أحمد فؤاد نجم
ــــــــــــــــــــ
يا أجهل شعوب الأرض .. اخترت ليه طرطور
أرجوز فى ايد مرشده .. شايل لقب دكتور
من يوم ما مسك الحكم .. مقطوعه ميه ونور
قالو فى ايده الخير .. ولو منه برده يغور
أرجوز بلدنا اتكشف .. وعرفنا ايه مخبيه
ممنوع عليه الكلام .. أصل الكلام مش ليه
والكلمة كلمة جماعه .. ومرشده ممليه
ومهما قال الغلط .. وراه جماعه تحميه
يا أغرب شعوب الارض .. منكم خلاص مليت
بعتو التاريخ والارض .. عشان أزازة زيت
يا بيعين العرض .. بكره تبيعو البيت
بكره الغريب يتحكم .. وهتبقو خدم البيت
كنت كبير يا وطن .. لكن خلاص وطيت
دخلت نعشك يا وطن .. وبكفنك اتغطيت..