انا سطرين بتقراهم كدا على الصبح

أنا ستيكر ملزوق عليه "مين المقصود

أنا عين بتشوف، أنا لسان بيقول

أنا ميكرفون يعلى بيه صوتك

أنا سماعة تلغي بيها سكوتك

أنا فكرتي عايشة و إسمي اتنسى

أنا ضربة و جلدة و جسمي اتهرى

أنا وش بيضحك غلاف كتاب

أنا لسة كاتب لبكرة جواب

أنا وسط البلد أنا قلبي اتولد

أنا قلة عدد على كوبري الأسد

أنا خفة دم باسم يوسف

أنا صورة جدي على فلوسي

أنا السلمية بمفرداتها

والحرية بمنشوراتها

مش محتاجني عشان تعبر

أنا اللي اتقال بس إنت أكتر

انا سطرين بتقراهم كدا على الصبح

يسيبوا جوا منك شئ

بقابلك ع الحيطان صدفه

ف كل مكان و اي طريق

انا الصوت اللي قال تغير

انا رأيك انا فكرك انا التعبير

انا روح راحت علشانك

انا صوت واصل لمكانك

انا عين بتشوف الظلم و ساكته بقالها كتير

حواليك دايما تلمحني

مش شرط انك تعرفني

انا ايد بتساعدك توصل .. علشان احلامك تكمل

انا سكه هاتخدك ناحية نور و محبه و خير

أنا اللي ماكنش ليا وجود و ظهرت

أنا علم بلدي في ايدين صحاب الأرض

أنا صوت عود مش مبسوط

أنا بيت شعر مش موجود

أنا مزيكة سكوت

أنا صندوق "نعم" و "لا" للتعديلات

أنا دمعة كل أم ابنها مات

أنا صوت تشجيع خارج من الإستاد

أنا بوستر مترشح للانتخابات

"أنا تصريح على "كلنا خالد سعيد

"أنا المظاهرة اللي قالت "الشعب يريد

أنا مانشت إتكتب بالبنط العريض

خرطوش، رصاص مش هيفيد

أنا "أسفلت " على تيشيرت إنت لابسه

أنا كلام إنت كاتبه، قول اللي حاسه

"أنا يافطة عليها "الشعب اختارك

"أنا محطة "الشهدا" بدل "مبارك

اللــــــــــــــــــــه ينور

انت جبت م الآخر

قشطه عليك يا برنس والله بجد جامد

الله ينور يا جوبا

يا جامد يا جوبا الله ينور

ايه الكلام الجامد دا ي جوبا

عندك فعلا ف كل كلمة

تســــلم ايـــدك

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك يا احمد كلام جميل اوي

منور كلكم يا جماعه

بص مادام باسم يوسف دخل فى الموضوع يبقى توبيك وحش وكلمات اوحش يلا بقااا

باسم دا عملك خرم ف دماغك

زى احمد سبيدر

ههههههههههههههههه

بص ياجوبا انا قولتلك اللى فيها يارب تكون فاكر

» ضرورى يا جماعة لو سمحت امتحانى الصبح
» لو رحت شغل الصبح ولقيت دعوه فرح ولمين (( حبيبك اللى بتحبه )) حتعمل ايه وهل حتحضر الفرح ولا لا