النايتى
البنت الكول
سهرانه فى البارتى
قشطه و بيس
يا حبيبه هارتى
انت لذيذ
استاذه فى القلش
والتهييس
البنت النايتى
الشابه الكوول
بنطلونها
صاقت على طول
جامده وفظييييعه
مش معقول
مزه و جنان
بنت عسوله
البنت النايتى
مالهاش فى الشعبى
بتسمع راب
وبتسمع غربى
تك كير بيبى
تك كير حبى
انت حبيبى
واحشنى يا قلبى
البنت النايتى
بنت خواجه
عايشه مش فاهمه
حاجه فى حاجه
شاربه ومشيشه
ضارب كذا حاجه
و مكبره مخها
اخر حاجه
البنت النايتى
بنت حبوبه
حسها مرهفه
قلبها طيوب
هدومها لابساها
بالمقلوب
ماشىه ع الموضه
المضروبه
البنت النايتى
بتحب مارينا
بتأنتم مع حمدى
وجيمى ومينا
بتلبس سلسله
وشورت كارينا
والعب يا ماو
يلا بينا
البنت النايتى
مش عصاميه
بياخد مصروفها
من بابى والوليه
بتصحى المحروسه
بتروح ع النادى
تسلم وتبوس
مجهود مش عادى