رأيكم فى مستقبل البلد؟

والله ياميرو انا كنت عايزه انزل التوبيك دا واخد برضوا رايكم بس النت فصل ^ـــ^ المهم

بصى ياميرو انا كان عندى امل كبيييير ان البلد دى ينصلح حالها بس للاسف بعد النهارده انا فقد الامل دا فى البدايه كده الثورة عمرها ماهتنجح الا لما كل مؤسسات مبارك تتظف وبالذات المجلس العسكرى وطنطاوى دا اول واحد لازم يتحاكم لانه لاعبها صح اووووى فى الاول نزل مع الشعب وقال انا حامى حمى الثورة وبعدين لما مسك الفتره الانتقاليه حب السلطه كالعاده ولما حس انه هيجى ريس الناس بتحبه وهيجى الريس اللى هيحاسبه لعب لعبه جميله اوووى اسمها انتخابات نزيهه وطبعا احنا صدقنا انها انتخابات لما عمر سليمان نزل الانتخابات اكيييييييد كانت شعبيته ضعيفه جدا فالجيش قال ايه نطبق عليه قانون العزل السياسى وننزل بشفيق ونمشى ابواسماعيل باى طريقه والناس قااااااااااااااالت وماله مش مشكله لسه عندنا حمدين ابو الفتوح وغيرهم دووول مين اللى هينتخب شفيق دااا سيبكم بقا من اننا نزلنا وفرحان انا اخد بالى من حاجه وقولتها لبابا قولته غريبه يا بابا بتوع الطرف التالت مش ظهر يعنى فى الانتخابات والانتخابات مشيت فل الفل قالى احمدى ربنا والبلد هتتصلح بعد النتيجه عرفت ليه الطرف التالت مش ظهر عشان لما نتجح يقولك دى الانتخابات كانت ميت فل وعشره ونقبل بالامر الواقع اننا نختار مابين فل وخاين طيب الخاين وعارفين انه ليه شعبيه وليه ناس كتير واهو ممكن نقول انه من حقه ينجح لكن الفل دا اكتسح كده ازاى


فى راى المتواضع انه اكتسح بالناس اللى تحت خط الفقر الناس دوول اول ناس لازم نهتم بيهم لانهم طول ماهما مش عايشين عيشه انسانيه اى مخلوق لوعرض عليهم100جنيه مقابل صوته هيوافق لان الناس دى عارفه كويس ان الريس الجديد اى كان او البلد عموما مش هتهتم بيهم ومهما البلد اتغيرت هما حاسين انهم مش هتغيرو ابدا ولا حد هيحيس بيهم وهيرضوا باى شى مقابل الفلوس واحنا مش من حقنا نلوم عليهم والنتيجه اننا مجبرين بين اتنين العشب اغلبه مش عايزه وبالمناسبه دى حابه اسال الناس اللى اكبر منى هنا ايه رايكم فى اللى بيقول نبطل صوتنا لانى مش عارفه لسه اعمل ايه فى الاعاده ؟


........................................


بالنسبه للحكم بتاع النهارده

اولا مبارك انا بقول الحمدلله انه اخد مؤيد لانى كنت اعتقد انه هياخد حكم مخفف بس الحمدلله محصلش ودا حكم عادل بالنسبه لمبارك والناس اللى بتطالب باعدامه ياااريت الناس تطالب بحاجه مفيده ليه بقااا لان اولا قانونيا مينفعش تنفيذ حكم الاعدام على شخص مريض ولا ينفذ الحكم الا بعد شفاءه وكلنا عارفين ان مبارك عنده سرطان ربنا يعفينا كلنا يعنى الله اعلم بيه وبحاله دا بالنسبه لمبارك

........................................

بالنسبه للعادلى ومساعديه طبعا حسبى الله ونعم الوكيل

لانه فى تناقض رهيييب فى كلام القاضى واحكامه اذا كان حكم على العادلى بالمؤيد عشان قتل المتظاهرين هو العادلى اعطى اوامر واللى نفذ رجالته دا المفروض يبقى مفروض رجالته كمان يتحكم عليهم مش يطلعو ومفروض الحكم يكون الاعدام مش المؤبد دا اول تناقض
التانى بقا ان القاضى بيقول ان الادله مش اثبت ان الشهدا ماتو برصاص ميرى ياااااسلام وجون وجون وجون امال حكمت على العادلى بناءا على ايه ؟
وبكره محامى العادلى هيطلعه براءه او هيخليه ياخد حكم مخفف بسبب الجمله دى فعلا الغبااء لا دين له
تسلمى يااميرو لعى طرح الموضوع بجد كنت مفقوعه واسفه على الكلام دا كله لانه كتير

ياميرو الحكاية كلها ابسط م كدا الحاجة الوحيدة اللى كل الدنيا بقيت شيفاها ان مصر ضاعت خلاااااااااااااااااااااااااااااااااااااااااااص
حسبى الله ونعم الوكيل ف اللى ضيع حق الشهدا وحسبى الله ونعم الوكيل فيك ياشفيق عاللى انت عملتة فينا والادلة اللى حرقتها ازاااااااااى بعد كل دا هنديلة صوتنا
البلد خربت ومستقبلنا ماضينا كان احسن منة

الحكم ده حدث مؤسف
بس بالنسبه لكلام ساسو بصى ياقمرايه الاصوات اللى اخدها شفيق موش من الطبقه اللى تحت خط الفقر ولا حاجه
الاصوات اللى اخدها شفيق هى اصوات الاقباط+اصوات افراد الجيش+ اصوات افراد
الشرطه+ اصوات انصار الحزب الواطى اقصد الحزب الوطنى+ اصوات اولاد مبارك
واحنا اسفين ياريس
وبكده اكتسح شفيق واحنا طبعا اصوتنا اتشتت بين صباحى وابو الفتوح ومرسى

عموما انا موش عاوزه اتكلم كتير لانى موش عاوزه افكر تفكير يسببلى احباط وخيبه امل
ياريت يكون عندكم تفاؤل
ايو خلوا عندكم امل
حتى بعد الحكم وبعد خروج جمال وعلاء حتى لو العادلى ومبارح خرجوا
حتى لو اللى مسك الحكم شفيق
خلوا عندكوا امل وتفاؤل وخليكوا واثقين ف عداله السماء
ع فكره لو شوفتوا منظر ابو الفتوح وصباحى مرسى وخالد على متوحدين
وشوفتوا الشباب ف الميدان يساريين ع ليبراليين ع اخوان ع سلفيين ع حركات واحزاب و و و كلهم ايد واحده
حتفرحوا اوى
لو عرفتوا ان البرادعى سايب كل اللى وراه وجاى مخصوص عشان يقف ف الميدان مع الثوار
حتتبسطوا اوى
الامل والتفاؤل حيجى لوحده والله
متقلقوش ياجماعه
والله البلد بخير
ع فكره جمال وعلاء ومبارك وباقى رموز النظام الفاسد حيهربوا زى الفيران ع برا
حيخاوا اصلا يقعدوا ف البلد عشان ميحصلهومش نفس اللى حصل للقذافى
حيبقى عندهم فوبيا من شباب مصر زى الرئيس القادم بالظبط حيخاف مننا وحيخاف
من ميدان التحرير وحيخاف من الاجيال الجايه لان اتزرع فيهم روح الحماس
والشجاعه
ولو شفيق مسك البلد برده متفقدوش الامل
انا ضد شفيق بصرف النظر عن انه شارك ف فساد البلد دى او لاء
بس انا ضده لانى اتمنى ان الرئيس القادم ميكونش ليه اى علاقه بالنظام السابق من قريب او من بعيد
يعنى عاوزين نغسل البلد ميبقاش فيها اثار عفن
بس حتى لو هو اللى مسك الحكم حيوفى بوعوده وحياخد حق الشهداء وحيقضى ع البطاله وحيرفع البلد فوق و و و و
ومتنسوش ان ربنا ذكر مصر ف القرأن
خير والله خير باذن الله وع رأى الموكوس المنحوس تامر حسنى ولسه اللى جاى احلى هههههههه
حتى لو مفيش حاجه حلوه اقنعوا نفسكم ان حياتنا احلى واننا احسن من غيرنا
واهم حاجه يكون جوانا رضا بحالنا
واسفه لو طولت عليكم
وتسلم ايدك ياميرو ع التوبيك اتمنى ردى يعجبك

.................................................................................................... شفيق..................................
..................................................................................................................................................
.................................................................................................................................................
....................................................................................................... الاخوان ..............................
..............................................................................................................................................
..............................................................................................................................................
.............................................................................................. المجلس العسكري....................


معلش يا جماعه النقط دي شتيمة , أصلي حبيت أطلع كل الشتيمة اللي جوايا عشان أعرف أبتدي الرد بتاعي علي نظافه

المهم

طبعا معنديش كلام اضيفة اكتر من اللي انتم قلتوه , يعني اعتقد اغلب اللي كنت عاوز اكتبه لقيت اخواتي كتبوه في الردود اللي قبلي

بس سمعت ان النهاردة فيه مليونيه في ميدان التحرير معرفش صح ولا غلط علي كل حال تجمع الناس في ميدان التحرير دلوقتي فرصة مش حتتكرر عشان ننظف البلد من شفيق وامثاله , اتمني المرادي لو قدرنا نعمل ثورة جديدة لازم يكون فيه شيئين مهمين 1- قائد للثورة يتحدث بلسان الثوار 2- مطالب يتفق عليها كل الثوار وكل المصريين

وفي نقطة لاحظتها ممكن تتفقوا او تختلفوا معايا فيها بس ,حابب اني اتكلم فيها
محمد البرادعي ايه دورة بالضبط
كل متحصل حاجة مش علي مزاجه ينقمص ويمشي ويقول انا مش لاعب ليه ديما بيهرب من المسؤليه
ليه ديما مبيحبش يظهر في الصورة يعني بيحب يحرك من تحت لتحت

لو كان قاد ثورة 25 يناير ووجها هو والثوار كنا زمنا وفرنا كتير ومكنش فيه ناس ماتت في شارع محمد محمود او في شارع وزارة الداخليه
والخ ... وكنا وفرنا سنة ونص قضاها الشعب المصري مخدوع

المرادي لو البرادعي مكنش ليه دور واضح اقدر اتهمه انه جبان , لان فيها لحظات لازم الانسان يحدد موقفه فيها ويساند شعبه في الخفاء وفي العلن , والحزب اللي البرادعي عمله( حزب الدستور )ايه فائدته ؟ ,, والجو السياسي اصلا كله فاسد واللعبه محسومة للاخوان او للفلول

اتمني يكون للبرادعي دور اكبر لسه قدمنا فرصة واتمني الشعب يحاول بس يحاول عشان بكرة يبقي احسن ان شاء الله
اسف علي الاطاله
وتسلم ايدك ومشكورة ميرو علي التوبيك

لا يافريسكتى الناس اللى انتى بتقولى عليهم هما هما نفس العدد بس باسماء مختلفه عشان نتوهم انهم كتير الناس بتوع اسفين ياريس هما ابناء مبارك هما المستفدين من النظام هما قرايب واهالى النظام كلهم واحد بس باسماء مختلفه وعددهم مهما كان اكيد مش هينحج شفيق + التزوير اللى حصل + الناس اللى انا قولت عليهم وبكده احنا كلنا هنلبس شفسق وربنا يستر

قصيده بهديها لشفيق

:.21
بلدنا .... مبقتش عارفه اقولها ازاى .
بلدنا .... نفسى اشوفها فى احسن حال.
بلدنا .... الصبر فيها علو جبال.
بلدنا .... يا صابره وتعبانه من الترحال.
يا مصر
تعبنا من قلة النصر اه انتصرنا فى 73 وراح فيكى ضحايا وشهدا بالملايين
بس انتكسنا لما جمال وعلاء والعادلى ومبارك والمعاونين اللى داسوا الشهدات وشفناهم بالعنين ياخدوا براءه يا لهوووووووى على دية نطاعه مفيش ادله كافيه تدينهم مفيش صياعه دى حكم عادل حكم محكمه ولا انتو شايفين القضاء شماعه لتكونوا شكين فى القضاء اه احنا شاكين فى القضاء على فكره الحكم على حد قتل يبقى القصاص دى ربنا اللى قال كده ولكم فى القصاص حياة تقوم يا قاضى المحكمه وتدى براءه يالهووووووى على دية نطاعه وزادت الطينه بله بالفلول وشفيق افندى اللى عامل نفسه غاندى قالوا مترشح للرياسه هوه ومرسى فى الاعاده الله يخرب بيتكوا هيه البلد ناقصه بلاده .....................

انا اللى بشكركم بجد اكيد نفسنا مصر تكون فى احسن حال وانا سعيده لانى اتعرفت عليكو