أنا الليل اللى قرر مـ القمر يهرب ..
انا النِجم اللى عاش يسهر و أول ما ابتدى يظهر ..لقى وقت النهار قرب !
انا ميت عفريت جوى العلبه .. أنا ميت حدوتة و ميت مجروح ..
انا ميت مليون واحد ماتو .. انا كبت و ضيقه و خنقة روح .. !
انا فرح خنيق وطريق بيضيق .. انا ميت مليون باب مش مفتوح ..
انا صوت مكبوت و خناق و زعيق .. و صريخ و تاريخ أصبح ممسوح .. !!
انا كل طريق بمشيه فاضى بتكعبل فـ بواقى الماضى ..
جربت أقيس للفرح قميص ولقيته عليا مهوش لايق ... !
اسمى فـ مشوارى مع الدينا فـ الآخر كان إنسان سابق .. !! :)
محمد ابراهيم