معقول بقيت بالضعف ده !
وبقيت غريب ..
عن نفسى و عن كل الحاجات ..
انسان ورق.. كارت اتحرق ..
البوم قديم للذكريات !
مات من سكات ..
معقول بقيت من جوا فاضى !
وكإنى شئ مالهوش وجود ?
او ضل تاه جوا الحياه !
وسؤال بسيط ملهوش ردود ?
وكإنى عصفور من إزاز ..
حاول يطير أصبح كسور ..
او نص دايره مكْملتش .. !
بس بتحاول تدور ..!
مع مرور الوقت العمر بسرعة فات
و برجع ابص لنفسي و افتكر فالذكريات
و برجع احسبها بلاقي ضاع ياما حاجات
انسان ورق عمر اتسرق و الماضي في لحظة مات
عايش من قلة موتي و اصرخ بعلو صوتي
مفيش حد بيسمعني ومحدش حاسس بوجودي
بشحت وجود الناس جنبي في وقت الشدة
و زعلي في قلبي شايله و معايا في كل حته
عمال بقع و بقوم و بعد في الهموم
و بنام و بصحي في نفس الحيرة بس بفرق اليوم
جوايا عاميه الخوف عايش حسب الظروف
كلام كتير عايز أقوله و مش لاقي الحروف
ايامي شبه بعضها و امبارح زي بكرة
تسألني عن احلامي معنديش اي فكرة
عايش في الدنيا وحيد مفيش في حياتي اي جديد
اقصي احلامي اني أصحي يوم واحد بس سعيد
معقول بقيت بالضعف ده !
وبقيت غريب ..
عن نفسى و عن كل الحاجات ..
انسان ورق.. كارت اتحرق ..
البوم قديم للذكريات !
مات من سكات ..
معقول بقيت من جوا فاضى !
وكإنى شئ مالهوش وجود ?
او ضل تاه جوا الحياه !
وسؤال بسيط ملهوش ردود ?
وكإنى عصفور من إزاز ..
حاول يطير أصبح كسور ..
او نص دايره مكْملتش .. !
بس بتحاول تدور ..!
مع مرور الوقت فرصك بتضيع قدامك
حابس نفسك في اوضة تتحسر علي احلامك
و العمر بيجري و الساعة في ايدك مبتقفش
اوقات بتفوق و تقول هتغير بس مبتعرفش
تشتري ناس تبيعك و تبيع اللي شاريك
و ترمي الغالي بأيدك مع انه كان باقي عليك
عمال بتخسر نفسك و تروي جراح اوجاعك
و ترخص نفسك اكتر و تجري ورا اللي باعك
انت سبب مشكلتك انك فاشل في التدبير
دايما باصص في مرايتك و مستني التغيير
دخان سيجارتك خنقك ديما عايش لوحدك
فمتستغربش لما تحس عايز حد جنبك
سجادة الصلاه و صلي ايمان في قلبك خلي
دور علي السعادة في حب الناس ترتاح تملي
أفتح شباك حياتك راح يدخلك منه النور
قرب مالناس تتحرر لو من حبسة الف سور
انت بداية الطريق و انت تختار نهاية
انت الراوي و انت الكاتب و انت بطل للحكاية
و جدد روحك و اضحك وركز صح تختار
هتعرف لحظة تتغير و تكمل المشوار
موضوع: انسان ورق 
الخميس 8 أغسطس - 8:45
