هو : انتى صحيح يا حبيبتى هتلبسى فستان شكله ايه ؟
هى : يعنى يه شكله ايه ؟ فستان ابيض طبعا
هو : تصدقى انا انبهرت فستان و ابيض لالالالا كدا كتير كتير كتير
هى : يلا معلومه ببلاش اهى
هو : انا بتكلم جد
هى : هجيبه بـ كم و عليه شال
هو : يعنى ؟
هى : بفكر اقلع الطرحه يعنى
هو : اهااااا مااشى المهم انا عندى فرح واحد صاحبى النهاردة و بكره كمان تحبى تيجى معايا ؟
هى : اهاا ياريييييييييييييت انتا واحشنى اووى من يوم كتب كتابنا مشوفتكش
================================
هى : الله حلو اوى الفستان دا اهو دا الى هجيب زيه ايه رأيك ؟
هو : مش عايز ابص عليها
هى : ليه ؟؟
هو : عشان محدش يبص عليكى يومـ فرحنا بس طالما عجبك مافيش مشكله
هى سمعت شباب بيتكلموا جنبها
ازاى سامحه لنفسها تلبس كدا ؟؟
و مش عامله اى اعتبار للى جنبها هى عايزة الناس تقول عليها حلوة و مش فارق معاها جوزها
اسكت يابنى و كمان كانت محجبه بس قلعت الحجاب
هى : حبيبى يلا نمشى بقى انا تعبت من الدوشه
هو بابتسامه : ماشى يا حبيبتى
و تانى يوم فى الفرح التانى
هو : الله حلو اوى الفستان دا
هى : عاجبك ؟
هو : اهاا حلو جدا
هى سمعت شباب بيتكلموا
بص يابنى العروسه و حيائها ماشاء الله ربنا يحميها محافظه على جوزها بفستانها انا زوجتى هخليها تلبس زيها كدا ان شاء الله
==============================
وقبل فرحهم
هى : حبيبى انا جبت الفستان
هو : كويس اوى
هى : على فكرة جبته بكم و مقفول و مش هقلع الطرحه
هو : ربنا يخليكى و يهديكى ليا يا اجمل بنوته شافتها عنيا
هى : عارف ليه ؟
هو : ليه ؟
هى : عشان انا ليك لوحدك ومش من حق حد انه يبص عليا غيرك و عشان احافظ على اسمك زى ما وعدتك
======================
هو مع اصحابه
ربنا يخليكوا ليا يا اجدع صحاب
صحابه :ها ايه النظام ؟
هو : ربنا هداها ليا عشان هى اصلا من جواها مكنتش مقتنعه بس كنت لازم اقنعها بطريقه
متجرحهاش
ــــــــــــــــــــــــــــــــــــــــــــــــــــــــــ
موضوع: الفستان الابيض 
السبت 25 مايو - 2:19
