اصعب سؤال فى الحب!!!, كله يدخل ويقول رأيه؟!!

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته

وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...
اما انا.....أو أهلك
مش هقول ايه هو الرد الصحيح
بس هقول
يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه؟؟؟

بصراحة
انا اهلى لو رفضوة هيرفضوة علشان انسان وحش مش هيتقى ربنا فيا انما اهلى كل الحاجات التانية دى مش تهم ادام شايفنى هكون سعيدة معاة وهيتقى ربنا فيا وهو لو انسان وحش انا مكنتش هختارة
ولو انا كنت ف الاختيار دا ياهو يااهلى-----> لو هو انسان كويس فعلا بعيدا ع المستوى والكلام دا كلة هقعد معاهم افهمهم بالراحة ان دا الانسان الوحيد اللى هيقدر يحافظ عليا وافهمهم كل حاجة واعرفهم انى لية مهما حصل وان هما بيحطونى ف موقف انى اختارة هو طالما هو مش فية اى حاجة وحشة يبقى هختارة هو والاهل عمرهم مايقدروا يبقوا اسيين ع اولادهم يبقى اكيد هيحنوا

هو الموضوع واضح جدا ..... اللى يحط اللى بيحبه فى اختيار بينه وبين اهله يبقى مايستاهلش

كمان حاجه .... الشاب دا مثلا لما يسأت السؤال دا والبنت تختاره على اهلها يبقى يتأكد انها ممكن تبيعه زى ما باعت اهلها اللى ربوها

دا رأيى وماعتقدش ان فيه حاجه غلط .....

مرسى لمرورك الجميل يا يويا
نورتى التوبيك

OoZoO كتب:

هو الموضوع واضح جدا ..... اللى يحط اللى بيحبه فى اختيار بينه وبين اهله يبقى مايستاهلش

كمان حاجه .... الشاب دا مثلا لما يسأت السؤال دا والبنت تختاره على اهلها يبقى يتأكد انها ممكن تبيعه زى ما باعت اهلها اللى ربوها

دا رأيى وماعتقدش ان فيه حاجه غلط .....

بص يااوزو انا بحترم وجهة نظركـ
بس
هو مش حطها ف وضع اختيار لا هما اهلها اللى حطوها ف الوضع دا وزى مابلية قال انة عمل محاولات كتير وهو شخص كويس جدا واهلها رافضينة عشان مستوى والكلام دا طيب ازاى هو مستواة اللى هيحافظ عليها ولامستواة اللى هيتقى ربنا فيها يعنى دا مش سبب يرفضوة والبنت تقعد معاهم تفهمهم والله مش اقتنعوا تعرفهم انهم هيخلوها تختارة عنهم دا ف حالة ان فعلا الولد كويس جدا وان هما رافضينة بس علشان مستواة ولازم الاهل يتناقشوا مع بنتهم ويااما يقنعوها ياهى تقنعهم
سورى اوزوو تقبل وجهة نظرى
تقبل مرورى بلية

اللى مالهوش خير فى اهله مالهوش خير فى حد
الحبيب والحب كل دا ممكن يتعوض ولو حياتى هتقف عليه يبقى تقف وانا راضيه بكده لانى مش هلاقى اهل غير اهلى حتى لو كانو ضد سعادتى

بس دا يكون قرارى بعد ماخلص كل محاولاتى فى اقناع اهلى

اهلى اللى هما مين (والدى ووالدتى)
ربنا سبحانه وتعالى قال ولا تقل لهما اف ولا تنهرهما
ولو انا بعت اهلى ف يوم حبيع اللى بديته عليهم
وع فكره لو بديت انسان ع اهلى ف يوم واختارته هو حيبيع ويشترى فيا بسهوله زى مابيقولوا لانه عارف انى مالياش حد يقفله ووقتها موش حينفع اطلب من اهلى يتدخلوا لما يعمل مشاكل معايا لانى بديته عليهم
ووقتها حبقى خسرت اهلى وخسرت نفسى وكمان خسرت احترام الانسان اللى اختارته ليا

تسلم ايدك للموضوع بليه

موضوع جميل وسؤال صعب جدآ بس انا رائي
أولآ .تختار أهلها علشان دا الأفضل والصح
ثانيآ. ليه يجي علي كرامته أنا لو مكانه وشكيت بنسبة واحد في الميه إن أهلها ممكن يرفضوني مش هاروح أصلآ حتي لو كانت (إليسا) نفسها
‏(تغور ياعم الحاج)
ههههههه

yo00oyA كتب:

OoZoO كتب:

هو الموضوع واضح جدا ..... اللى يحط اللى بيحبه فى اختيار بينه وبين اهله يبقى مايستاهلش

كمان حاجه .... الشاب دا مثلا لما يسأت السؤال دا والبنت تختاره على اهلها يبقى يتأكد انها ممكن تبيعه زى ما باعت اهلها اللى ربوها

دا رأيى وماعتقدش ان فيه حاجه غلط .....

بص يااوزو انا بحترم وجهة نظركـ
بس
هو مش حطها ف وضع اختيار لا هما اهلها اللى حطوها ف الوضع دا وزى مابلية قال انة عمل محاولات كتير وهو شخص كويس جدا واهلها رافضينة عشان مستوى والكلام دا طيب ازاى هو مستواة اللى هيحافظ عليها ولامستواة اللى هيتقى ربنا فيها يعنى دا مش سبب يرفضوة والبنت تقعد معاهم تفهمهم والله مش اقتنعوا تعرفهم انهم هيخلوها تختارة عنهم دا ف حالة ان فعلا الولد كويس جدا وان هما رافضينة بس علشان مستواة ولازم الاهل يتناقشوا مع بنتهم ويااما يقنعوها ياهى تقنعهم
سورى اوزوو تقبل وجهة نظرى
تقبل مرورى بلية

مرسى يويا على المتابعة
ودى وجهة نظرك وتحترم دا شئ اكيد وهى دى وجهة نظره وتحترم برضوه
نورتى التوبيك يا جميل

والله موضوع رائع
وانا قريت راي كل الاعضاء
تقريبا قالو الكلام اللي كنت هقوله

الاهل عارفين مصلت ابنهم او بنتهم اكتر منه
لانهم عندهم خبره في الحياه
وانا لو صممت علي رايي وفشلت بعد كده هخسر الاتنين
بس طبعا لازم الواحد يتمسك بالانسانه اللي بيحبها لاخر لحظه
مش يفرط فيها بالسهوله دى
بس يحاول مش يخسر اهله
وكل شيء نصيب
واللي مكتوبله نصيب في حاجه هتجيله لحد عنده

تسلم ايدك على الموضوع الجامد