ذكرى خالد سعيد

فى الحقيقه ان مصر كل يوم بتخسر شاب من خيرة شبابها ودى الذكر ى الثانيه على وفاة شهيد امن الدوله خالد سعيد ومن قلبى بدعيله ربنا يرحمه وينتقم له من اللى قتلوه قولوا آمين يا رب

خالد سعيد
احتكر الوطن الشعر وهدانا زى اليوم ده اجمل هديه الشهيد خالد سعيد كان الضحيه خالد سعيد مات موته بشعه وقالوا عنه شمام وحشاش ومعندوش فيش وتشبيه وبايع القضيه لبسوه التهمه حتى وهوه ميت وامه تبكى وتقول دم ابنى قالت يارب وبعدها قام الشباب زى النهارده بثوره جامده فى الميدان نادوا بالعيش والحريه والعداله الاجتماعيه ومبارك لسه على عرشه وقال عليهم شوية بلطجيه على اجندات خارجيه وبيكلوا كنتاكى وبيسوقوا عربيه وبعدها فضت السجون والحكايه منتهيه والرئيس لسه مبلط يا جماعه ابنى مش هيترشح واناكمان هعينلكوا عمر سليمان يادى المصيبه الشباب فى الميدان هتفوا وقالو يسقط يسقط عمر سليمان وعمل الشعب حمايه فوريه عباره عن لجان شعبيه حمت البيوت والمساكن والشوارع والمآذن والكنايس والعيشه بقت ميه ميه وبعدها طلع بيان عاجل لرئيس الجمهوريه قاله عمر سليمان قرر الرئيس محمد حسنى مبارك بتخليه عن منصب رئيس الجمهوريه وكلف المجلس العسكرى بادارة شؤن البلاد والله الموفق والمستعان .تمت الثوره حلوة والفرحه ملت البوت وكان مصر انكتبت لها تعيش عهد حريه وديموقراطيه وكمان شويه لقينا فلوس بالمهلبيه فى سويسرا وفى كل الدول العربيه باسم المدام سوزان حرم رئيس الجمهوريه وبعدها طلع الرئيس المخلوع على قناة العربيه ممعيش فلوس ان ومراتى ومستعد ابين زمتى الماليه وبعدها قام الشباب بمليونية القصاص للشهدا وطلع بيان للنائب العام بالقبض على كلا من حسنى مبارك علاء مبارك جمال مبارك حبيب العادلى و6من معاونيه لكن الحبايب دول كسبو القضيه والبركه فى المستشار الحمار اللى حصر دم الشهدا بالقرار اللى خلى الشعب يثور ويطالب بتحيق تانى فى القضيه.

لله الامر من قبل ومن بعد وانا لله وانا اليه راجعون على روح كل الشهد

الله يرحمه ويرحم كل الشباب اللى دفعت بروحها تمن حريتنا ونحسبهم عند الله شهداء
وربنا ينتقم من كل ظالم ومفترى ويااااارب ورينا عدلك وحمكك العادل على كل قاتل وخاين

» ذكرى طه حسين
» لا تندم على حب عشته .. حتى لو صارت ذكرى تؤلمك ..
» كلام عمرو خالد عن الحج
» خالد سليم يحضر لألبومه الجديد
» شاهد وائل غنيم وهو يرقص مع خالد النبوي بعد تنحي مبارك