تذكرتي رايح جاي

طعم البعاد صبار .. والغربة ليل بهتان
ياقلبى ياموجوع .. إياك تكون قلقان

لو طالت المسافات .. انا والأمل اخوات
وتالتنا كان الليل .. دة انا ليا فيها النيل

وليها فيا الروح .. ما اخترتش إنى اروح
ما انا جوعى كان كفران .. ملعون ابوك ياطموح

أخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل

لكـنى مش بتشاف .. زهرة سنينى عجــاف
مع إنى ليا عزيز .. إفتونى فى رؤياى

لمـوا الأمانى إزاى .. حطوها على الباسبور
احلامى صبحت بور .. ممنوع عليها الضى

لكنى مش قلقان .. تذكرتى رايح جى
البعد عنك خوف .. وأنا عالرجوع ملهوف

لكن هعود ازاى .. ومكانى كله ضيوف
ياقلبى ياموجوع .. يا آهه حاضنة دموع

حب البلد بيعيش .. لما يموت الجوع
ياحضن بيساعنى .. واحتجت له وباعنى

ساعة ما مد إيديه .. شاور وودعنى
لكـنى مش قلقـان .. تذكـرتى رايح جـى

كلمات رائعة
تسلم احمد

شكرا على مرورك ياشيمو

كلماتك وجعتني

لكنها كلمات جميله

تحياتي لك استاذ \احمد

شكرا على مرورك اخ دمنهورى وبلاش استاذ دى احنا اصدقاء

االله يااااحمد على زوقك العااااالى السونج دى من اكتر الاغانيات اللى بسمعها فى البوم والبوم بجد تحفه وصوت حمزه نمره جمييييييييييييييل جدا بجد تسلم لاختيارك

شكرا على مرورك اسوو .... حمزه فعلا صوته رائع وكلماته معبره

يا زين ما اخترت يا احمد


بجد اغنية روعه