انا اسف ياريس .... تانى

انا اسف ياريس

عارف انك حد كويس

بس كلامى مريض بالخوف

تعرف انك مش من دينى ؟

وان تراب الارض فى بلدى

ودموع اصحابى فى تأبينى

دين فى رقبتك يوم الدين

وانا اسمى لكل الناس معروف

على اسمك بس انت بتنسى

او مش حاسس ولا بتشوف

نفسى اشوفك جنبى فى تاكسى

او عربية مترو الزحمه

بس جماعتك قالت انى

كافر معرفش الرحمه

صوتى مبيعرفش يهلل

ولا بعرف اكدب على امى

ولا بعرف اكتب سطرين

غير بدموع اخواتى ودمى

بلدى هتبقى وانت هترحل

بس ياريت جماعتك تقبل

تعرف انك مش من دينى

انا ملحد فى شهادة حزبك

رغم ان انا اسمى على اسمك

ازاى ابقى محمد وانت المسلم وانا صهيونى

ازاى ابقى بصلى وراك ويمدو اديهم يحوشونى

انا اسف وانا لسه بشوف

كان لازم اديكوا عيونى

انتوا الرايه وانتوا الارض

وانتوا الزرعه المليانه شوك

عارف انك تقدر تبطش

ولا يقدروا ابدا يحوشوك

ارفع سوطك عالكفار

واحرقهم بالجاز والنار

لما هتفتح مصر بسيفك

مش هتلاقى غير احرار

اسف انى وقلمى بنكتب

مبنعرفش ابدا نكدب

فاتح صدرى لاى رصاص

انا رايح وانا كلى حماس

ماهو جنة ربى بتندهلى

لو ميت بادين قناص

نفسى اشوفك جنبى فى تاكسى

او عربية مترو الزحمه

ليس كل ما يتمناه الشخص يدركه

جميل يا جوبا ** ربنا يعدلها ان شاء الله

جميلة جداً جداً يا جوبا وفعلاً كلام معبّر عن حالنا

الله ينور عليك

تسلم ايدك يا باشا

» كل سنة وانت طيب ياريس
» لف .......... وارجع تانى !
» عيد ميلادك تانى ^_*
» نلعب تانى
» ورجعنا تانى