(( إوعي تسيب مراتك في البلكونة .. !! ))

مدرس جا تله بعثة لدولة أوروبية ، فأخد مراته وراح
هيَّ تسع شهور ومراته حامل وجابتله واد أبيض ، وشعره أشقر ، وعيونه ملونة !!

الراجل استغرب وسألها : إيه دة ؟

فجاوبته : وانا اعمل إيه ؟ إنت بتروح المدرسة ، وانا بقعد في البلكونة . إشي أوروبي رايح ، وإشي أوروبي جاي . الظاهر إني اتوحمت على واحد أوروبي

فهز صاحبنا راسه وقال لها : إذا الحكاية كدة ، يبأة مافيش مشكلة

بعد فترة جاتله بعثة لدولة في أفريقيا . وكمان هيَّ تسع شهور ومراته حامل ، وجابتله واد أسود ، وشعره أكرت ، ومناخيره

مفطوسة !!

إتنطط الراجل وقال لها : وإيه الواد دة كمان؟

قالت له : وانا اعمل إيه ؟ إنت بتروح المدرسة ، وانا بقعد في البلكونة . إشي أفريقي رايح ، وإشي أفريقي جاي . الظاهر إني اتوحمت على واحد افريقى

فهز صاحبنا راسه وقال لها : إذا الحكاية كدة ، يبأة مافيش مشكلة

خلصت مدة البعثة ، و رجع الراجل على بلده ، وراح يزور أمه في الفلاحين

الست استغربت وبلـِّمِت ، وسألته : مين العيال دي ؟

قال لها : ولادي

قالتله : إزاي يعني ؟

فشرح لها إن مراته مرة اتوحمت على أوروبي ، ومرة على أفريقي

فهزت أمه راسها وقالتله : تعرف يا ابني أنا كمان حصل معايا كدة وقت ماولدتك .

قال لها : معقول يا امـَّه ؟ ماحكتيليش يعني قبل كدة . ها إيه اللي حصل ؟

قالتله : أبداً ........ أبوك كان يروح الأرض وأنا قاعدة في الدار، إشي حمار رايح ، وإشي حمار جاي !!!

ههههههههههههههههههههههههههههههههههه
حلوه بجد ماجيك تسلم ايدك

ههههههههههههههههههههههه
جااااااااامدة اووووووووى
حمااااار

ههههههههههههههههههههههههه
لا جامده تسلم ايدك

هههههههههههههه
حلوه جدا ماجيك

انتى الا حلوه ميرو تسلم ايدك

تسلم ايدك

» الفرق بين مراتك ونجوم اف ام
» مش بايدي غصب عني ان ايدي تسيب ايديكي
» لما تسيب موبايلك وتمشى هيحصل ايه؟؟؟؟؟
» ياترى هيبقى شكلك ايه ..لو مراتك عملت كده قدام الناس!!!!(فين الرجوله)