استفسار من فضلكم

ممكن من فضلك طلب انا هيثم من طنطا وكنت في المعهد لحد سنة 2011 واخدت الملف بتاعى من المعهد وانا في الفرقة التالتة وقالولى ممكن ترجع تانى على الفرقة التالتة من فضلك ممكن تساليلى في الشؤن ضرورى عن الموضوع دة وممكن ابقى ابعتلك الاسم بالكامل وعلى فكرة انا ساحب الملف في سنة 2011 وعايز ارجع تانى بس في نفس السنة اللى خرجت منها ممكن الافادة من فضلك

بكره هنسال لحضرتك ع الموضوع دا وبكره هنرد ع حضرتك

منورنا ياهيثم ^ــ^

شكرا جدا ومستنى الرد والله انتوا اللى منورين الجروب كلة

ها بقا اسال انا لسه شايف الموضوع دا دلوقتى

بص عموما يعنى باب التقديم السنه دى اتقفل اتانا ها بقا اسال برضو

بكره الرد ها يكون عندك ان شاء الله

انا سالت لحضرتك النهارده بخصوص موضوعك
بص هو انا مش طلعت بحاجه مفيده منهم انت عارف الشؤن ع العموم

هما قالولى خليه يجى بالملف بتاعه اللى هو سحبه ونشوف ايه ظروفه فى المعهد كان ناجح السنين دى مثلا يعنى

وغالبا انت تقدر ترجع فى السنه اللى خرجت فيها هما هيحدود دا لو الملف مفيهوش مشكله ان شاء الله

سالت برضوا ع الرسوم او اى طلبات عشان مش تروح ع الفاضى

برضوا نفس الرد يجى بالملف بتاعه الاول ونشوف ظروفه ايه

حضرتك ممكن لما تروح عند الشؤن هتسال ع ا/ايمن وان شاء الله هيخلصلك كل حاجه

بالتوفيق ان شاء الله

واحنا فى الخدمه فى اى وقت ومنورنا دايما

#الاداره