جربّت تقلّب فـ الـ Call Log
وتشوف كام نمره اتصلت بيك
أو حتى تشوف جوى الـ In box
رساله فيها سؤال عليك ..
كل الأرقام اتصلت بيك ..
علشان خدمات
كل اللى اتكلم كان عشمان
مع انه مكنش بيطمّن ..
وقت الأزمات ..
أو وقت ما بتكون تعبان
... الدنيا دى أغرب من لحظه
هربانه لساعة حيط واقفه
والعقرب لو حتى اتحرك ..
فالثانيه بتفضل فيه خايفه
والناس إزاى هتشوف بالعين
لو كل قلوبهم مش شايفه
وعشان انا أصلا ..
اتعودت فـ نفسى أشك ..
شكيت فـ الناس ومحبتهم
وملانى الخوف ..
ودخلت أقلّب فالـ phone book
وعملت لكل الأرقام ..
من عندى " Remove "