ضيفة كرسي الاعتراف:: العضوة لميس::

اولا ميرسى ع العصير بس مش مرسى خالص خالص ع الكرسى
ثانيا الاجابه بقا
العضو المميز .........!!
الامنيات الخاصه
ربنا يعنى واكون سبب فى سعاده زوجى العامه بقا ربنا يهدى شباب وبنات المسلمين
الحريه فى نظرى انى اكون ضعيفه مع زوجى وضعفى دا قوتى واعرف اعمل كل ال فى دماغى برضاه بس بعد مايحس انى استحق دا
الحريه ف طاعه زوجى وابويا وامى
دموع الرجل لا اجد لها تعليق لانها بجد بتشقلب كيانى
ال عيزه صداقتها ميرو دا لو تحبى يا جميل وطبعا كل اعضاء المنتدى اصحابى واخواتى
والى لفت انتباهى هو انت يا احمد
وقت فراغى باضيه ف الرسم وقراء وف الرغى مع ماما دا حاليا انا لما كان جوزى هنا فا مكنش فى وقت فراغ اصلا
المراءه شخص يجب الاتعامل معه بحساسيه تامه
الرجل شخص يجب استخد الذكاء فى كل كلمه معه اى استخدام العقل معه وفى بعض الاوقات استخدام القلب والذكاء كل الذكاء تعين الوقت المناسب لاستخدام القلب
الصداقه كنز من كنوز الدنيا والنميمه والنفاق ابشع مايكون
الصدق فى كل شى فى الدنيا وليس له وقت محدد
الحب ع النت فاشل لابعد حد ممكن لانه كله كذب وخداع

اوقل لا عندما يخص الامر دينى
اجلس لوحد لما اكون عيزه اعيط او متنرفزه جدا
ال بينرفزنى انى احط حاجه ف مكنها وبعد فتره ارجع مش الاقيها
ال يجرحنى انى مجرد اتخيل ان جوزى اتجوز عليا بجد اموت اموت اموت
التخيل بس مابالك بالحقيقه
تنظر لمستقبلى بكل تفائل وامل
اهه علشان مش تقولوا بهرب
والايام بيننا وليك يوم يا احمد

بصي لميس انتي والله صعبتي عليا من كتر الاسئله دي فعشان كده انا حريحك واديكي كرسي مريح بدل بتاع احمد ومش حسالك
اتفضلي اجلسي






















ايه بتدوري علي ايه انتي صدقتي

1-ايه الي عجبك في جوزك يوم ما اتقدملك
2-انتي ربنا وفقك وخلفتي ولا لسه
3-مين اكتر واحد كان موافق علي العريس امك ولا ابوكي
4-ازاي تعرفي توفقي بين المعهد والبيت
5-لو خلفتي تسمي ابنك او بنتك ايه
كفايه كده لحد مرجعلك



بايييييييييي

والا اقولك عشان متزعليش اتفضلي الكرسي اهه






















والله دورت كتير ملقتش كرسي يليق بيكي خالص ففضلت انك تفضلي واقفه

ميرسى يا ميرو
بس يوم احمد معداش بالنسبالى

ميرسى يا كوتا
العجبنى فى جوزى انه حافظ القران وسنه صغير يعنى الفرق بينا سنه
وان ابوه وامه ناس بجد عمرى ما هلاقى زيهم
لا لسه مخلفتش
بس ان شاء الله ناويه اجيب ولد واسميه فهد
عادى الاتنين كانوا موافقين بس بابا يعنى شويه كان رافض
وانا بالنسبه للمعهد فاشله اخر حاجه وربنا يستر وانجح
انا مكنتش بروح اصلا المعهد الا نادر جدا
ادعولى بقا انجح

ربنا ينجك وبنجحنا يالميس بس عندي سؤال كمان انتي بتقولي ان الفرق بينكم سنه يعني هوه هوه لسه قي الدراسه السؤال ده مهم بالنسبه ليه اصلي خاطب من سنه اولي وابويا مش عايزني اتجوز غير لما اخلص انا وهيه سنه رابعه
ياريت تجوبيني هشان اعرف في حد غيري بيدرس ومتجوز ولا انا الي دماغي فلتت

اصعب حاجه فى الدنيا هو الاعتراف بالحب

اصعب حاجه فى الدنيا هو الاعتراف بالحب

بصى يا جميل
لما بكون مدايقه بحب اعقد لوحدى او انى اشوف جوزى بجد بنسى اى زعل
وممكن مع انوش صحبتى
بس انا عمتا بفضل اقعد لوحدى
اه جات عليا فتره قولت كدا يعنى لما اتعرض قريبى لمواقف كذب وخداع ويقولوا لميس قالت وهى مقلتش يعنى بيفتروا عليا انا بجد اكتر حاجه اكرها ان اسمى بنذكر فى كلام الحريم ال ملوش لزمه دا
وبالنسبه لجوزى لو قلى اسافرله هسافر بس بالنسبه للدراسه لاء مش هسبها هاجل انشله اخد السنه ف سنتين بس مش هسبها وهو عمره ما هيطلب منى كدا دا كان شرط فى عقد الجواز انى اكل دراستى وهو وافق

يا كوتا اه جوزى اكبر منى ب سنه واحده بس انا عندى 21 سنه
وهو 22 يعنى خلص دراسته
وربنا يوفقك انت وهبه

منورنا يا مؤمن
بس ال يدخل الصفحه دى علشان يسالنى
واكيد انت شايف عملين فيا ايه
..................
.........
....

انا اللى طلبت ايه يا جميل ؟
ان يكون شرط فى عقد الجواز!!!!!
والله انا ملحقتش اطلب لان بابا دا كان شرط عنده وخاف انى لما اتجوز مكملش
فعمله شرط فى عقد الجواز

بصى ياحجة لميس انتى لسة جديدة علشان كدا بنقول خلينا براحة عليكى
يلا نبدا حاجة كدا ع القد بس يلا لية ايامك جاية وفاضلك كتير ع الكرسى

من اعز اربعه بلنسبالك في المنتدى؟


يوم تتضايق حتروحى فين ؟


متى آخر مره اتعاركتى معى واحد/ه وليه ؟


اسئلة كرسي الاعتراف قوية



عضو توقيعه يعجبك ..( )


عضو نشيط. فى المنتدى ومؤثر.. ( )


عضو رزل فى المنتدى ... ( )


عضو انتى مفتقداه فى المنتدى... ( )


عضو تفرحى بوجوده فى المنتدى .. ( )


عضو تحسه واثق من نفسه ... ( )


عضو داخل مزاجك ... ( )


عضو يغيظك.. ( )


عضو تتمنى انك تشوفيه ... ( )


عضو مثقف... ( )


عضو تخافى لما تلائيه فاتح المنتدى وانت موجوده ..( )


عضو اسمه مش عاجبك وعايزه تغيريه... ( )


عضو عايزه تعرفى معنى معنى اسمه ... ( )


عضو تحس انه فى شبه منك فى التفكير وكده... ( )


عضو عاوزه تضربيه... ( )


عضــو تحس أن فيه خــمول (كسل ) ... ( )


عضــو يجذبـك بأسلوبه وطريقـة ردوده ... ( )


عضـو أحيانا ينرفزك بـ ردوده ...( )


عضو عاوزه تقوليله لم لسانك شويه.. ( )


عضو شايفه انه طموح ... ( )





عضو تحسه طفولي .. ( )


عضــو يناسبه لـقب المحبوب ... ( )


عضو تقوله (( ماينساك أبد قلبي )) ... ( )


عضو تقوله (( الله يسامحك )) ..
يلا ياحجة احلى اسئلة اهوووووووووووو

لميس كتب:

يا كوتا اه جوزى اكبر منى ب سنه واحده بس انا عندى 21 سنه
وهو 22 يعنى خلص دراسته
وربنا يوفقك انت وهبه

عادي وهوه انا الي صغير منا عندي 22 زيه بصلااحه 21 وشويه بعدين انتي عرفتي اسم خطيبتي منين

ايه يا جماعه انتوا نزلين عليها سلخ ليه كده طب ادوها يوم راحه هههههههههه
الله يكون في عونك يا لميس

ارد الاول على كوتا
انت يا باشا الى قولت اسم خطبتك راجع سؤالك عن ان كان زوجى لسه فى الدراسه ولا لاء
وانت هتلاقى انك الى كتبت اسمها
اوك يا باشا

دلوقت بقا دورك يا محمد
واظاهر ان كدا بقوا اتنين انا نويلهم وهيجلهم يوم
اعز اربعه اولا انا مش بقالى كتير فى المنتدى علشان اعرف اعضاءه كويس اوى
بس ممكن اقول ميرو وكوتا واحمد وانت دول ال كان بينى وبنهم كلام
يوم ما ادايق بحب اقعد لوحدى اروح فين بقا فا دى حسب الظروف بس عمتا لو انا خلاص جبت اخرى بروح اقعد على البحر
اخر مره اتخانقت كانت مع خطيبه اخو جوزى وانا مش هسميه خنناق ممكن شويه شد ف الكلام
ليه فا علشان انا كنت عند حماتى امبارح وهى ومامتها كانو بيزورا حماتى فا طبعا شفتنى هناك وانا لما بكون عند حماتى مش بحب حماتى تعمل اى حاجه طول منا موجوده
فا خطيبه اخوا جوزى شفتنى كدا قالتلى انت بتعملى كدا ليه انت بتنافقيه ليه انت عيزه منها ايه
المهم انا بجد كنت مخنوقه منها وطول مهى مجوده عماله بكل تناكه الدنيا وهى اعده وحطه رجل ع رجل
لميس هتيلى ميه
لميس هتيلى كاس العصير
المهم انا بجد مش هقول انا عملت فيها ايه بس استفرت بيها وظبطتها صح