جكايتنى انا

كل ما أبدأ سنه دراسيه
تبقى عَزيمتي مِيَّه المِيَّه
تبقى إرادتي إراده حديد
لكن تِقلب معايه ب مَيَّه
****************
اقول لنفسي كفايه فَكسَنَه
وهَشِد حيلي لأخر السنه
وابص لحالي كده ف الأخر
وكأني كلمت غيري أنا
*****************
في الاول تبقى معايه وردي
ولافيش محاضره مني تعدي
اول بأول اخلص وانجز
وشويه شويه أبدأ اهدي
******************
أعدي محاضره اتنين تلاته
ويبدأ فيا داء التباته
ويبقى زي الهم عندي
واحس المنهج فيه غتاته
******************
واجي يا سيدي ليله الامتحان
قدام الورق زي الغلبان
وأقول يا رتني ويارتني
وملحقش أخلص ولا انام كمان
*******************
واروح الصبح حضور جسدي
مفيش حيويه تقولش جدي!!
ورجلي تقيله مش شيلاني
وهاين عليا اروح وامشي
********************
لحظه الامتحان جه وقتها
وأحل اسأله وأسيب نصها
او اكمل وألِف حبتين
وأسلم الورقه قبل وقتها
******************
ويجي يوم نتيجتي التمام
ناجح طبعا يا سلام
لكن يا كبدي معايا مجموع
ميدخلنيش حتى الحَمَام

ههههههههههههههههه

جميل اوي

ههههههههههههههههههههههههههههههه

دى حكايه شعب مش انت بس تحفه ياجوبا بس خلاص احنا اتعودنا على كده ودا مش ذنب دا ذنب مؤسسه التعليم اللى فاشله اللى خلت همنا كله حفظ حفظ وذنب اهالينا اللى اختصره كليات القمه فى طب وهندسه ونسو الباقى من غير حتى مايشوفوا احنا ميولنا ايه بقت كل سنه بتعدى وانسى انا اخدت ايه انا مش بذاكر اللى لليله الامتحان وارح تانى يوم واملى الورقه والسلامو عليكو ولوحد سالنى سال تانى يوم انسى اصلا انا كنت بمتحن فى ايه
دا حالنا كلنا مش انت ولا انا
تسلم جوبا