيه احنا في الخطوبه لسه بنقول يا هادي 7000
ثالثا حفله الخطوبه , فستان الخطوبه علي العريس ,, متعرفش ليه يا جماعه هو انا اللي حلبس الفستان دي هـــــي اللي حتلبسه ,,, لو اتكلمت او ناقشت اصلا حيتهموك انك بخيل فغصب عنك حتجيبه
رابعا بعد كدة يا استاذي ( الــشــبــكـه ) طبعا كل واحد ومقدرته لكن اقل حاجة 15.000 وانت طالع بقي فيه ناس تجيب بــ20 او بـــ30 أو50 , بالرغم ان الشاب الامريكي جاب خاتم بـــــ600 دولار وخلص الموضوع
بعد كدة خامسا عليك كل شئ الانتريه وقوضه النوم والصالون والمطبخ والسفره , يعني نقدر نقول 50.000 جنيه خشب وعفش وكدة يا سيدي قول 30.000
سادسا واخيرا الفرح ,, فستان الفرح بتاع العروسه عليك ولا تجادل ولا تناقش , واحنا اتفقنا لو اتكلمت حيقولوا عليك بخيل , غصب عنك حتجيب الفستان ,فيه ناس بتأجر فساتين بس مش عارف ليه انا مش حابب الفكرة دي ,, وبعدين المسخرة بقي ان العريس يكون طالع عينه شقه وتوضيب وعفش ومكلف نفسه تكاليف جامدة ,,ويروحوا يأجروا فستان قال يعني كدة هما وفروا فلوس تمن الفستان هههههههه
أضف الي ذلك تمن ايجار قاعه الفرح يا استاذي الفاضل ,, بصراحة معرفش حاليا ايه تمن ايجار قاعات الافراح لكن اعتقد لو قاعه معفنه في نادي معفن حتتكلف مش اقل من 15.000 جنيه
ــــــــــــــــــــــــــــ أنا مستغرب ــــــــــــــــــــ
انا مستغرب هو احنا اغني من امريكا !!؟؟
يعني ممكن واحتمال يكون الشعب المصري غني واحنا منعرفش عادي بتحصل في احسن العائلات
انا مستغرب الراجل المحترم الامريكي مكلف جوازته 1000 دولار فقط لا غير يعني 5000 جنيه مصري
تعالوا نجمع التكاليف بتاعه الجواز في مصر بما لا يخالف شرع الله والتكاليف بالحد الادني
اولا 150.000 ثمن الشقه + 6.000 ثمن دبله ومحبس وانسيال +15.000 جنيه ثمن الشبكة +فستان الفرح 1000 وفستان الخطوبة 1000 + قاعه الفرح 15.000 +30.000 عفش =
(( كل دة يساوي 218.000 جنيه مصري \\ بتساوي كام بالدولار 43.600 دولار ))
يعني الشاب المصري بيتجوز بـــــ 43.600 دولار والشاب الامريكي بيتجوز بـــــ 1000 دولار !!!؟
ـــــــــــــــــــــــــــــــــــــــــــــــــــــــــــ الخلاصه ــــــــــــــــــــــــــــــــــــــ
انا عاوز اعرف هل العيب فينا ولا العيب في المجتمع اللي فرض علينا اشياء سخيفه كلها مظاهر وفشخرة كدابه
الناس برة في اوربا او امريكا عايشيين حياتهم ببساطة بيشبك العروسه بمجرد خاتم
واحنا لازم شبكه متقلش عن خمناشر الف جنيه هي بنتي اقل من توتو بنت الجيران
دة الفرق بنا وبين الناس بتاعه برة احنا بنخنق نفسنا بأدينا وهما عيشينها ببساطه بالرغم انهم اغنيه ويقدروا يجيبوا اللي هما عاوزينه
عشان كدة احنا متخلفين وحنفضل كدة طول محنا متمسكين بالعادات الخايبه دي وهما برة متقدمين عشان الجواز بالنسبالهم موضوع قبول واي شئ تاني فرعي
احنا عندنا القبول شئ فرعي والدهب والعفش والعربيه شئ اساسي
ــــــــــــــــــــــــــــــــــــ
فعلا مجتمع غبي بيحط قيود تقيد الناس اللي عيشيين فيه
وبعد كدة يطلعوا يصوتوا ويوقولوا التحرش والعنوسه
طيب منتوا اللي حاطين شروط ميقدرش عليها اي شاب
شروط تناسب رجل اعمال مش شاب لسه في أول حياته
احنا اللي بنخلق المشكله بأدينا والمشكله بقت مشكلات عنوسه للشباب قبل البنات ومشكله تحرش ودي سببها الكبت الجنسي ومش عاوز ادخل في تفاصيل
امتي نعيش الحياه ببساطة ونعرف ان قيمه الاشياء مش في سعرها لكن قيمه الاشياء من قيمه الشخص اللي جبها
استاذ - استاذة
لما تتجوزوا وتخلفوا ان شاء الله وابنكم يكون في المدرسه في الامتحان ويجيله السؤال دة (( هل مصر اغني أم امريكا )) لو سمحتم خلوا يكتب الاجابه دي
بسم الله الاجابه مصر اغني من امريكا بأماره ان الشاب المصري لما بيتجوز بيكلف 43.600 دولار والشاب الامريكي بيكلف للجواز 1000 دولار
الموضوع انتهي ومطروح للنقاش واسف للاطاله
تحياتي للجميع وتحياتي لكل شاب حيكلف جوازة 43.600 دولار
| |
|
| |
Ahmed Abd Elwahab •-«[ طالب جديد ]»-•
عدد المساهمات : 88 تاريخ الميلاد : 28/03/1989 تاريخ التسجيل : 22/08/2012 العمر : 35 الجنسية :
| موضوع: رد: إلي كل شاب مصري , لازم نولع في نفسنا حالا !! الجمعة 7 ديسمبر - 13:05 | |
| هنعملوا ايه بقى فى حظنا الهباب | |
|
| |
M E G A المديرالعام
عدد المساهمات : 3843 تاريخ الميلاد : 28/08/1992 تاريخ التسجيل : 05/10/2011 العمر : 31 الجنسية :
| موضوع: رد: إلي كل شاب مصري , لازم نولع في نفسنا حالا !! الجمعة 7 ديسمبر - 21:48 | |
| هههههههههههههههههههههههههههههههه
ربنا يطمنك يا دمنهورى
روح يا شيخ
| |
|
| |
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: رد: إلي كل شاب مصري , لازم نولع في نفسنا حالا !! السبت 8 ديسمبر - 16:24 | |
| - Ahmed Abd Elwahab كتب:
- هنعملوا ايه بقى فى حظنا الهباب [ندعوك للتسجيل في المنتدى أو التعريف بنفسك لمعاينة هذه الصورة]
ايوة والله يا ابو حميد حظنا طين احنا الشباب نجيب ونتعب وياريت في الاخر يكون عاجب ههههههههههههههههههههههههههههه منور يا ابو حميد يا سكر وشرفني مرورك يا غالي | |
|
| |
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: رد: إلي كل شاب مصري , لازم نولع في نفسنا حالا !! السبت 8 ديسمبر - 16:27 | |
| - AHMED GOBA كتب:
هههههههههههههههههههههههههههههههه
ربنا يطمنك يا دمنهورى
روح يا شيخ ههههههههههههههههههههههههههههههههههههههههههه منور يا ابو حميد شرفني مرورك الغالي يا غالي اروح فين طيب ؟؟ ههههههههههههههههههه علي كل حال لما اروح حبقي اتصل بيك اعرفك اني رحت هههههههههههههههههههههههههههههههههههههههههههههههههه | |
|
| |
mero ܓܨالمديرة العامةܓܨ
عدد المساهمات : 13711 تاريخ الميلاد : 08/11/1990 تاريخ التسجيل : 05/01/2010 العمر : 33 الجنسية :
| موضوع: رد: إلي كل شاب مصري , لازم نولع في نفسنا حالا !! السبت 8 ديسمبر - 16:43 | |
| هههههههههههههههه من رأيئ انكم تنتحروا افضل
بص يا دمنهورى اكيد طبعا العادات والتقاليد بتختلف وانك لازم تجيب وتجيب وتجيب غير امريكا خالص طبعا تعالى بقى فى مصر شوف الاسعار ازاى وعلى اساسها بتجيب الدهب مثلا 297 لو باقل تمن للجرام هتلاقى فى الاخر مجمع مبلغ عليك بتفرق معاك و القاعه والفستان وغيرهم كتير كلهم بيكونوا بمبالغ كبيره
واقل ايجار للفستان 700 ج مع انه اصلا ممكن يبقى جديد وزياده حاجه بسيطه بس عقليات بايظه وتجيب ايجار ومش مضمون لبسه بصراحه قرف
عندك بقى ان البنت مش بتحب تكون كوبى من واحده صاحبتها او اختها لا القاعده دى كان فيها زميلتنا لا الدبله دى شبهه بتاعه اختى
و زى ما انتم بتجيبوا احنا كمان الله يكون عون اهلنا بردو احنا بنجيب حاجات كتيره و البنت بيكون زوقها عالى وتختار حاجات غاليه اوووووووووووووووووى عن تجربه بجد واللى بشوفه قدامى وده بيكون راجع لايه/ بنتى مش اقل من حد وهى الحيله هو انا عندى كام بنت البنت بتحب تبقى احلى وجايبه كل حاجه حديثه
هى عادات وتقاليد وحال المجتمع بيتحكم فيك ونظام البلاد بيختلف والاختلاف موجود جوه مصر فى القرى غير المدن طبعا والتكاليف و الافراح بتختلف كمان هى زوقيات وكل واحد على قده
مش ابقى فى مجتمعنا كل الناس بتجيب واما عايشه ازاى عند اهلى ويتقدملى واحد واقوله اوك معاك فى اوضه على السطخ نعيش فيها كل واحد وتعوده
موضوع كبير كبير كبير كبير كبير و بردو هتتجوزوا و هتجيبوا كل ده ههههههههههههه
| |
|
| |
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: رد: إلي كل شاب مصري , لازم نولع في نفسنا حالا !! السبت 8 ديسمبر - 17:40 | |
| - mero كتب:
هههههههههههههههه من رأيئ انكم تنتحروا افضل
بص يا دمنهورى اكيد طبعا العادات والتقاليد بتختلف وانك لازم تجيب وتجيب وتجيب غير امريكا خالص طبعا تعالى بقى فى مصر شوف الاسعار ازاى وعلى اساسها بتجيب الدهب مثلا 297 لو باقل تمن للجرام هتلاقى فى الاخر مجمع مبلغ عليك بتفرق معاك و القاعه والفستان وغيرهم كتير كلهم بيكونوا بمبالغ كبيره
واقل ايجار للفستان 700 ج مع انه اصلا ممكن يبقى جديد وزياده حاجه بسيطه بس عقليات بايظه وتجيب ايجار ومش مضمون لبسه بصراحه قرف
عندك بقى ان البنت مش بتحب تكون كوبى من واحده صاحبتها او اختها لا القاعده دى كان فيها زميلتنا لا الدبله دى شبهه بتاعه اختى
و زى ما انتم بتجيبوا احنا كمان الله يكون عون اهلنا بردو احنا بنجيب حاجات كتيره و البنت بيكون زوقها عالى وتختار حاجات غاليه اوووووووووووووووووى عن تجربه بجد واللى بشوفه قدامى وده بيكون راجع لايه/ بنتى مش اقل من حد وهى الحيله هو انا عندى كام بنت البنت بتحب تبقى احلى وجايبه كل حاجه حديثه
هى عادات وتقاليد وحال المجتمع بيتحكم فيك ونظام البلاد بيختلف والاختلاف موجود جوه مصر فى القرى غير المدن طبعا والتكاليف و الافراح بتختلف كمان هى زوقيات وكل واحد على قده
مش ابقى فى مجتمعنا كل الناس بتجيب واما عايشه ازاى عند اهلى ويتقدملى واحد واقوله اوك معاك فى اوضه على السطخ نعيش فيها كل واحد وتعوده
موضوع كبير كبير كبير كبير كبير و بردو هتتجوزوا و هتجيبوا كل ده ههههههههههههه
ههههههههههههههههههههههههههههههههههههههه ايوة محنا حننتحر طبعا دة شئ أساسي بس مش حنستخدم الســـم او الرصاص ,لاء حنولع في نفسنا احسن والصراحة اخترنا الطريقه دي بعد تفكير طويل جدا علي اساس اننا لما نولع في نفسنا حنرتاح من المهر والشبكه وكل الحجات دي , وكمان حنموت واحنا مش سقعانيين انتي عارفه بقي احنا في الشتي دلوقتي ههههههههه المشكله الاساسيه في موضوع المهر والشبكه والحجات دي التقليد والتقاليد ــــــــــ التقليد ـــــــــ في بنات كتير بتفكر بالطريقه دي للاسف شكيناز بنت الجيران جالها شبكة بـــ50.000 جنيه انا مش اقل منها وام الخلول بنت خلتي فرحها كان في الشيرتون ـــــــــــ التقاليد ــــــــ يا ميرو تقاليدنا وعادتنا غلط ومش تتناسب مع ظروف معظم الشباب في المجتمع وفي ظل الظروف الاقتصادية الحاليه وحتي يا ميرو لو مصر بقت اغني دوله في العالم بسبب طائر النهضة ربنا مقلش اننا نكون مسرفين ربنابيقول (( ان المبزرين كانوا اخوان الشياطين )) ليه منعترفش يا ميرو بعيوب مجتمعنا ونحاول نغير العادات والتقاليد القديمة دي ,, ونسهل ونبسط الامور دة افضل وحيكون في مصلحة الشباب والبنات اسف لو كان الموضوع كبير بس انا بكون يوم الجمعه فاضي فبعد اكتب علي راحتي بقي ههههههههههههه,, معلش عزبتكم معايا ,, (ومنورة يا ميرو وشرفني مرورك الكريم )ا | |
|
| |
نم نم نائب المديرة العامه
عدد المساهمات : 3930 تاريخ الميلاد : 05/04/1990 تاريخ التسجيل : 16/01/2010 العمر : 34 الجنسية :
| موضوع: رد: إلي كل شاب مصري , لازم نولع في نفسنا حالا !! الأحد 9 ديسمبر - 21:54 | |
| يا دمنهورى يا يخويا هيدفع الف دولار وهيتجوز واحدة زى القمر واحنا ندفع فلوس بالهبل ونتجوز واحدة عاوزة قطر مصر اسكندرية ياكلها ههههههههههههههههههههههههههه الحمد الله
| |
|
| |
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: رد: إلي كل شاب مصري , لازم نولع في نفسنا حالا !! الإثنين 10 ديسمبر - 14:37 | |
| - نم نم كتب:
- يا دمنهورى يا يخويا
هيدفع الف دولار وهيتجوز واحدة زى القمر واحنا ندفع فلوس بالهبل ونتجوز واحدة عاوزة قطر مصر اسكندرية ياكلها ههههههههههههههههههههههههههه الحمد الله
ههههههههههههههههههههههههههههههههههه عندك حق يا نمنم يا خويا طيب وبعدين حنتصرف أزاي يعني دي اخرتها اتجوز واحدة عاوزة قطر مصر اسكندرية ياكلها , لازم نلاقي حل يا نمنم باشا انا من رأي نجمع كل الشباب ونعمل مظاهرة في ميدان التحرير عشان نضغط علي وزير الخارجية يستوردلنا بنات من روسيا شوف لما الواحد يتجوز روسيا ويخلف منها حيجيب عيال زي القمر كتاكيت شعرهم اصفر وعيونهم زرق [ندعوك للتسجيل في المنتدى أو التعريف بنفسك لمعاينة هذه الصورة]ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ لما اتجوز واحدة مصريه من النوع اللي عاوز قطر مصر اسكندرية ياكلها ,, حخلف اوشا [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
mero ܓܨالمديرة العامةܓܨ
عدد المساهمات : 13711 تاريخ الميلاد : 08/11/1990 تاريخ التسجيل : 05/01/2010 العمر : 33 الجنسية :
| موضوع: رد: إلي كل شاب مصري , لازم نولع في نفسنا حالا !! الإثنين 10 ديسمبر - 14:40 | |
| هههههههههههههههه ربنا يوعدكم باوشا يا دمنهورى انت ونمنم يا رب قولوا امين
| |
|
| |
سلطان زمانى •-«[ طالب جديد ]»-•
عدد المساهمات : 99 تاريخ الميلاد : 01/10/1993 تاريخ التسجيل : 12/11/2012 العمر : 30 الجنسية :
| موضوع: رد: إلي كل شاب مصري , لازم نولع في نفسنا حالا !! الثلاثاء 11 ديسمبر - 7:34 | |
| صباح /مساء الورد يا دمنهورى الالف دولار دول بيصرفهم الشاب المصرى هدايا ودباديب وارانيب فى فتره الخطوبه يبقى طالع اسلافه فى شغله ولازم ياخد الدبدوب ويرحلها عيشه بقت تقصر العمر انا ماشى هاتجوز من امريكا جود باى soltan zamany | |
|
| |
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: رد: إلي كل شاب مصري , لازم نولع في نفسنا حالا !! الأربعاء 12 ديسمبر - 15:35 | |
| - mero كتب:
هههههههههههههههه ربنا يوعدكم باوشا يا دمنهورى انت ونمنم يا رب قولوا امين ههههههههههههههههههههههههههههههههههههههههههههه منا خايف من كدة , ربنا يستر بقي , بلاش اوشا , والنبي بلاش | |
|
| |
دمنهوري وافتخر شخصية غالية علينا
عدد المساهمات : 883 تاريخ الميلاد : 17/01/1987 تاريخ التسجيل : 27/09/2011 العمر : 37 الجنسية :
| موضوع: رد: إلي كل شاب مصري , لازم نولع في نفسنا حالا !! الأربعاء 12 ديسمبر - 15:38 | |
| - سلطان زمانى كتب:
- صباح /مساء
الورد يا دمنهورى الالف دولار دول بيصرفهم الشاب المصرى هدايا ودباديب وارانيب فى فتره الخطوبه يبقى طالع اسلافه فى شغله ولازم ياخد الدبدوب ويرحلها عيشه بقت تقصر العمر انا ماشى هاتجوز من امريكا جود باى soltan zamany هههههههههههههههههههههههههههههههههه عندك حق يا سلطان زماني والله في كل كلمة قلتها بص يا باشا لو حتروح امريكا والنبي خدني معااااااااااااااااااااااااااااااااااااك هههههههههههه مشكور يا سلطان زماني علي مرورك الكريم نورت التوبيك يا غالي | |
|
| |
♥ ண√Sasso√ண ♥ المديرة العامة
عدد المساهمات : 6988 تاريخ الميلاد : 01/01/1993 تاريخ التسجيل : 05/10/2011 العمر : 31 الجنسية :
| موضوع: رد: إلي كل شاب مصري , لازم نولع في نفسنا حالا !! الأربعاء 30 يناير - 23:46 | |
| هههههههههههههههههههههههه موتنى من الضحك يادمنهورى بجد الله يكووووووووون فى عونك انا لو منكم نتعملوا اضراب عن الجواز هتلاقى الاهالى البنات هى اللى بتجرى وراكم | |
|
| |
| إلي كل شاب مصري , لازم نولع في نفسنا حالا !! | |
|