عايزه مساعده

زائر

انا كنت بحب واحد لدرجه العشق والجنون بدرجه كييره فعلا كان دايما محسسنى انى كمان كل حاجه فى حياته مع انى كنت بموت فيه بس دايما عندى احساس انه يعرف غيرى بس كنت بحاول اكدب نفسى وفى يوم لقيت لهجته اتغيرت معايا ولما سالته بتكلمنى كده ليه قالى شويه مشاكل وكذا مكالمه على هذا الحال شكيت بصراحه فيه وحبيت اعرف السبب الحقيقى وعملت اكتر من اختبار ليه وللاسف فشل فيهم ولقيته انه ممكن يكلم اكتر من بنت فى نفس الوقت انصدمت جامد فيه دا حب عمرى وحياتى وعشقى ولحد دلوقتى هو ميعرفش انى انا فلانه وفلانه وفلانه اللى كلمته ولقيته انه مستعد يتكلم معاهم كلهم ولا عرفته انه انا كشفته على حقيقته المشكله انى مش قادره انساه ولا قادره اوجهه واقوله انى عرفت حقيقتك كل ماارتب كلام معين عشان اقوله اعيط وانا مش عايزه اعيط قدامه ابدا وعايزه طريقه اوصله بيها اللى جوايا تكون قويه وتجرحه زى ماجرحنى ايه الكلام اللى ممكن اقوله ليه احسسه بيها قد ايه هو ساب لى جرج كبير قوى وفى نفس الوقت احسسه انه قليل اوى فى نظرى وانه مكنش يستاهلنى وشكرا

احمدى ربنا انك عرفتيه واكتشفتى ده بنفسك عشان متكونيش ظلماه ابدا
و مش تتعبى نفسك مع واحد زى ده هو مستغنى عنك و انتى مش فارقه معاه اصلا
ابعدى انتى و هو اصلا مش هيلاحظ بعدك و هيكون عادى و عايش على حريته
و جرحك اتغلبى عليه و داويه يا قمر مع نفسك

انا راى من راى ميرو بمجرد انك اصلا مش تسألى فيه وتتجاهلى انك تسالى عليه هتلاقيه هو اللى جى يحفى وقتها بقاااا ردى عليه لو حبيتى وقولى كل اللى قلبك ومش تشيلى جواكى حاجه ولو مش سال بقا سيبك منه وابداى من اول جديد حياه جديده ونتعلم بقا من التجربه
بالتوفيق ليكى

جمدى قلبك ووجهيه وامشى وسيبيه وقتها وحاولى دايما تبينيله انه مش فارق معاكى حتى لو كنتى بتتقطعى من جواكى بس اوعى تحسسيه انه اثر فيكى لانه وقتها هيحس بنفسه زياده واوعى تعيطى اللى زى ده مش يستاهل دموعك

طول ما انتى ضعيه كده يبقا تستهلى كل اللى يحصلك

و هو طلما بيعمل معاكى كده و مفيش اى رد فعل منك

يبقا ها يسوق فيها و خلاص عرف اللى عندك

مهما يغلط انتى مش ها تقدرى تقوله انك انت غلطان

و بعدين الموضوع دا مش سهل او حاجه بسيطه و تعدى

دى خيانه

هو فيه كده
يظهر انك طيبه زياده عن اللزوم
اعلى العموم الحمد لله انه ظهر على حقيقته
بس لازم يكون فيه
رد فعل
يوضحله مدى الخيانه

بوصى اقولك على حاجة حلوة
مش تعودى نفسك على حد
عشان مش تتعبى بعد كدة
وطالما هو مش مقدر اهتمامك دة
يبقى خلاص انسى الشخص دة
عشان الحب ما هو الا اهتمام باللى بنحبة
واللى مش يحافظ عليكى ولا يحفظ كرامتك ولا مشاعرك
يبقى مش بيحبك دة يبقى واخدها تسالية كدة
بيحب كل البنات حولين منة وكدة عشان يبقى راجل يعنى دة من وجهة نظرة هو انها رجولة
بس يا بنت الناس اهم حاجة
الكرامة وعزة نفسك دول اهم حاجة فى الدنيا دى
لو فرطى فيهم انسى نفسك بقى
هقولك تانى
مش تعودى نفسك على حد
ودة من وجهة نظرى

اعيش وحدتى بعزة وكرامة
ولا اذل نفسى لشخص من اجل كسب غرامة
وشكرا

» ممكن مساعده
» محتاجه مساعده البنوتات
» الرد للزائر ( مساعده )
» انا محتاج مساعده ضروري
» عايزه اقولكم سر مهم جدا أنا بحب‏