تعالي ياميرو ف ناس عاوزينك جوه

دمنهوري وافتخر كتب:

طيب انا حسئلك اسئله كتيرررررررر يا ميرواا

اتفضل اسأل زى ما تحب يا دمنهورى
اولا سياسه
من اولها كده يا أحمد
ماليش فيها كتير بس
اوك ربنا معانا

1- ايه رايك في الرئيس مرسي ؟
مرسى عاوز كرسى :D
من رأيئ هو لم يصلح للرئاسه بالرغم من كل الاصوات دى اللى اخدها
بس انا شايفه انه اخدها بسبب تهديدات الاخوان لو مش مسكوا الحكم هيولعوا البلد مره تانيه
وهو حتى الان اعماله بطيئه جدا الافراج عن الصحفيه
ديوان المظالم اللى عطلان ده
سفريات واتفاقات غير مجديه باى شئ حتى الان
ومن رأيئ انه مش بيصلح من حال مصر هو بيصلح من حال الاخوان وبيسعى لتكوين دوله اخوانيه
و هما شايفين نفسهم فوق الكل دلوقتى بعد ما هو مسك الرئاسه
2- ايه رأيك في الاخوان ؟
اولا : بكرههم
الاخوان سياسيا يمكن ان يكونوا اقوياء وفكرهم مرتب لدرجه انهم وصلوا للحكم
ولكن ان يكونوا من اهل السياسه رجال الدين فى أن واحد فهو خطئ قاتل فمن يعارضهم سيكون على غير دينهم
فاكرين نفسم ملايكه مش بيغلطوا لدرجه انهم بيحللوا الغلط لانفسم
ما شاء الله عليهم بيعملوا حزب وطنى جديد بس فرع للاخوان المسلمين فقط
بكرههـــــــــــــــــــــــــــــــــــــــــــــــــــــــــــــــــــم

مع احترامى طبعا بس ده رأيئ
3- ايه رايك في البرادعي ؟
جبان ..خواف ..بتاع مصلحته ..طول عمره برا و مش حاسس بالشعب المصرى ولما فكر يبقى مع الشعب ايام الثوره مش كمل هرب
4- هل انت تؤيدي ان المرأه تتولي منصب رئيس جمهورية مصر ؟
انا بأؤيد عمل المرأه وممكن تكون ناجحه كوزيره اومديره
لكن لهذا المنصب لا اؤيده لانه فيه اعمال شاقه كتيره وقرارت اكتر
والمرأه مهما كانت حازمه فاغلب الاحيان هتكون قرارتها متعلقه بالجانب الانسانى وغير حاسمه


5- طيب لو بقيتي رئيسه جمهورية مصر العربيه ,
هجاوب بقى بناءا على تخيلاتى
أ - اول قراراتك ؟
اول قرار هخاد كل الشباب اللى فى الشوارع دى و احطهم فى مكان يتعملوا ويتربوا لان ده بجد حاجه بقت كتيره وسورى مقرفه
وواخدين لقب رجاله كده وهما فهمش اى رجوله

توفير فرص عمل كتيره

وهعلن الحرب ع اسرائيل

ب - ازاي تحلي ازمة البطاله ؟
على قدر الامكان نخطط لفتح مشاريع
وتعينهم فى المصالح الحكوميه اللى فيها عجز و بقى كلها ناس عجوزه

وانا فى رابعه رحت مكان اعمل بحث للمعهد فى مصلحه حكوميه
كل اللى فيها فوق 50 حتى الساعى بسأل ليه
الاجابه كانت :لان الوزير كان مانع التعيين لمده 8 سنين طيب قولى ليه كنت هتجنن
لو كل مصلحه فيها كده يبقى الازمه مش هتتحل

ج - ازاي تحلي ازمة الفقر ؟
الاجور تكون متساويه ومش اغلى الاسعار وانا شعبى جعان
لازم يكون فيه توافق

د - من وجهه نظرك ايه هو سبب الازمة في مصر سواء ( ازمة اقتصادية \ ازمة اجتماعيه ) ؟
ازمه اقتصاديه وبعدها بيجى كل الازمات
مثلا هذه الايام ازمه الاقتصاديه بيدفع تمنها الناس اللى بشتغل باليوم حالتهم بقت اكتر سوءا

6 - في مصر فيه ازمة اخلااااق هل تـتـفـقي معي في ذلك ؟؟ , وكيف نحل هذه الازمة ؟

معااااااااااااااااااااااااااااااااك بقوه
للاسف ملهاش حل الا عن طريق الذات
كل واحد يصلح من نفسه ويربى اولاده كويس ويعاقبهم ع اى خطأ
مش هنلاقى ان فى ازمه اخلاق
ولا كنا هنوصل لقله الادب المنتشره من شباب وبنات
ولا كنا شفنا انتشار الظاهره اللى حصلت فى العيد
ومن رأيئ انعدام الاخلاق اول طريق لسقوط الدوله
وانتشار الخيانه وحاجات كتيره

تحياتي لكي وسوف اعود قريبا بأسئله جديده ,,,

12 - شئ تحبيه في البشر إن وجـد ؟

دمنهوري وافتخر كتب:

اتفق معاكي في كل اجاباتك


الحمد لله

طيب اسئله متنوعه
اوك تمام
تستطيعي ان تجيبي علي كل الاسئله او بعضها .
باذن الله نجاوب على كله
1- رقمك المفضل ؟
لا عادى كل الارقام عندى واحد مش فارقه
2 - لونك المفضل ؟
الاحمر
3 - اكتر مكان او شارع بتحبيه في مدينتك ؟
امممممم صراحه مش فيه لانى مش بحب اخرج والف فى البلد
4 - اكتر مدينه تحبيها في محافظتك غير مدينتك ؟
انا من دمنهور ولما بخرج بتكون فى محافظات تانيه مش داخل مدينتى
5 - بلد اجنبيه ترغبي في زيارتها ؟
فرنسا
6 - بلد عربي ترغبي في زياراتها ؟
الامارات
7 - ما هو اكثر شئ تكرهيه ؟
الكذب وان الاقى حد بيتكلم ع حد تانى باسلوب تريقه
8 - اكثر شئ تحبيه او تفضليه ؟
الوضوح
9 - الفاكهه المفضله ؟
موز ومانجه
10 - الخضار المفضل ؟
لا عادى مش بتفرق
11 - شئ تكرهيه في البشر ؟
كدبهم وحقدهم ومؤمراتهم على غيرهم و لما يقربوا من حد عشان مصلحتهم

12 - شئ تحبيه في البشر إن وجـد ؟
الصراحه والطيبه

امين العباسى كتب:

ازيك يا ميرو ونورتى المنتدى من تاااااااااااانى
احب اسالك كام سؤال كدا

منور بيك يا امين

*********
كيف تصفين شخصيتك؟
اممممممم
محدش بيوصف نفسه كويس بس هحاول
عصبيه
بحب الهدوء جدا ومش بحب الصوت العالى
الحمد لله بيقولوا انى طيبه
تقدر تقول هبقى شخصيه عمليه قريبا باذن الله ربنا يكرمنا بس
مش عارفه ايه تانى دول كفايه

ايه اكتر حاجه بتتمنيها ؟
فى الوقت ده نفسى اكون خالتو بجد
واشتغل بقى

أي فترة او اكتر حاجه او موقف ستبقى في الذاكرة؟
موقف عيد ميلادى فى المعهد فى سنه من السنين
كانوا عملنهولى مفجأه

مبدأك في الحياة؟

مش مبدأ هى حكمه
اصنع صديق لالف سنه ولا الف صديق فى السنه

لو حبيتى توجهى كلمه او نصيحه لحد فى المنتدى او للمنتدى عموما تحبى تقولى ايه؟

كلمه لكل الناس اللى موجوده وبتشارك واللى كانوا معانا قبل كده
يا ريت محدش يكون زعلان منى فى حاجه بجد لان مش بحب ازعل حد ولو حصل بيكون غصب عنى

ونصيحه ان المنتدى يكون عايش ديما ويكبر بكل الموجودين ومحدش يبعد عنه مهما انشغل
يدخل ويفتكر اصحابه وكل زكريات ايام الدراسه
ونطوره للاحسن يا رب فى كل سنه

ويااااااااااارب مكنش طولت عليكى
وشكرااااااااااا

نم نم كتب:

ميرو انا جيت وياريتنى ما جيت هههههههههههههههههههه
يااااااااااااه قد كده زعلان انك جيت ههههههه

1) ايه اخبارك مع المطبخ ؟؟ تعرفي تطبخي و لا لأ ؟؟ و لو تعرفي ايه اكتر اكله تعرفي تعمليها ؟؟
يعنى مش بحبه بس مضطره بقى ادخله
بعرف ايوه بس مش كل الحاجات
محشى ومكرونه وشوربه هههههههههه

2) من هو مطربك المفضل؟؟
بحب اسمع اى اغنيه حلوه
بس من القديم : عبد الحليم
والحديث : اليسا و شيرين

3) شخص مشهور تمنيتي أنك إنتي مكانه ؟؟
لا بجد مافيش حابه ان اكون بشخصيتى انا
بس ممكن تعجبنى فكر او رأى حد بس مكنش مكانه

4)ايه أفضل رياضة عندك ؟؟
السباحه ومش بعرف اعووووم هههههههههههههه
للاسف مش بمارس اى رياضه
بس بحب اوى اشوف لاعبات الباليه وهما بيلعبوا واقعد اقول لاخواتى ده انا على فكره بس مسجله هههههههههه

5) وماهو ناديكي المفضل ؟؟ بما ان البنات أصبحت مهتمه بالكوره
الاهلى

6) تحبي القراءة ؟؟
ايوه بحبها

7) هل تحافظي علي الصلاه في اوقاتها ( بصراحه ) ؟؟
بصراحه ايوه الحمد لله
بس صلاه الضهر بتأخر شويه معايا

8) ايه طموحك في الحياة ؟؟
نفسى ابقى دكتوره وفى معهدنا بتاع دمنهور

9) من هو قدوتكـ في الحياهـ ..؟؟
صعب ده بجد يا نمنم
بس بحاول اقدتى باللى وصانا بيه سيدنا محمد عليه الصلاه والسلام
وفى الصح والغلط وكل اللى امرنا بيه ونهانا عنه على قد ما اقدر
انما انى اقتدى باشخاص لا مش ليا قدوه لان فيش حد صح ديما
ولما يغلط بيبرر الغلط لنفسه فا انا مش بقتدى بحد


10) هل تتمنى يصبحو عيالك مثلك ؟؟
لا بس ده مش لانى وحشه
بس يكون لكل واحد شخصيته ممكن ياخد صفه منى او من باباه بس مش يكونوا زيي
و حباهم يبقوا احسن واربيهم كويس وناجين فى دراستهم باذن الله
و طبعا مش يكونوا شقيين كده زيي ههههههههههه

11) اذا تضايقتي او زعلتي من شيء ايه اكتر شيء بتعمليه و يخفف عنك شويه ؟؟

هههههههههههه ليه كده
بس ع العموم باخد نفس كبير وارتاح بعديه
و ارد ع اللى بيضايقنى بكلمه (ماشى . اوك)
على طول يتعرف انى مضايقه ولما اهدى ابقى اتناقش بقى

12) كم مره بتروحي محلات الملابس و الاكسسوارات ....الخ . في الشهر؟؟

بصراحه ممكن الاكسسوار ده مره او اتنين فى الشهر
واشترى حاجات والاغرب مش بلبسها كتير
اخر مره اشتريت يوم الاتنين اللى فات ههههههه

انما اللبس مش كل شهر يعنى ده كده بابا يموتنى
قول كده اربع مرات فى السنه مرتين عيد
ومرتين لبس شتوى وصيفى

13) كيف بتقضي وقتك كل يوم ؟؟
حاليا مطبخ وتنضيف البيت
ونت و خروج مش ديما

14) ايه اكتر اكله بتحبيها ؟؟ و بتعرفي تعمليها و لا لأ ؟؟
بحب الاكل المسلوق
و مكرونه بشاميل . واكيد بعرف اعملهم

15) قبل ما تخرجي بتقعدي تلبسي و تقفي امام المرايا كم ساعه ؟؟
هههههههههههههه
لا اجهز نفسى كده واخلص فى نص ساعه بالكتير
مش بتأخر

(16بتستعملي التليفون كم ساعه في اليوم ؟؟
فى الطبيعى اتصل اتطمن ع اختى
ولو كلمت حد من صحباتى بس

17) تحبي تشتغلي لما تتخرجي و لا لأ ؟؟ و ايه المهنه التحبيها ؟؟
اكيد باذن الله
فى مجالنا طبعا

18) ايه أكثر صفة تتمنيها في زوجك ( بصراحة ) ؟؟
يكون هادى وصريح معايا ومش رغاى
وبكون قصير ههههههههه

19)ايه اكتر صفه لازم ما تكون موجوده في زوجك ( بصراحه بعد ) ؟؟
الكذب
و انه يتريق على حاجه ممكن اعملها بدايق جدا من الحركه دى اما الاقى حد يعملها
لانه مش بيقدر اى تعب اتعمل وفى الاخر فيش اى كلمه شكر

يتعمد مضايقتى او يقصد زعلى