لو دامت ف إيد غيرك….
مكنتش وصلتلك….
حصلت ل ميت واحد….
زى أما حصلتلك….
علشان كده بزعل….
لاكن مبتأزمش….
وساعات كتير بفرح….
لاكن ما بَتعَشّمش….
ف حاجات ما بتدوّمش….
الدنيا سوق كانتو…
... مفيهوش حاجات زيرو…
وزبونه أنا وانتوا….
علشان مفيش غيره….
وانتا زبون عادي….
ف مفيش حاجات مخصوص…..
و مفيش قميص واحد….
فى الدنيا مش ملبوس….
ميت مرة من قبلك….
كل اللى هيقابلك…..
كان ماضى و إتسابلك…..
حتى الصحاب و الصيت…..
حتى الكلام الحلو…..
كله كده يا عبيط……
ماشى بنفس السلو…..
نظرتها ليك حتى …..
ساعة ما بصتلك……
لو دامت لعين غيرك…..
مكنتش وصلتلك…..
موضوع: مكنتش وصلتلك 
الإثنين 10 يونيو - 1:49
طب دى حاجه حلوه ولا وحشه يعنى 
