الفرق بين البنت والولد ف الميكروباص‏

طبعا
وانتا بتوقف الميكروباص وياسلام لو مافيش مكان البنت يادوب تبص بس بصة
استعطاف لأي شحط قاعد هايقوم ينط يعد في ضهر السواق علشان تعدي...انما بقا
لو انتا ولد شوفلك اي حتة اترزع فيها او انشالله تتشعلق مانتا اساسا مالكش
أهل يخافو عليك

...

ثانيا
:-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا تلاقي اللي ممكن يقوم يضرب السواق
انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا اهبل تستاهل شوف كنت بتبص فين والكلام دا طبعا

ثالثا
وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو

طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل
.... ولو قفلت الباب بالجامد بقا
لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه العربجي دا خلاص ياعم عرفنا انك فاندام بس بالراحه ع الباب

رابعا
طبعا ممكن يجيلك تليفون وانتا قاعد في الميكروباص

لو
انتي بنت وانتي بتقولي الو ياسلااااام الله يا جماعه على صوتها شوفو الرقة
يابخته المحظوظ اللي بيكلمك ولو معاها موبايل معفن ياسلام ع التواضع

انما
بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت
ام صوتك صرعتنا والله عرفنا انك معاك زفت موبايل ولو الموبايل معفن ..
وكمان بتتعايق بموبايل معفن امال لو كان موبايل عدل شوية كنت عملت ايه

خامسا:

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل

طبعا لو انتي بنت القانون بيديكي الحق الكامل انك تقوليله وطي الكاسيت او اطفيه
(قانون سواقين الميكروباص طبعا)

انما
لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي
هاتدفعه

سادسا:

طبعا
بقا انتا وصلت الحمد لله بعد القهر والتفرقه العنصرية اللي اتعرضت ليه طول
الطريق عايز تنزل بتقول للسواق على جنب وطبعا لايمكن هايسمعك ماهو مشغل
الاغاني ومعلي الصوت على اخره

طبعا لو انتا ولد هاتقول مرة
واتنين وعشرة وينزلك بعد الحتة اللي انتا عايز تنزل عندها بأتنين تلاتة
كيلوكدة وطبعا هايقولك ماسمعتكش مانتا اللي صوتك واطي زي البنات

انما
بقا البنت يادوب كل اللي هاتعمله انها توشوش نفسها على جنب وكأنها بتكلم
نفسها...................... هاتلاقي بقيت الاربعتاشر نفر اللي قاعدين في
الميكروباص بصوت واحد بيقولو للسواق على جنب ..... انتا اطرش ؟؟؟

دايما ابو شنب متاكل حقه...هههههههههههههههههه

هههههههههههههههههههه

تسلم الايادى

ميرسي ياقمر نورتي التوبك..............

تسلم ايدك

ههههههههههههههههههه
جاااااااااااااامده جدا
هو ده فعلا اللى بيحصل
مشكووووووووووووور

هههههههههههههههههههه تسلم ايديك يا فور اصلى ياريس اللى بيغلبنى معاهم بقى كلمه ياسلام دى وماشى يالهوى كل البنات بتقولها كتير اوى وتقولها بحنيه كده ودلع ههههههههههه بيضحكو علينا ههههههههههههههه

نورتو التوبك ميرسي لمروركم.............

» الفرق بين حمام البنت والولد
» البنت والولد
» عادات الاكل عند البنت والولد ..
» الفرق بين اكل بين الينت والولد
» موضوع: الفرق بين كمبيوتر البنت و الولد