الامير •«[ طالب مالوش حل ]»•
عدد المساهمات : 8112 تاريخ الميلاد : 20/05/1990 تاريخ التسجيل : 25/01/2010 العمر : 33 الجنسية :
| موضوع: تيجى نكمل بقيت المقابلة بتاعت مودى وسارة عسلية وربنا جاااااااامدة كيك الأحد 23 مايو - 0:29 | |
| سارة (بدهشة شديدة) : إيه ده !! .. الاسم الأخير اللي انت نطقته ده قوله تاني كده. مودى : قصدك الواد الزنكلوني ؟؟ سارة (بغضب) : زنكلوني إيه وزفت إيه .. حد جاب سيرة الهباب ده ؟؟ .. أنا قصدي على آخر واحد نطقت اسمه. مودى : آآآآآآآآآآه .. قصدك على الواد (احمد ) .. هو انتي تعرفيه بلا قافية يعني ؟؟ سارة : أنا مش متأكدة إذا كان هو نفس الشخص ولا لأ .. طب ممكن توصفه لي كده.
مودى: ده الواد (احمد ).ده يبقى أرخم صبي من صبياني .. بيقعد يرخم على الصبيان اللي عندي لحد ما يطلع عينهم ويقرفهم في عيشتهم. سارة : يا سبحان الله .. ده كأنك بتوصفه .. طب هو بيشتغل عندك إيه بالضبط ؟؟ مودى: ده شغلته بينظف تحت المواشي ولا مؤاخذة يعني. سارةا: يا نهاااااااار .. هو معقولة يكون الحال انحدر بيه للمستوى ده .. طب هو مؤهله إيه بالضبط ؟؟ مودى : مؤهله ده إيه !! .. ده مش بيفك الخط أصلا. سارة: الحمد لله يبقى مش هو .. أصل التاني بيفك الخط .. ما أنا قلت برضه مش معقولة تكون وصلت للنظافة تحت المواشي.
طلع تشابه فى الاسماء هههههههههههههههه في تلك اللحظة يقتحم غرفة الصالون ادمن معلنا اعتراضه. احمد: بصفتي صاحب المنتدى المنتدى .. فأنا معترض على بعض الألفاظ والأسماء اللي ممكن تسيء لأي عضو من أعضاء شبكه منتديات اكس مزيكا سارة (باندهاش) : إيه ده يا احمد ؟؟ .. القصة دي مش بتاعتك أصلا دي قصتي أنا .. إنت إيه اللي حشرك في القصة دي كده من غير استئذان ؟؟ احمد: إنتي يعني مش شايفة الكلمات الاستفزازية اللي موجودة في القصة ؟؟ سارة: بصراحة أنا لحد دلوقتي مش شايفة أي حاجة خالص .. ياريت توضح بالضبط كده ومن غير لف ودوران إيه الكلمة اللي مضايقاك تحديدا ؟؟ مودى : هو مين اللي داخل علينا ده (يبرطع) كده ولا مؤاخذة يعني ؟؟ احمد (بغضب) : (يبرطع) إيه يا بتاع المواشي انت .. مش تخللي بالك من ألفاظك ؟؟
مودى: أعملك إيه بس .. ما هو انت اللي داخل (تنطح) فينا ولا مؤاخذة يعني. احمد (وقد استبد به الغضب) : أنا لولا سارة كنت مسحت بيك الأرض يا بتاع البهايم انت. سارة (تهمس لأحمد ) : والله يا ريت تعملها يا احمد.. أنا نفسي أخلص منه ومش عارفة. احمد : بس ده شكلة باين عليه شراني قوي. سارة (هامسة لأحمد) : ما تخافش .. أنا حمهد الجو وأكنك واحد من المعلمين الكبار عشان يخاف منك. احمد: خلاص ابتدي انتي وأنا معاكي. سارة(لمودى وهي تشير الى احمد) : أنا كنت عايزة أعرفك بأكبر معلم بتاع خردة في مصر .. المعلم البـنـتـئـور. احمد (سارة بغيظ) : يعني ما لقتيش لي اسم تاني غير الاسم ده ؟؟ مودى : ما هو مش معقولة يعني أقوله المعلم احمد.. ما تمشيش أبدا. احمد: ماشي يا سارة.. حمشيها بس عشان خاطرك.
مودى : بس أنا أول مرة أسمع عن معلم خردة اسمه البـنـتـئـور !! احمد (لمودى) : الظاهر إن سمعك تقيل شوية .. يللا طرقنا من هنا بالزوق كده أحسن.
مودى : وانت تطلع مين انت عشان تكلم المعلم مودى على سن ورمح بالشكل ده ؟؟ سارة (ل !! احمد بصوت عالي) : إذا ما كانش حيخرج بالزوق .. عرفه مقامه ياض يا بنتئور. !! احمد ( سارة) : إيه حكاية (ياض) دي ؟؟ .. احنا ما اتفقناش على كده ؟؟ سارة : أنا بقول كده بس عشان نسبك الموضوع عليه.
!! احمد: لأ معلهش أنا آسف .. كله إلا كلمة (ياض) .. مش كفاية قبلت البنتئور .. الناس تقول إيه ؟؟ سارة: ناس مين اللي تقول .. هو مودى سخصية ده ناس ؟؟
!! احمد: وانتي نسيتي الناس اللي بتقرا القصة ؟؟ سارة(بزهق) : أنا مش عارفة انت مكبر الموضوع قوي كده ليه .. ده انت أصلاً داخل القصة دي مجرد عامل مساعد ..وكمان عمال تتأمر احمد ربنا اني خليت ك معايا.
!! احمد: والله لو الموضوع مش عاجبك ممكن أمشي وأسيبك مع
بتاع المواشي ده لوحدك. سارة : خلاص خلاص .. الأمر لله. مودى: انتم مالكم سايبني وعمالين تتودودوا مع بعضيكم كده ؟؟ .. انتم بتقولوا إيه بلا قافية يعني ؟؟ سارة (بصوت عالي) : ده مش عايز يمشي لحد دلوقتي .. عرفه مقامه يا دكتور بنتئور. مودى: هع هع هع هع .. حلوة قوي حكاية الدكتوووور بنتئوووور دي .. اسم مزيكاتي خالص. فينطلق احمد نحو سطوحي مكشرا عن أنيابه .. فترتعد فرائص سطوحي سخصية ويخر راكعا أمام احمد متوسلا. مودى (متوسلا لأحمد ) : أنا فعرضك يا معلم بنتئور .. إرحمني يا معلم بنتئور. احمد: قدامك 3 ثواني وتوريني عرض قفاك وتغور من هنا. فينطلق مودى نحو الخارج وهو يصرخ : الرحمة يا معلم بنتئور .. السماح يا معلم بنتئور.
ويبدو أن احمد قد تقمص دور المعلم .. فتوجه إلى سارةبعد أن قام بطرد مودى سخصية قائلا: احمد (وهو ينفض يديه) : كله ألســطة يا معلمة سارة سارة (باشمئزاز) : إيه معلمة وألسطة دي !!! .. بلدي قوي .. أنا ماشية بقى دانتا شكلك هيست والجي بتاعتك ضربت ع الآخر .. بااااااااااي
-------------
واشوفكم مع عريس جديد
ولا مؤاخذة يعنى
هههههههههههههههههههههههههههههههههه عسلية بيدحرج المسا
عسلية ابن البحراوية وجاى من المحمودية واللى عاةو يضحك يقولى ومن عنيا تحياتى محمد الكلاف
عدل سابقا من قبل عسلية في الإثنين 24 مايو - 22:26 عدل 2 مرات | |
|
mody •«[ طالب مالوش حل ]»•
عدد المساهمات : 5551 تاريخ الميلاد : 10/02/1991 تاريخ التسجيل : 14/01/2010 العمر : 33 الجنسية :
| موضوع: رد: تيجى نكمل بقيت المقابلة بتاعت مودى وسارة عسلية وربنا جاااااااامدة كيك الأحد 23 مايو - 0:46 | |
| :9: :9: :9: :9: :9: :9: :9: :9: :9: :9: | |
|
الامير •«[ طالب مالوش حل ]»•
عدد المساهمات : 8112 تاريخ الميلاد : 20/05/1990 تاريخ التسجيل : 25/01/2010 العمر : 33 الجنسية :
| موضوع: رد: تيجى نكمل بقيت المقابلة بتاعت مودى وسارة عسلية وربنا جاااااااامدة كيك الأحد 23 مايو - 1:09 | |
| ههههههههههههههههههه نورتنى ياباشا | |
|
الامير •«[ طالب مالوش حل ]»•
عدد المساهمات : 8112 تاريخ الميلاد : 20/05/1990 تاريخ التسجيل : 25/01/2010 العمر : 33 الجنسية :
| موضوع: رد: تيجى نكمل بقيت المقابلة بتاعت مودى وسارة عسلية وربنا جاااااااامدة كيك الأحد 23 مايو - 1:25 | |
| ههههههههههههههههههههههههههه حبيبى وربنا | |
|
الامير •«[ طالب مالوش حل ]»•
عدد المساهمات : 8112 تاريخ الميلاد : 20/05/1990 تاريخ التسجيل : 25/01/2010 العمر : 33 الجنسية :
| موضوع: رد: تيجى نكمل بقيت المقابلة بتاعت مودى وسارة عسلية وربنا جاااااااامدة كيك الإثنين 24 مايو - 11:21 | |
| هههههههههههههههههههههههههههههههههههههه | |
|