ويقولولك اوعي ترضي تحبي حد بتاع بنات !
أصله مش هيحس بيكي ..
مش هيبقي وبس ليكي ..
كل واحده هتاخده منك ,
كل يوم يبعد شويه
كل واحده هتبقي حاسه
انه هو بتاعها هي
ويقولولك انه قبلك ..
حب بدل الواحدة .. 100
واحده ساب ف عينيها ذكري
واحدة ساب ف ايديها وردة
مين بقلبه ف يوم هترضي
ويقولولك عينه زايغه
0ويقولولك اصله سوسة
واستحالة ف مرة تلقي اي حاجة ف وشه باينه
ويقولولك ياختي اصل ..
كلهم رجالة خاينة :D
ويقولولك ويعيدولك متخافيش لو مهما قالو
طمني ياحياتي قلبك
مش خلاص حبيتك انتي
مش خلاص طبيتك ف حبك
عارفه لو فكرتي ثانيه صدقيني هتعرفي
يعني ايه كلمة بحبك
يعني مهما بشوف قصادي انتي بس اللي ف عنيا يعني
اسمي بس بحبو لما تندهي بصوتك عليا
يعني اقوم عل الفجر اصلي وادعي انك تبقى ليا
وابقى طاير م الفرح لو معاكي رغيت شويه
مش بحس بانى عايش الا لحظة ما ابقا جامبك
يعنى ايه كلمة بحبك
يعنى لما تكلمبنى ابقا نفسى احضن موبيلى
يعنى اخصمك بس برجع لو بتظره يا دوب تحيلى
يعنى ما اضحكشى الا لما عينى بتشوفك ضحكتى
و ابقا صوتك لو سكتى
و ابقا فاكرك مهما غييتى
يعنى اصلا موت فيكى و انتى بس ف قلبى عشتى
مش بحس بانى عايش الا لحظة ما ابقا جامبك
يعنى كلمة بحبك
يعنى اطول ف المكالمة و ابقا مش راضى تسبينى
يعنى امثل انى بتقل بس علشان توحشينى
يعنى لو مخنوق بكلمة بتقوليها تضحكينى
يعنى حبك يبقا ليا حب له مليون سبب
و البنات ف عينيا فالصو و انتى ف عنيا دهب
يعنى حاسس انك بنتى و انك انتى كل حاجه
يعنى عايزك زى ما انتى فيكى حابب كل حاجه
انتى بنتى و انتى بكره ام ابنى
انتى 100 احساس تعبنى
انتى شوق ديما غلبنى
و لو قولولك اوعي ترضي تحبي حد بتاع بنات
اضحكى و قولى فشر استحاله ف يوم يسبنى