في ناس بتغيب وتوحشنا
وعنها الوقت بيحوشنا
واحنا مع بعض ياما عيشنا
...
بعاد بس فاكرينهم
بنسأل في الخيال عنهم
محفوره فينا ملامحهم
...
بس صعب نحكي ليهم
صعب دلوقتي نلاقيهم
ايوه صعب نشوف عنيهم
حتي لو اشتقنا ليهم
...
ملهاش حلول ولو وسط
حظر وعليك اتفرض
ده مفيش بشر من غير قيود اتولد
...
غمض عنيك واحلم تقابلهم في حلمك
هات ورقه واكتب فيها رسايلك
متكتبش بايديك سيب الفرصه دي لقلبك
...
يمكن رسايلك دي تطير ويا الهوا
يمكن كمان هيجي يوم تبقوا سوا
ويمكن تلاقوا لتعب السنين الدوا