عدد المساهمات : 1019تاريخ الميلاد : 07/06/1994تاريخ التسجيل : 05/10/2012العمر : 29الجنسية :
موضوع: مُــتَــفَــائِــلْ الأربعاء 24 أبريل - 15:25
قلت لصاحبي " أنا متفائل " قاللي الأسعار غالية يا صاحبي والعيشة مهياش بالساهل قلتله لأ بس أنا متفائل قاللي الأخضر عمال يطلع والمصري الغرقان في النازل قلتله صدقني أنا متفائل قاللي يا عم ازاي تتفائل بص بعينك خليك عاقل قلتله منا شايف نور داخل قال وريني منين هيجينا يمكن أكون زيك متفائل قلتله بص هناك ع الناصية تلقى شباب بيقول ويناضل تلقى شباب مؤمن برسالة وبأخلاقه لمصرنا عامل دول صناع الخير والبسمة للي ف وسط الهوجة اتاكل دول صناع لحياة أولادنا بإديهم راح نبقى أوائل يلا نمد إدينا نساعد نبني معاهم ولا نناول ركز صاحبي وقاللي تصدق أنا دلوقتي بقيت متفائل