شد حيلك
البفاء لله يا صحبى و شد حيلك
كله فانى
و بقول لو عوزت حاجه انت عارف فين مكانى
و احنا اهل مفيش كسوف
حد طامن الظروف
و انت عارف عينى ليك
و احنا عشره و عيب عليك
انت خيرك برضه سابق
و اللى بينا مش شويا
و اللى راح كان زى اخويا
كان جدع و يخاف عليا
و كنت احس ايه مضيقه و هو جاى من بعيد
كان فهمنى زى و اكتر كنت انا صحبه الوحيد
من ايام ما كنا صغيرين
اتناقشنا ف كل حاجه
كوره فن سياسة دين
له معايا 100 حكايه ذكريات ملو السنين
ربنا يجمع ما بينا ف حته احسن قول امين
هو مين بيعذى مين
ولا اعزى ازاى ف دمى
ع العموم ما تشلش همى
خلي بالك بس منك
مش بقول انسه
لكنك عارف ان الدنيا ماشيه و بكره نبقا كويسين
و ابقا زوره كل جمعه و اقرى عديت ياسين
و انت عارف لو كان ينفع كنت اجيلك
البقاء لله يا صاحبى و شد حيلك
................................
اللى فات ..... نص تلغرفا وصلنى من ساعات
كان عزا نصى اللى عايش ليا فى النص اللى مات
موضوع: شد حيلك 
الجمعة 23 نوفمبر - 0:30
![•-«[ طالب جديد ]»-•](https://i.servimg.com/u/f21/13/91/23/82/14373610.gif "•-«[ طالب جديد ]»-•")
