ابليس فى ايده استماره

علي باب السفارة قابلت ابليس وفي ايده استماره

قولتله علي فين قالي بص يا هجرة يا إعارة

يا عم خلاص زهقت كفرت ألاقيش معاك سيجارة

أنا انتهيت خلاص

لا عاد نافع وسواس ولا خناس ولا عاد ليه عيش بين الناس

دي عالم مجرمين عندكم فائض فساد في كل البلاد

مش محتاجين شياطين مليش عيش في البلد دي

بقينا عاطلين وانتو يتعرفوا تقلبوا الحق باطل تسكتوا عن القاتل وتمشوا في جنازة المقتول

ومفيش مشاكل

يا عم ده أنا بقيت أوسوس بالمقلوب بقيت أقول للحرامي توب أنت لوحدك هتعمل كل الذنوب

دانا ابليس اشتغل واعظ وكمسري في أتوبيس

يا عم من زمان بستني حد ينسي يسمي وهوه بياكل لقمته

دلوقتي اكلكم ملوث وبصراحة الواحد خايف علي صحته

ده مفيش ضمير اساسا علشان اموته

كل واحد بمزاجه خربانة زمته

يا عم ده كل حاجة اتسرقت والاجيال الجاية من الحرامية اتظلمت

يا راجل ده من كتر ملطشت معايا طلعت في مظاهرة مع الناس اللي بتقول كفاية وبرضه مفيش فايده

شيطان لعين

اللعنه مش بس كفايه عليه تسلمى نور

» ابليس بيتعلم
» طرق ابليس السته للدخول الى القلب
» حديث الرسول (صلي الله عليه وسلم مع) ابليس