الشربة العجيبة (البلي بم بم)

ويعالجوك الناس بالصبر

مع انك عيان بالصبر

قومك صبر

ونومك صبر

لحد القبر

ياحول الله

لبلى بم بم
والبلى باه
قال لك ايه
قال لك اه
شربه عجيبه
من تركيبه
بلدي
يا بلد البلي بلي باه
قال لك ايه
قال لك اه

شوف يا موطن
شوف يا امير
واسبق شوفك بالتفكير
ناس بيقولوا السر ف بير
ادى البير
وادى غطاه
والبلى بم بم
والبلى باه
قال لك ايه
قال لك اه

قال لك
اكل الفول بيقوت
قال بيقوت
قال لك
حشو المعده يموت
قال لك
صهين
قال لك فوت
كل دا كدب
الناس كا شفاه
زى ما كشفوا
البلى بلى باه
قال لك ايه
قال لك اه

أي مواطن يا ولداه
زاده الفول
لازم تلقاه
عندهالبنكرياس
بطال
والامساق
فوق الاسهال
عنده الرهقة
عنده الدوخة
عنده انيميا
عنده عيال
قال لك
ثم الجهل مصيبه
مولف ويا العيا
تركيبه
تشرب منها
تعطش تانى
تشرب
تعطش
تشرب تاني
تعطش تشرب
خمسه ف سته
ميه نار
لو طالت جته
لازم تلحس
اثمن حته
يعني المخ يا خلق الله
ادي البير
وادي غطاه
والبلي بم بم
والبلي باه
قال لك ايه
قال لك اه

قال لك تصبر ع المكتوب
زي ما صبر النبي ايوب
يعني
تسلم للميكروب
يا خد رزقه
بفضل الله
يفضل ينحل وبرك لما
تتفر فط من وسط اللمه
خايخ نخب السوس في عضاك
خلا قوايمك
ما هي شايلاك
ويعالجوك الناس بالصبر
مع انك عيان بالصبر
قومك صبر
ونومك صبر
لحد القبر ياحول الله
وحياتك من الدار للنار
تتولف عند العطار
يسقيك الحكمه ف اشعار
ويركب م الصبر دواه
وتقربع
والداء عمال
ف عضام الابعد نحال
وتخلف للبؤس عيال
وبهيه صيبه يا ولداه
ادي البير
وادي غطاه
والبلى بم بم
والبلي باه
قال لك ايه
قال لك اه

بعد الكشف بميكرسكوب
شفنا التوب
وما تحت التوب
تشكيله امراض عشناها
واليكم فى الاتي
دواها
وصفه عجيبه من تركيبه
بلدى
يا بلدى البلى بلي باه
قال لك ايه
قال لك اه

وجع الراس ح نعالجه بايه
قال لك تدى الناس القوت
قال لك طب والجهل يا بيه
قال لك سيب الكلمه تفوت
طب والكلمه تفوت ازاي
قال لك لما الضلمه تموت
طب والضلمه تموت ازاي
قال لك لازم بالبنوت
والنبوت حنجيبه منين
قال لك لما نهز التوت
قال لك قدر خفنا نهز
قالك
نشرب صبغة يوت
ح تطهر ايوب من صبره
وتفجر كيد المكبوت
وتفوق يونس من نومته
ويفلفص
من بطن الحوت
ادي البير
وادي غطاة
وادي وجعنا
وادي دواه
والبلي بم بم
والبلي باه
قال لك ايه
قال لك اه

امممممم

انا مش فهمت بس اللى اعرفه انها قصيده للامراض هههههههههههههه او تجيب المرض ههههههههههه

تسلم ياجوبا

مهو هو دا العادى بتاعك اصلا

طب ما فهمتيش حاجه من الفيديو

ههههههههههههههه
ايه دا هو فى فيديو مش ظاهر عندى

هى هربنه من ع طول كده

دورى عليها كويس بس

يمكن النت عند بعافيه شويه

يا شيخه دا الفيديو متكرر مرتين

ادخلى هنا يا ساسو يا ختى

[ندعوك للتسجيل في المنتدى أو التعريف بنفسك لمعاينة هذا الرابط]

لالالالا جااااااااااامد ياجوبا كده فهمت الكلام الله ينور ع الاختيار الحلو دا
بس معلش ليا تعليق هى الامساق كده برضوا ولا بالكاف انت ايه حكايتك مع الكاف يامتعلم يابتاع المدارس ههههههههههههههههههه
تسلم الايادى

ههههههههههه

يا ابا علمنى الخيابه

قاله تعالى ف الهايفه و اتصدر

حسبى الله و نعم و الوكيل