وآخر الليل ..
أنا وموبايلك المقفول ..
وقلقى وحيرتى وجنانى
وضعفى وشوقى وحنانى ..
وضيقتى وخنقتى وخوفى ..
وشكى تكونى زعلانه ..
وجع ضهرى وآه يانا ..
وأقول نايمه وليه نامت ..
وأقول صاحيه وهستنى ..
موبايلى يرن 100 رنه ..
بأرقام ناس مهيش انتى ..
فازهق واطلع الصاله وآخد لفه مع نفسى ..
وارجع اوضتى مضايق ..
الاقى موبايلى بينادى حبيبتك جت فارد وأقول وحشتينى ..
تردى تقولى وانت كمان ..
وصوتى فـ صوتك الفيروزى فجأه يدوب ..
ويبقى الجو كله قلوب ..
وانسى انا كنت زعلان ليه ..
ومين قال بس انا زعلان !