تذكير بمساهمة فاتح الموضوع :
انا الواد اللى متحبش ..
فـ كل الدفعه من يومه
انا الواد اللى عاش سينجل ..
بيغسل قلبه بالأومو
ومهتمش بـ ولا واحده ..
وعاش الدنيا بهمومه
مبيفضفضش غير للذات ..
بعيد عن اى اى بنات ..
أصل البنات زى الحياه ..
لا يتحبّوا ولا يدوموا
موبايالى ان حتى رن فـ يوم
يكون صاحب من اصحابى
يقولى انزل متتأخرش ..
لا بسهر حاضن الصوره
ولا سهتان ومبفكرش
ولا حتى عشان واحده
بروح الجامعه من بدرى
انا كاره محاضراتى
ومن يومى وانا مبحضرش
ولو رنتلى على بالليل
لا هتلاقى فـ يوم waiting
لساعه ونص أو ساعتين
ولا عمرى هقولك "bye"
عشان عندى معاد بعدين ..
ولا انت يا حلوّ هترخم
عليا وقت ما أتكلم
وتيجى تقول يسهّلو
وماشيه يا عم
وأرد عليك وأقول خفه
ظريف لأمك خفيف الدم ..
انا الواد اللى مش هيحب يوم أبدا
ولا يهتم !
انا الواد اللى متحبش ..
فـ كل الدفعه من يومه
انا الواد اللى عاش سينجل ..
بيغسل قلبه بالأومو
ومهتمش بـ ولا واحده ..
وعاش الدنيا بهمومه