سؤال بجد ونفسي البنات والشباب تجاوب عليه؟؟؟؟

لجزء التالت من الاسئله:
اولا: فتره الخطوبه بلاقي فيها بصراحه بلاااااوي ومش عارف
البنت او الشاب بيقبلو كده ازااي !!!
يعني بلاقي (مسك ايد--بوسه وساعات بطوول-- هزار بس فيه حاجات مش تمام--.... )
ومحدش يقولي ان دي ناس مش كويسه انا بشوفها في احسن العائلات
السؤال بقي هل الكلام داغلط ولا انا الي مش فاهم حاجه؟؟؟؟؟؟؟؟؟؟؟؟؟؟؟؟


اكيد طبعا غلط يايوسف بس استنى هو ايه اصلا مفهوم الغلط فى زمانا ؟

المشكله دلوقتى ان الحاجات دى فى نظر الناس بقت عادى مادام الكل بيعمل كده فكده مش غلط لكن لو انت اللى بتعلم كده يبقى غلط لكن احنا مش بنحكم الغلط بالدين لالالا احنا بنحكم بعدد الناس اللى بتعمل كده عشان كده الصح بقا غلط والغلط بقا صح الاصل فى الخطوبه يايوسف فى قواعد وحاجات معروفه وبديهه فى الدين لكن محدش بيعمل بيها مش هقولك اصلا مفروض مش يخرجوا مع بعض ولا يتكلموا فى الموب ولاولا لانى انا نفسى مش هعمل كده ودى صراحه بس كل حاجه بالاصول فى ناس بتسمح لبنتهم تخرج مع خطيبها لو حدهم ودا اكبر غلطه الناس بقوا شايفنها عادى وتوقع بقا اى حاجه ممكن تحصل لو كل واحد اتمسك بالدين الصحيح ومش هقول هنمشى عليه بالظبط بس بردوا مفروض الحاجات البديهه دى معروفه انها غلط حتى لو العالم كله بيقولك دا عادى مكنتش يايوسف هتشوف التجاوازات فى الخطوبه


ثانيا: ليه مش بلاقي في الصداقه او الحب او الخطوبه او..... البنت او اشاب بينبهو بعض للصلاه؟
بمعني : ان مفيش حد بلاقيه بيجيب سيره الصلاه في حوار بيتكلم فيه مع اي حد
ليه دايما الصلاه ناسينها ومش بنجيب سيره عنها؟؟؟؟؟؟؟؟؟؟؟؟


فعلا عندك حق قليل جدا جدا جدا لو حد اتكلم فى موضوع الصلاه معرفش ليه بصراحه بس اتوقع لانه احنا الشباب والبنات مش عندنا نوعيه اننا ننصح بعض دى زى اهلنا مثلا او ممكن لان معظم الشباب والبنات مش بيظبوا على الصلاه دا راى
فى اعتقاد تانى عندى هو حاجه بصراحه بتخنقنى شخصيا فى مثل يقولك الطيور على اشكالها تقع فبلاقى مثلا الاشخاص اللى هى متدين جدا دى مش تصاحب اللى الاشخاص متدينه جدا زيها ويكون مع نفسهم عمرك ماتلاقى واحد متدين جدا صاحب واحد اقل منه شويه فى التدين ولا نصحه ولا كلمه مفروض الناس دى هى اللى توعينا طبعا احنا لينا عقل ونعرف نميز بس فى اوقات انا شخصيا بكون فى حاجه ان حد ينصحنى حد يشجعنى مش بلاقى غير صحبى اللى هما زى فانا بزعل من تفكرهم الله اعلم كلهم مش كده بس انا قولت كده لان فى مواقف حصلت معايا انا شخصيا



ثالثا: هل المؤهل الاجتماعي بيفرق مع الشخص الي قدامك سواء في (خطوبه - صداقه - حب ...)
يفرق ليه؟؟؟ ومايفرقش ليه؟؟؟؟ وهل تقبل (ى) ده لخواتك؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالنسبه ليا مش بيفرث خاااااالص ولا يشغلنى مؤهل ولا غيره ليه بقا لانى بتعامل مع اللى قدامى انه انسان مجرد من اى شهادات من اى منصب انا ببص على انه انسان وبس
ومش بحب اسمع كلام بس العقليه ومش العقليه والكلام دا لان فى ناس ممكن تكون مش متعلمه بس انجح واذكى مننا يعنى مثلا انا واحده اهو فاشله رياضه انا الرياضه دى لاول مره فى حياتى اطلع بماده فى الثانوى انا مش بحب الارقام رغم انى متعلمه اهو بس مش بحب الحسابات فى المقابل لما اشترى حاجه من السوق بلاقى اللى بيبع فى ثانيه حسب وجمع وطرح ويقولى فى الاخر يبقى الحساب كذا طيب مادى عقليه ودى عقليه
المشكله ان الناس يايوسف مش بطبق معنى الفروق الفرديه اللى على بيتعلم بس انا مش بحب الارقام بس بحب مواد الادبى بس صحبيتى مش بتحب الادبى دى بتحب العلمى عشان فى حاجه اسمها فروق قرديه طيب بالنسبه اللى مش بيحب التعليم خالص دا ايه بقا يبقى جاهل دى نظريه الناس الجاهله الطبقيه لكن المفروض بالنسبه للى مش بيحب التعليم خالص عشان هو انسان وطبيعى زى زيك وعنده برضوا فروق فرديه دا نجح فى حاجه تانيه خالص مهنه بقا او هويه اى كاننت عشان كده مش بتفرق معايا المؤهل


رابعا: بمنتهي منتهي الصراحه ليه دخلت(ى) خدمه اجتماعيه؟؟؟؟؟؟؟

بمنتهى الصراحه الاول كنت زعلانه انى دخلت خدمه اجتماعيه وليه دخلتها عشان مجموعى فى الثانوى كان فى الضياع


وهل هايفرق المعهد دا في حياتك؟؟؟؟

بالنسبه ليا اه هيفرق مجال دراسه المعهد مع الحاجات اللى انا بعشقها انا بحب عموما دراسه الشخصيات والانسان والحاجات دى والمعهد تقربيا هو الكليه الوحيده اللى بتدرس دا باستفاضه


وهل كنت(ي ) تتمني افضل من كده ؟؟؟؟ ليه؟؟

الاول ممكن اكون كنت اتمنى ادخل كليه تانيه ليه عشان الناس تقول انى فى كليه كويسه وانا مش بهزر على فكره دا جد كل كل الناس بتفكر كده

وكنت(ي) تفضل(ي) تدخل(ي) كليه ايه؟؟؟؟ وهل ندمان(ه) انك دخلت(ي) المعهد دا؟؟؟؟؟؟؟؟؟؟

كنت اتمنى ادخل كليه أداب والحمدلله مش ندمانه على دخولى المعهد لان فعلا انا حبيت مواده جدا جدا





تسلم يايوسف على المجموعه الثالثه مستنين نشوف الباقى
وبالنسبه للاعضاء هى ممكن بس عشان الامتحانات قربت محدش بقا بيدخل كتير

يا اسراء انا عندي اسئله كتير بس هاتجاوبي انتي لوحدك
انا عايز مشاركه
احنا ممكن ناجل الاسئله شويه
ايه رايك

اوك يايوسف اجل لحد فتره الامتحانات دى تخلص