سيب و انا أسيب ..

ليه بنلعب دايما
سيب و انا أسيب ..
وتغيبى و أغيب
مهو يا انتى غريبه
يا أنا اللى غريب ..
يا إحنا الإتنين مجانين بغباء
نبعد نشتاق ..
ونقرب جدا نكره بعض ..
نلجأ للبعد ..
نبعد نشتاق
ونقرب جدا من تانى
وتعانى و أعيش جنبك أعانى
تفضل تتكرر حكايتنا
ونعيد ونزيد ..
لا انا عارف أقرب ولا عمرك
بتكونى بعيد
أول ما بنرجع بحلفلك
إن انا مش سايب لو سبتى
و إنى هكون جنبك يا حبيبتى
وهكون مخلصلك لو غبتى ..
و إن كُنتى لغيرى انا هبقى وحيد
أول ما بنرجع تقوليلى ..
انك غلطانه فـ حسابتك
و انا جزء مؤكد فـ حياتك
و حبيبك و أبوكى وذاتك
و الحُضن اللى بيملاه التنهيد
وشويه شويه بنتغير
وبننسى كلامنا و نتفارق
و نقول معلش قدر ونصيب !
وبنرجع نلعب
سيب و انا أسيب ..